|
|
انا تزوجت عن حب و بصراحه هوه اللى كان يحبني اكثر و من حبه لي الكبير انا وافقت اني اتزوجه
المهم
الريال من اول يوم عرفني و هوه شايلني شيل و محترمني و يخاف علي و مدللني و لما تزوجنا كنت ناسيه اني تزوجت كان يعاملني مثل الحبيبه او صديقه كنت عايشه بسعاده لا توصف و بعدها حملت كانت فرحته مو طيعيه لان بيصير ابو و طول فتره الحمل عايشه بحب و حنان و دلال و دوم ادعي الله لا يغير علينا
بعد ماولدت الريال تغير علي 180 درجه
مع ان كان فرحان ان صاير ابو و طاير ببنته حيل
تخيلو و انا نفسه توني والده رحت الصالون و ضبطت حالي و شكلي قلت اشفيه هذا يمكن لايعه جبده من شكلي
كل يوم لبس غير و مكياج و اضبط شكلي و شعري حتى وزني نزل نفس قبل الحمال
و اهتميت بنفسي من كل النواحي هم مو شايفه اى اهتمام
لما يطلع مايدق و لايسال ماقام يطلعني مكان معاه كله يقولي بطلع بروحي او مع ربعه
حتى السفر يقولي بسافر بروحي
بالبيت لما يدش كله نايم و اذا قعد او ياكل او يلبس و يطلع
ماصرت اشوفه و لا ااقعد معاه تخيلو حتى الجماع نقعد فتره طويله مايصير شي بيننا و هوه عادي و لا هامه
مع اني جدام عينه و كاشخه 24 ساعه ليل و نهار
قبل الولاده كنا كل يوم نطلع و نسافر و كلام حب و غزل
و ماينام الا لما يلمني الحين صار ينام بالصاله اغلب الوقت و انقلبت حياتي جحيم و هواش و كل مانتهاوش يقولي اذا مو عاجبج روحي بيت اهلج خلاني اندم على اني تزوجته و حملت منه بسرعه
على فكره انا مو من النوع الحنان بالعكس انا هاديه و طيبه و حنونه و قايمه في قوم حتى و هوه مهملني
انا شاكه اني في احد بحياته غيري و للحين مو لاقيه شي عليه مادري شسوي
ماعرف شقول
قولي له شفيك متغير علي ؟؟ اهو لازم اول الحياة الزوجية الدلع يزيدوشوي شوي تصير الحياة عادية روتينية – بس ماتوصل لي انه ينام برا @@ ومايطلع معاج خير شر يمكن فيه شي احنا ماندري شنو والله العالم فمالج الا تقعدين معاه وتكلمينه بهدوء وقت ماتجوفينه رايق واخذي منه السالفة والله يهون عليج ويهديه
يعني خلاص وخري عني قلت اللى عندي لا تحنين
ما فكرتى ممكن تكون عين
سبحان الله
ليش لا ؟؟؟
انصحج بالرقيه الشرعيه والاذكار لا تطيح من لسانج وقراءه سوره البقره ببيتكم
وبعدين حبيبتى تمام الحال من المحال
الزوجين باى فتره من فترات حياتهم اييهم نوع من الفتور شى طبيعى
وعن نومته بالصاله يمكن من الياهل واهوا ما يبى الازعاج عادى
ويحب ينام مرتاح عادى لا تحاتين
واخى لج راحه يوم بالاسبوع تنامين عند اهلج عشان تولهون على بعض اكثر
وروحى واجهيه بشعورج شوفى شيقولج
حاولى انتى دايما تفهمينه دام فيه مواصفات حلوة وانتى تعرفين اطباعه عطيه فتره يتاقلم مع التغييرات اللى صارت بوجود بيبى
وصدقينى هذى سحابة صيف لا تشغلين بالج
كلهم لمن يشوفون الالتزام شوى يتغيرون بس مسالة وقت وان شاء الله يتغير للافضل
واتمنى لج حياة سعيده
.gif "Eh S(2)")
بس اهوه قاعد يحسسني ان خلاص وجودي ماله داعي بحياته و خلاني افكر بالانفصال
صارلي شهرين على هالحال محتاجته حيل و فقدت حبه و حنانه و اهلي للحين مايدرون عن شي مابي احد يتدخل قاعده ااول انا ااحل الامور بس للاسف حاولت بكل شي ماكو فايده مو شايفه اي تقدم
اشتقت للكلام الحلو و المعامله الزينه تخيلو بنات اروح اتحرش فيه اقول يمكن يحس فيني يقولي تعبان وخري عني و مالي خلق
اللى قاعد يصير معاي صادمني حيل لاني عشت اكثر من سنه مع شخص عمري ماتوقعت ان يتغير علي جذي
و فجاءه حاسه ان شخص ثاني
موفقه
والله يهدي ويرجع مثل قبل واحسن ان شاء الله
صبري حبيبتي لا تدخلين اهلج وتكبر السالفه انت حاولي تتقربين اكثر سويله ليله رومانسيه وشموع وحركات وذكريه بايامكم ومناسباتكم وذكرياتكم الحلوه الي كانت مع بعض والله الله يهديه وسخره لج وتردون نفس قبل واحسن