|
|
………………………………………….. ………………………………………….. ………………………………………….. ………………………………………….. ………………………………………….. ………………………………………….. ………………………………………….. ………………………………………….. ………………………………………….. ………………………………………….. ……………….
بصراحه ماني عارفه من وين ابدي موضووووعي !!! في بعض مواضيع القسم استغرب من افكار بعض البنات واهيا للاسف تشكل اراء شريحه كبيره من البنات وبشوف منو اللي مأيدني ومنو اللي معارضني بس اتمنة تفهموون كلامي عدل وتركزوون فيه لاني بحط امثله للتوضيح اكثر :eh_s(6)
سالفة اللي تشتكي من زوجها يخونها حلوو ؟؟ تييي الردود واللي اهيا محور موضوعي تقول : سويله ليله رومانسيه ولبسيله وحطيله !! يا بنات الريال يكون خاينها شلووون لها نفس تسويله كل هذذذذا ؟؟؟ وليييش؟؟ مو اهوا الغلطان مو اهوا الخاين؟؟ وهم تسويله كل هذا ليش؟؟ بيتووووب؟ لا والله ماراح يتوب الا بيزييد مستانس من الصوبين !!!!!!
السالفه الثانيه واللي باطه جبببببدي حيييل: اسلوب التعميم !!! كل وحده ريلها خان صاروو كل الرياااايل خووونه كل وحده ريلها مدقر فيها صارو كل الرياااايل جذذذي كل وحده ريلها مايبلها هديه صاروو كلهم جذي وكل وحده ريلها عيونه زاايغه صاروو كل الرياايل عيونهم زايغه ويطالعون لا ياماما كل وحده ريلها غير عن الثاااانيه ولا تقولون الريياايل كلهم واحد لا والله مو كلهم واحد عالمهم كبييير ووسيع وغريييب وعدي خربطي من الطبايع والشاطره اللي تتأقلم مع طبايع ريلها تريحه وترتاح واذا كنتي تارسه عينه ومقتنع فييج والله لووو منووو ماتهززز شعره فيييييه اوثقوو بهالشي 1000%
سالفة بسويله وبحطله وبتلبسله عشان مايشووف غيري! شي حلوو بس مايمشي مع اللي عيونه ما تشبع شلووون؟؟ اعرف وحده قطعه من الجمال سنع واخلاق وكلام حلوو كل ريال يحلم فيها وعندها عيال زوجها تزوج عليها @@ اي لييييييش لان على قولته تغييير !! طبعا تطلقت منننننه والله عوضها خير ومثل ماقلت لو مقتنع فيييج وانتي مو مهتمه بشي ماراح يشووووف احد حلو غييرج الزبده شنوو؟؟ سوي الله كل اللي علييج والباجي على ربج يعني لا تلبسين له شي وانتي بقلبج تفكرين ان ماراح يشوف غييرج خليج واثقه من جمالج ومن نفسج وبينييله هالشي الريال يحب المره الواثقه من نفسها وايييد
واللي عينه زايغه عينه زايغه لوو شنو سوت الوحده …
السالفه الاخيره: مثل مواضيع اللي تجذب الزوج لج هم هذي يا بنات تفرق من ريال لي ريال يعني اللي ضبط وياج مو شرط يضبط مع غيرج يمكن يخرب عليها لوووول والله صج يعني في ريااييل يحبون التنكري ! ورياايل يتمصخروون وفي وفي وفي وفي وفي… الزبده عرفي ريلج شيحب وسويييه غيره لا تفكرين حتى لو انتي حابه هالشي.gif "Eh S(6)")
طولت عليكم بعد عمري سامحوني وعسى الله يسخرلكم ازواجكم ولا يشوفون غيركم
ناطره ارائكم ومشاركاتكم وسوري اذا طولت بالرد لاني مسافره وانشالله اذا قدرت ادش ارد عليكم وحده وحده
بالتوفيق للكل
وصااجه الرياييل كل واحد غير عن الثاااني.. وانشالله ايينيي الريال السنع اللي اترس عينه ولو اني مو مفكره حاليا لوووول
وخصوصا اللي اخر شي
ويسلموو على موضووعج االحلوووو
| السالفه الثانيه واللي باطه جبببببدي حيييل: اسلوب التعميم !!! كل وحده ريلها خان صاروو كل الرياااايل خووونه كل وحده ريلها مدقر فيها صارو كل الرياااايل جذذذي كل وحده ريلها مايبلها هديه صاروو كلهم جذي وكل وحده ريلها عيونه زاايغه صاروو كل الرياايل عيونهم زايغه ويطالعون لا ياماما كل وحده ريلها غير عن الثاااانيه ولا تقولون الريياايل كلهم واحد لا والله مو كلهم واحد عالمهم كبييير ووسيع وغريييب وعدي خربطي من الطبايع والشاطره اللي تتأقلم مع طبايع ريلها تريحه وترتاح واذا كنتي تارسه عينه ومقتنع فييج والله لووو منووو ماتهززز شعره فيييييه اوثقوو بهالشي 1000% |
حبيت أشاركك وأناقشك بهالجزئيه بــس …
حبيبتي … صحيح مو كل الرجال خوانين … وصحيح إسلوب التعميـم مستحيـل انه يكون واقعي … وإن خليت خربت لكـن …
في ضل الضروف اللي نعيشها فعـلا نحـس بالتعميم …
مثلاً نتكلم عن الخاينين لزوجاتهم … ترا كثيـــــــــــــــــــــــــــــــــــــــــــــــ ـر رجال يخونو حريمهم وكثيره مره …والخيانه مو شرط تكون شي ملمووووس وفعـلي
الخيانه حتى بالمطالع …مني ومناك ترا هم هذي خيانه …
وفي ضل معرفتنا بأن الرجااال شغلهم الشاغل الجنـس ومتعبهم لأنهم مايقدرون يعيشون من غيره وانه من الاشياء الأساسيه بحيـاتهم بعد الأكل والشرب …
أكيــد بتشوفين خوانين … وكثيــر ومن هذا المنطلق يجي التعميم وتقول الوحده فينا كل الرجال خوانين …..
