|
|
مرحبا بنات شخباركم؟
اشتقت لكم
انا بس ودي اسولف معاكم و لانكم خواتي ودي استشيركم و ماخاب من استشار ..
انا والله وحده هااااديه و كافيه خيري شري ،، و تزوجت صغيره و ماعرف اتصرف بالمسؤوليه وامي اسكنه بمنطقه وايد بعيده عني ،، و شاكنه انا في بيت بروحي الحمدلله
مشكلتي بالحياه شغالتي
عندي فلبينيه وحليوه وتحبنا ،،
طبعا ككل الشغالات فيها عيوب !!
ودي اركز و ادرس الموضوع معاكم >>صارت دكتوراه هههههه
عشان اعرف الطريج ..
عمر هالشغاله 50 سنه ،، جاتني من 3 سنوات يوم كانت 47 سنه
(كل سنه نسوي لها عيد ميلاد ونجيب لها كيكه ) شفتوا الدلع !!
طيبه وحبوبه ،، عيوبها ،،
لان اول مره تشتغل بالخليج قلبها فااااز على الملابس على المكياج علينا على الاكل على كل شي ،، (ماعليه الحمدلله الخير وايد بالخليج و الله يغنينا من فضله)
صوتها وايد وايد عالي ،،
انا الحمدلله عندي بنيه عمرها سنتين و نص ،، بس وحده و تسبب ازعااج بالسياره تسولف تسولف تسولف تسولف
اقولها لعبيها بس بهدوء بليز و ماتسمعني ابد
هي مبلتعه ايضا ،، اشوف عندها اكثر من جوال،زياده على الجوال الي انا معطتها اياه، وصديت سويت نفسي ما اعرف ،كله عشان البنيه
لما اروح السوق دايم تسولف مع الفلبينين ،، وتاخذ ارقام ،،اشوفها تتبسم تقول هذا من نفس منطقتي !!
اقول مو مشكله !! 
اذا طلبت مني تروح الجمعيه اوديها ،، انا اعطيها كرت التعبئه كل شهر،، راتبها عالي من جاتني كل سنه ازيدها
شغلها بس البنت لكن كل مادش عليها الغرفه تلعب بالتلفون والبنت تحوس ! اكلمها ماكو فايده
امي تشتكي منها تقول للحين تستهبل ،، ماتعررررررف عربي ابدااااا ابدا ،،اعلمها تقول ماعرف مدام ههههه ودايم تضحك بصوت عالي تستهبل .. و سنتين بنيتي !! للحين تبجي اذا بتبدل لها بامبرز ،،يدها ثقيله فانا اخاف ماخليها اببببد ،،
احسها مأثره بنفسيتي و دايم افكر و قلق اقول لا يكون انا متآخره في الحمل بسبتها !! احس ان العيال مسؤؤليه كبيره و كن عندي يهال وايد ،،لان هي مسببه ازمه وهليله للبنت ودايم كل ماتقعد معاها تبجي تبجي بنتي !! ،،
لما اجي من الدوام والله ما اقيل عشان ارحمها ،، لماالله يسلمكم زوجي يبي حقه الشرعي اخلي بنتي تحت تلعب ،، خمس دقايق الا البنت فوق صاعده تضرب علينا غرفتنا @@
ليش مو انا قلت لج قعدي تحت وياها ؟ ماتقعددد
انا كبر بنتها فابدا ماتسمع كلامي كلششش ،،
علمتها الطباخ ما تتعلم ، وديتها بيت حرمه تعلم الطبخ ورحت جرير شريت كتب فلبينيه للطبخ ماكو فايده !! ماناكل كله مطاعم
انا موظفه وانزل بنتي لامي لان ما اامن فيها ابد هي ويها مو مريح بس زوجي وايد مرتاح لها !!
لدرجه ان كل يوم ميلاد اول ماتشوفه الصبح هابي بيرثداي سر ! و كل ايطلع تخم بالحوش ان هي شغوله !!
المهم لدرجه ان فالاخير قلنا وش هالشقا لا لا اكيد يبي لنا شغاله ثانيه !!
لان الكواي والغسيل سالفه !!! مع ان زوجي الكواي بالدوبي !!
جبت شغاله ثانيه لكن شفت الفرق !! هذي تشتغل الحمدلله وتسمع كلامي احسن ومع بنتي وايد حليوه ،،
تخيلوا العيوز جاتني تبجي !! امي ماتت ابي اروح ،، حجزت لها على طول تذكره بفلوسي راحت واكلمها ارجعي عاد ،،(كبر راسهااا) ..
