|
|
السلام عليكم ورحمة الله وبركاته
7
7
7
فكرتي اليوم 
مو غريبة على بعض الأبلات
بس يمكن تكون جديدة للبعض الآخر
أو فيها إبتكار أكثر للبعض
نبي نخلي المتعلم يتقمص شخصيات من أرض الواقع
تأتي للفصل كأنها ضيف
ولكن من المتعلمين أنفسهم
وهذي الحركة فيها
كسر للروتين
متعة ووناسة
تحقيق أمنية لبعض المتعلمين إنه يكون هو الدكتور أو رجل الإطفاء
يلى نبدي الشخصيات المقترحة
أولا : ساعي البريد
وهذي كلش ملش مو غريبة ومن زمان نستخدمها
7
7
هذي صورة ممكن تستفيدون منها بس حطوها بالورلد وطبعوا يمها كلمة ساعي البريد
وغلفوها حراري
وحطوا عليها شريطة عشان تعلقينها برقبة المتعلم إللي راح يتقمص دور ساعي البريد
وخلوا معاكم مجموعة من المكاتيب ملوت الهنود وحطوا فيها المطلوب
قولي للمتعلمين اليوم عندنا ضيف راح يحضر
خلي المتعلم إللي هو ساعي البريد يطلع بره ويطق االباب ويدخل
ومعاه المطلوب ((وطبعا كل وحدة تحط المطلوب حسب مادتها
مثلا مسائل حسابية
صور
كلمات
ثانيا : الرسام
وسووا نفس فكرة ساعي البريد طبعوها وغلفوها وعلقوها هذي صور حلوة
والرسام دايما خلي معاه الأوراق المطلوب تلوينها
او يكون معاه ورقة ومكتوب فيها رسالة للصف
ممكن تساعدوني في تلوين المطلوب في صفحة 50 في الكتاب
ثالثا : المعلمة الصغير أو المعلم الصغير
وهذي الصور طبعوها غلفوها وعلقوها
فكرتها حلوة
المعلمة الصغيرة تساعدج في شرح فكرة معينة
رابعا : الدكتور أو الطبيب
ونفس الشي هذي الصورة طبعوها غلفوها علقوها
وهني تقدرين تستخدمين هذي الشخصية إذا كان درسج صحي نوعا ما
الدكتور إيي وعنده المشكلة حاطها بظرف ويقراها على المتعلمين وهم يعطونه العلاج
يعني مثلا درسي عن التغذية السليمة
((خالد يعاني من تسوس الأسنان لانه يكثر من الحلويات
من يساعدني في علاجه ..هني أهما ينصحونه بالتغذية السليمة))
ومو شرط يكون الدرس صحي
مثلا ((سالم مكسورة رجله للمرة الثانية والسبب أنه يلعب بالكرة في الشارع من يساعدني في علاجه
وهني المتعلمين يقدمون له النصيحة ))
وهكذا
خامسا : سائق قطار المتعة والوناسة
وهذي الصورة طبعوها غلفوها علقوها
وهذي فكرة إذا بتطلعين من الصف بتروحين أي مكان إنتي مع المتعلمين
خلي سائق القطر يدخل عليهم
ويقول لهم
عندنا اليوم رحلة فيها متعة ووناسة
بس مطلوب منا نصف على شكل قطار عشان نروح لرحلتنا
وهني خلي السائق بالمقدمة وإنتي معاهم وديهم للمكان
سادسا : الشرطي
وهذي الصورة طبعوها غلفوها علقوها
ويكون عنده شكوى عن سلوك خطأ متعلق بالدرس والطلبة يساعدونه في حل هذي الشكوى
7
7
هذي كل الشخصيات إللي تحضرني الآن
إن شاء الله إذا تذكرت بعد أحط لكم
وإنتو لا تبخلون علينا
إللي عنده فكرة لشخصية سهلة وممتعة تحطها لنا
ناطرتكم
7
7
مثل ما عودتينا بكرمج و عطائج ,,, للافكار المتميزه
حفظك الله من كل شر 
و اذا طرت فكره على بالي بدونها
مشكورة
ولو تسوينا وعندج ضيوف راح يسجلونها نقطه لصالحج شاركتي المتعلم بالدرس والكل تحرك وشارك
مو قرقه كلام وناس نايمه
مشكورة يا أبلتنا
مجهود تشكرين عليه ياقلبي
ماقصرتي
الله يحفظك
وأهم شي نستفيد
وشكرا لكم على ردودكم الراااائعة
وبما اني ابلة موسيقي المنبه شي اساسي بحصصنه اليوميه
لازم نحط منبه متصل بموضوع الدرس
ومن الافكار الي ممكن ازيدهاا علي افكارج
وحده تلبس عبايه وملفع ودش وتكون الحبابه الي بتقولهم قصة موضوع اليوم
او صبي يلبس دشداشه وغتره وعصاية ويادي نفس الدور
او مجموعة صبيان يلبسون وزارات يعني بحاره
او طفل يلبس عصفور يعني كوكو الساعه
مممممم
ممكن الفراشه تقولهم يالله كلنه انتعرف علي موضوع درسنه لليوم
في واااايد افكرااااااار ممكن نستغلها صح
او هم فركه نستدعي ابله محبووبه عند اليهااال تكون ضيفه التمهيد للدرس
|
المشاركة الأصلية كتبت بواسطة miss_q8ya
 يعطييج العافيه علي الموضوع الروعه
وبما اني ابلة موسيقي المنبه شي اساسي بحصصنه اليوميه لازم نحط منبه متصل بموضوع الدرس ومن الافكار الي ممكن ازيدهاا علي افكارج وحده تلبس عبايه وملفع ودش وتكون الحبابه الي بتقولهم قصة موضوع اليوم او صبي يلبس دشداشه وغتره وعصاية ويادي نفس الدور او مجموعة صبيان يلبسون وزارات يعني بحاره او طفل يلبس عصفور يعني كوكو الساعه مممممم ممكن الفراشه تقولهم يالله كلنه انتعرف علي موضوع درسنه لليوم في واااايد افكرااااااار ممكن نستغلها صح او هم فركه نستدعي ابله محبووبه عند اليهااال تكون ضيفه التمهيد للدرس |
واااااااااو رووووووعة
يزاج الله خير
إي جذي نبي نستفيد
فكرة حبابة دشت مخي إن شاءالله بطبقها
وبعد فكرة الفراشة رووووعة
الله لا يحرمنا منج
وناطرين الباقي
ما قصرتي ابله كويتيه ,,