تقدرون تغيرون الريال؟ من هالناحية .

بنات ابي استشارتكم وخبرتكم بشغلة

وحده من اهلي متقدم لها واحد ولما شافته حزة الخطبة ارتاحت له وهو نفس الشي حست انه متقبل وياخذ ويعطي

وكان سلس على كلامها ولما راح الحيا منها اشوي قامت تسأله

اسألته عن صلاته قال انه يصلي بس مو دايما بالمسيد وهي تهمها وايد هالنقطة ، فرض عالريال ..

عاد اهي تحاتي وخايفة وبتعرف اذا تقدر تغير الريال من هالناحية ومن كل النواحي عموماً

تحاول بطريقتها الله يقدرها ان شاء الله

اتهقون ممكن يستجيب الريال من خبرتكم يالمتزوجات قدرتوا تغيرون رياييلكم؟

حياتي على حسب الريال خل تقول له هالنقطه وتشوف شنو رده يمكن يقول اي يروح وبعدين مايروح يعني على حسب بس دام انه خايف ربه ويصلي ان شاء الله يتقيد والله يوفقهاا ,,

الله يجمعهم على خير

ربي يهديه ان شالله

تقدر ياقلبي وماكو شي بهالدنيا الصعب تحاول فيه مرة واثنين وثلاثة وكثر الطق يفج اللحام

الله يهديه

يزاكم الله خير خواتي

ما تقصرون

أبي خبرتكم يا بنات واللي مر عليها ريال جذي سواء اخو أو احد من اهلها أو حتى زوجها اشلون اقدرت تقنعه وهل يستجيب؟

طبعا تقدر

بس لازم تجيه صح ماتحسسه انه مقصر بس اتشجعه وتذكرله فضل الصلاة جماعه وتقوله انشالله لنا نجيب عيال تاخذهم معاك المسجد

ومن هالكلام

ماتجيه واهي ناقده عليه اشلون ماتصلي بالمسجد وليش وشحقه

لا لازم اسلوب وصبر ودعاء

الله يجمعهم اذا في خير

أنك لن تهدي من أحببت لكن الله يهدي من يشاء
حبيبتي البنت راح تكون سبب بهدايته بعد هدايته الله له تحاول تذكره بالصلاه تدق عليه تحبب لصلاه أكثر تدعيله … بس مثل ماقلنا الهدايه من ربج

الله يوفقها يارب
مرت واحد من اهلنا لما رحنا نخطبها حق ولدنا كانت وايد متردد بسالفة ان هو ما يصلي بالمسيد
وعقب ما ادري اشلون اقتنعت والحمد لله الحين عندهم ولد وبنت وبس تصدقين قلبي هي اللي كانت ملزمة على ولدنا ان لازم يصلي بالمسيد اطلعت هي اصلا ما تعرف الجبلة وين صايرة

ترى انا ما اغتابها بس الواحد بالاول يشوف الاشياء اللي هو فيه بعدين يشوف اخطاء غيره
مدام اريال خايف ربه ويصلي فرضه وهو بعد قايل لكم انا بعض المرات اروح المسيد يعني نور على نور
يعني هي لو تطلع بعد دينه وتصلي فرضها وهو يشوفها وتزهب المبخر وماي الورد او العطر وتقولة يالله يا فلان زهب شغلك ياريتك تصلي فرضك بالمسيد ولما يرد تكون مزهبة الشاي او الريوق والجو الحلو صدقيني هو من نفسه راح يستانس على هالشئ وراح تكسب اجر روحته للمسيد

الله يوفقهم

اي باذن الله تقدر تغيره

موبالهواش طبعا

انها وقت الصلاة تشجعه تزهبله ملابسه تدزه دز للباب لوول

الله يوفقها ان شاء الله

ان شاءالله تقدر تغيره

بالكلام الطيب والاذكار الحلوه

والله يوفقهم ان شاءالله.

ان شاء الله تقدررر خصوصا اذا شي فيه خير

انا زوجي ببدايه زواجنا يصلي الحمدلله بس نادر ما يروح المسجد كله يصلي بالبيت وقمت اقوله وانصحه والحمدلله الحين كل صلواته بالمسجد حتى الفجر بالكلمه الطيبه والدعاء يصير كل شي والله يوفقها..

ما تقصرون بنات يزاكم الله خير

بعد أبي نصايح وتجارب قواكم الله