عشت اسبوع بدونها ،، والله انصدمت من الراحه النفسيه !!والشغل الحمدلله
مددت بدون ماتقول لي كلمت زوجي ! ووافق لها !! عازينها رازينها !!
الجديده طيبه لكن بنتي مو وايد معاها ،، وامي تقول لما اكون بالدوام ماتعرف تتكلم معاها لان ماعندها لا عربي ولا انجليزي ،
اليوم سوت لي سالفه !!
نومت بنتي عال7 ونص ،، ورحت انا و اختي انزور رفيجتي والد وجيت 9 ونص ،،
لقيت الخدامه تحت بالمطبخ ،، ولاتكلمت لان انا تعبت منها !!
سكت و رحت فوق لقيت البنت نايمه ،، رديت الصاله الي تحت ،، اسمع البنت تبكيييي !! قلت لا اله الا الله ليششششش قامت ،، لقيتها تبدل لها بامبرز و هي نايمه !!!!!!!!!!!
ليش هالنذاله < انا موظفه اقوم 5 من اذان الفير وماقيل !! تعبانه جسديا و نفسيا ليشششش!!
سمع زوجي الصياح !! وقال شسالفه قلت والله مصحيتها !!
والله تعبت مادري شاسوي ،، ابي ارتااااااح و هاذي مسببه لي ازمه بحياتي لان نحيسه و تاكل وتشرب عالفاضي !! راتبها جدا عالي ولا في فايده وكل يوم اهل زوجي يقولون بااااال شغالتج تفرررررش زياده !!
كل يوم بالجمعيه كل يوم مدام مافي مافي !!
ادري طولت عليكم بس الحين اخيرا زوجي اقتنع من بعد شهور هواش عليها ومفكرها زينه هالعجوززز
ودي اسفرها بس اقول خل مجنونك لا يجي اجن منه ،، وساعات اقول مافي اجن !!
انا خاطري اييب عيال ورا بعض وهاذي انا اخدمها مو هي !!
قدمي لج على وحده ثانيه وسفري هالدعله
اناخدامتي عيوز بعد وكلش مومريحتني وتتامر ومايعجبها العجب بس انها زينه مع اعيالي
هذا الي مصبرني عليها ……..اخاف اقلها تيني وحده تلعوزني وتلعوز عيالي. الله يعينا ع الغثا
بس انتي اختي اًًذا شفتي شي مايعجبج كلميها ونبيها وبيني تذمرج منها لاتسكتين لها ع طول ترا كلش ماينعطون ويه
والله المستعان
حبيبتي مهما كان لاتخلي الشغاله تبداله الاواحد موجود يشوفها مافيهم امان ولايخافون ربهم والله أني متعجبه ليش تجابون عيال دام الخدم باتربيهم والله والله راح تتحاسبون ع عيالكم خاف الله بالاطفال الخدمات قمه بالخيانه الله ياخذهم م خدم إذا انتي ماعندش صبر تمسكين العيال هي كيف بيكون فيها صبر. الله يعين بس كل عيال الخليج صارو تربيت خدم
بالعكس الدلال بزود هو اللي بيخربها. انا مااقول لعوزوهم
لا احسنو معاملتهم. بسسسس لاتكون هي الكل بالكل. وتطيح الميانه
مثل التلفونات والاررقام
و الله خوش !
قدمي على وحده و سفريها !
العياييز مبلتعات اكثر من الصغييرة
قدمي علي وحدة ثانية بالثلاثينات ابرك
هاذ ما تحترمج
خل تولي زين
انتي غلطانه انج صابره عليها
سفريها وفتكي منها
ويبي خدامه يديده
بس انتي عاد لا تخربين اليديده
الخدم ما ينعطون ويه
خلج معاهم رسميه لا تطيحين الميانه معاهم
والله انتي صبورة هاي لو عندي من اصبح لين امسي اشرشح فيها وما تم في بيتي ولا ساعة
هالخدم منكر
الله يكفينه شرهم
جان ذلفتي العيوز وخليتي اليديده .
سفرها
نصيحه لا تتكلمين معها ولا تعطبتها وجه
وكرفيها وخدام وهي تعدل
مو لهدرجه يعني اخذي اجازه وسفريها قوليلها خلاص انا بقعد بالبيت و روحي قدمي او جيبي من المكتب .. ونسقي معاها وقتج !
لا تحطين لج مغثه بالبيت
قدمي على وحده ثانيه ويكون عندها خبره باليهال وعمرها بال30 احسن لج من خدمة هالعجوز.
ونصيحه كل مادلعتي الخدامه كل ماركبت فوق راسج، وكل ماعطيتيها على راسها كل ماالتزمت ، انا ماقول تعذيب بس لاتعطينها وجهه.