تقويم الأسنان

السلام عليكم
نبي الحين كل وحده تدخل وتقول عن تجربتها بتعديل الاسنان بوضع التقويم للاستفاده حتى تصير ابتسامتنا حلوووووووووه

1-أسم العياده
2-جم صار التكليف
3-اقساط ولا كاش
4-اشلعوا ضروس الجانبيه عند الأنياب ولا ماأشعلو لان في عيادات تقول الشلع الضروس قديمه
5-مدة التقويم بالأسنان

اتمنى اللي تدخل ماتبخل علينا بالرد
ويالله يا الكويتياااااااااااات الهمه

هايز
اشلونكم بنات شخبارك ؟

انا ما عندي معلومات كاملة ان شاء الله هاليومين اجيبلكم جم معلومه
بس اعرف عيادة البيان – الخليج – الفيصل

يقولون هذول احسن عيادات للاسنان بالكويت
انا نفسي اسوي تقويم حق اسناني
بس الدكتور يقول اسناني ما تحتاج
بس والله نفسي اسويها وادري اني محتاجه حاسة لان المبلغ اكبير الدكتور قاعد يقولي لاء

ادري ما ستفدتي شي بس ردي الجاي ان شاء الله بجيبلج اخبار العيادات كلها

مشكوره غلاكم على الرد
ولاتنسين تقولينا خلينا على بالج حبيبتي

اشدعوه بنااااااااات ولا وحده ردت ترى هذا موضوع مهم حق الاسنان تكون الابتسامه حلوه وريحة الفم والبياض الناصع والاسنان صفه ومتساوين خلونا نستفيد من الموضوع

,’،

جبتيها على الجرح يالغلا..

أنا سويت تقويم أول بالحكومه وصارو اسناني وااو وبيض ..

تقولين طقم ..

وسويت حادث وتحركوا عاد ..الحمد الله ماطحو بس..

والحين متوهقه ودي اسويهم..

في تقويم جديد اذكر اول كله اشوف دعايته بالجرايد…

اللي يجي شكله مثل البلاستك على كل الاسنان.. يشابه مجموعه تبيض الاسنان اللي بالجل..

هو طبعا افضل من تقويم الحديد اللي شكله موا حلو ويعور بعد..

على ماظن كان بعيادة الخليج.. وانا ابي رقمها ولا حصلته ووين ..؟؟

بليز اللي تعرف عن عياده الخليج للأسنان تعلمني.. هي بالشعب ولا بالسالميه؟؟

تسلمين خيتوو على هل الموضوع..

دمتي بود وحب..

,’،

حبيبي عيادة الخليج لها فرعين

بالدعية ورقمها 2525234

والفرع الثاني بالسالمية ورقمهم 5630003

بس انا ما اعرف هذا التقويم يعني مثل الحديد نتيجته وله يطول

اذا تعرفين معلومات كافية عنه قولي

لان العيادات ما يرضون يشرحون كل شي على التلفون

بصرااحه انا قالوا لي ان الحديد أفضل شي وأسرع شي لتعديل الاسناان ..

بس رفيجتي مسويه عند الهادي وواااايد تمدح فيه

بصراحه حطيت تقويم مافادني بشي
رحت عيادة الميدان صج انه غالي
بس الدكتور اللي هناك عدل اسناني
طلعو يهبلون ولايبينون اني مسويتهم
مسويه السطرة اللي فوق بس
ماني ذاكرة السعر بس غالي مورخيص
باليزر وشغل الدكتور عجيييييب وايدة خفيفه

انا سويت تقويم عند الدكتور ابراج بمستشفى هادي
كلفني 1200 د.ك
ومدنته سنتين

صج ماكو عليه هالدكتور فاهم ومايستعجل

انا حطيت تقويم السنة الي طاافت و حييييل تعدلوا اسناني صاروا صفة لولو

بعيادة ابها طلفتني 1500 دينار تقريبا

انا شلعوا ضرس واحد بس جانبي صوب لاانياب

طول معاي سنة بس

و هم اعرف عيادة حييييل دكاترتها شطار اسمها عيادة البيان وااااايد زينة ونفس التكلفة تقريبا

انا بحط قالولي تعالي بعد سنتين