تكفون ابي حل

السلام عليكم

ولدي عمره 3اشهر وذبحني بالغازات مسكين ينام شوي ويقعد يبجي مادري شسويله لاتقولون ينسون وكمون ودوا قاز بمبي وحليبه ابتاميل كومفورت كل شي جربت معاه وماكو فايده

نفس حالتي
ومن عطيته يانسون وهالسوالف زادت حالته
كل اللي لازم تسوينه تنومينه على بطنه … وكلها اشهر وتتعدل نومته
والله يعينا

نومته مسكين مايبي والله مابقا شي ماسويته والدكتور قالي لاتعطينه سكر نبات ولا عادي لانه يزيد الغازات

حبيبتي يمكن يكون من الحليب غيريه له وشوفي راح يتحسن

صاجه ام بدر يمكن من الحليب لاني اعطي ولدي حليب 26 وقالي الطبيب انه يجيب الغازات واهو بس يكمل 4 اشهر تروح الغازات

غيرته جم مره نفس الشي وهذا احسن نوع حق الغازات

انا ودي اعرف ليش جذي اللي بالمنتدى بس يبون يستفيدون مايبون يفيدون احد شدعوه
مابي احط موضوع مفيد كلش كله بحط صور واخليهم يطالعون بعيونهم اللي مايردون

ماي غريب من المستوصف حطيه مع الحليب وايد زين

مايصير ماي غريب اللي بالجمعيه
ومشكورة حبيبتي على الرد

نقس حالتي ماخليت شي ماسويته ماكو فايده الله يعينه

هلا أختى هذا شى عادى عند الأطفال بعد4 أشهر تختفى الأعراض
الله يعينج

واي عذاب بعد شهر ابي ابجي لا واللي يبط الجبد يقول الدكتور انه المغص يروح اذا طلع برا البيت يغير جو فينام واهوه مرتاح

اول شي حليب ابتاميل اهو اخف غازات من جميع الأنواع

عندج غاز بمبي – او ديسفلاتيل ( ادوية )

ماي غريب ( اخذي من الصيديلة احسن من الي بالجمعيات )

عندج شاي اعشاب تنباع بالجمعيات اسمه ( بيبي كالم ) عبارة عن ينسون و كراوية

سويله حبة حلوة

وعن تجربة : نقعي علج لبان بماي دافي وبعدين ضيفي الماي على حليبه او شربي الياهل بقفشة صغيره

وما يشوف شر ن شاء الله

شكرا بس بيبي كالم مو دوا اييبونه من لبنان؟