تكفون بحط ردودكم بعين رفيجتي ذبحتني ماتسمع الكلام تعالو انصحوها

بدش بالموضوع على طول عندي رفيجتي متزوجه صارلها 3 سنين وعندها بنت

كل هذا عادي المهم بقولكم سالفتها كل يوم تتصل فيني تبجي انا خالتي ماتحبني وحماتي تشيش امها علي

انا بالاول عبالي مسوين فيها شي انا متعوده على نغزاتهم اللي يقطونها عليها وقلتلها عادي طنشي وقفلي باب شقتج وانخمدي فيها

اهي اجتماعيه حيل وهبله تقول ماعرف اعزل نفسي عن الناس على كثر اللي جاها منهم لدرجة انهم كانو يبون ولدهم يطلقها وتهموها بشرفها والله نصرها عليهم ماكو فايده فيها ما تتعلم طيبتها بخبال

وكل اللي يعذبها تقول ماياخذوني معاهم وحتى حماتي لما ملجت وتحدد عرسها قطوها بوجهي انهم مايبون مساعده وودهم بس يسألوني وين الفلاني والعلاني بدون لا يحطون لي قيمه ابي احس اني بنتهم ومنهم وفيهم شلون ؟؟؟؟؟؟؟؟؟
هبله ماكو فايده

اهي خالتها تغار منها حيل لان ولدها يموت فيها وان الناس دايما تمدحها واهي مزيونه مزيونه بكل معنى الكلمه تبارك الله وكشيخه تقط على عمرها بس اللي قاهر ام زوجها اكثر انها مو موظفه ومنقهره على معاش ولدها ليش يصرف عليها ودايما اهي اكشخ منهم

واهي تراكض تبي رضاهم شسوي فيها امانه اهي رفيجتي من ايام المتوسطه يعني اكثر من خوات مادري شلون اغيرها ابي قلبها شوي يحس انه اللي جاها منهم مو شوي ومايستاهلون تعطيهم من قلبها وانه تغسل اييدهم من انهم يحبونها ويحسبونها من بناتهم

اقلها يابنات انه لما احملت حماها راح لاخوه وقاله اخذ مرتك تأكد انها حامل يمكن تجذب عليك وزوجها تهاوش معاه وحذف التحليل بوجهه اهو مو منه من امه وتخيلو ماباركو لها بحمالها وحتى بالمستشفى ماجوها والله مسكينه ولحد الحين تحاول انها تكون حسبت بنت من بنات ام زوجها والله تعببببببببببببببببببببببببببببببببببببببت منها ساعدوني