واقعيا مستحيل يكونون كلهم لكن ان كانت نسبة الخونه كثيييييييره ليش اخص …أعم فقط لتسهيل المعنـى .. ولتوصيل الفكـره …
احين الدول اللي نسبة الكفار فيهم اكثر من 50% ينقال عنها دوله غيـــر مسلمه هل هذا بالفعل صحيح …؟؟ أكيــد لا لكن كون عدد كبير مخالف ينطلق الإسم على المخـالف
والله العظيم تأكدت فعلاً من خيانة الرجال حتـى بالكلام ذاك اليوم اسمع شيباااااان رجااااال وكببااااار يسولفون بالجنـس وواحد يقول فيهم
إيـــــه ماينعــــاف محدن يعــــافه … يقصد الجنـس وهذا وهو شااااااااايب وتفكيره كذا كيف الشباب اللي فيه نشط ويبي يفرغ نشاطه بأي شي وخصوصا بالخيانه
ترا يااااااااااااااااما حريم معيشينهم رجالهم بوجه في البيت على انه ما احد مثـــله وهو يخونها من وراها … وهي ماتدري …
نجي حق اللي يدرون عن ازواجهم بالخيانه نلقاهم كثاااااااااااااار طيب وهذا اللي يعرفون عن ازواجهم بكذا كثااااار كيف اللي نايمين على وذانهم …
طيــــب نجي على الرومانسيه والحب والحنان والعطف …
بشكل عام الرجل الشرقي يفتقد لي هذه الأشياء الا ماندر … طيب هل يعقل اقول عن رجالنا رومانسسين وعاطفيين لأبعد حد
لا طبعا بقول انهم قلوبهم قوووويه ومايهزك ريييح واخر همهم ههالشغلات ….
هل معنى هذا ان مافي احد عاطفي بين رجالنا لا … اكيد في لكن قليـــــــــــــــــــــــــــــــــــــــل ….
وبما ان القله في هالنوع تغلب الكثــره بديهيا بنعمم عليهم بالصفه اللي هم اتصفو بها
أحب النقـاش الساخن …. وعشان هيك رديت عليك هالرد الطويل العريض 
تحيــــاتي
خصوصا سالفة ألبسله وأكشخله ولا اتسبحله فيه بعد ههههههههههههه
الي يسمع يقول لما كنا بنات وفي بيوت اهلنا مهملين بنفسنا انا ضد سياسة
الزوجه تهتم بنفسها والبنت لأ والله الوحده اهتمامها لنفسها بالاول حتى لو تبي
تلبس تلبس لنفسها لأنها هي تبي مو عشانه يعني هالشي فعلا مخلي الحريم بهالزمن
حييييل معطين الرجل كل حياتهم ، تلبس عشانه و لو هو مسافر ولا طالع خلاااص ماعاد تكشخ
تروح الصالون عشانه ، تتسبح عشانه شكوووو انا ما اقول لا تهتمون بأزواجكم بس لازم يكون بالداخل
قنااااعه ان هالشي لج انتي بالأول مو شرط كل شي بحياتج زوجج وبس !!!
وسالفة التعميم ممكن توافقت شريحة كبيرة من بنات المنتدى بأزواجهم نفس اطباع عشان جذي قالوا هالشي
صح ان التعميم فيه ظلم يعني مثلا لما يقولون الرياجيل كل الحريم حنااانااات ويحبون السوق والهياته !!
احنا نرد ونعصب لا مو شرط ، حتى هم من حقهم ان مانطبق عليهم حكم ان كلهم مثل مثل …
وسالفة الخيانة بصراحة موضوع حساااااس جداً والبنات الي ردوا مايبون يخربون بيتها عرفتي وفي حريم
يعرفون ان الخيانه هم السبب فيها يعني هي تعرف نفسها انها اهملت نفسها عشان جذي راح لغيرها طبعا هذا غير
الي عينه زايغه خلقه هذي الله يعينها بصراحـة ،،
اما موضوع الليالي الرومانسية مو كل وحده زوجها مثل الثانية وكل وحده تعرف زوجها شنو يحب وشنو مايحب مايصير تطبق
تجارب غيرها سواء بالليالي الرومانسية او حتى بالحلول او حتى بالاستشارات الي تطلبها ممكن كل وحده تنصح بس ولا حل يناسب حياتهااا
آسفة على الإطالة
تقبلي رأيي بكل رحابة صدر
انا معااج كل كلمه قلتيها وحتى الاخت فيونكة فوشية والله كلامكم عسل
انا استغرب من البنات تقوول كشخيله ولبسيله والله ما سويتيله بدور على غيرج>>>>>>كلمة يدور غيرج وااايد انا اتنرفز منه
والله بنات خليتوني احاتي الزوواج يعني اذا ما سويناله الشيقلتو سويله لا يطالع غيرج ….. اوكي انا معاكم هالشي تلبسون وتتكشخون بس هم حلاته انج تكوونين طبيعيه ……..
تقبلووووووووووووووو مروووووووووووووووووري
و صح مو كل الرياييل جذي ..
تسلم اناملج والله يوفق الجميع و يهديلهم رياييلهم ان شاء الله :d
والمقارنه بين زوجي وزوجج بعد لوووووووووعه وتبط الجبد
ملاحظه:ياقلبي مايجوز نقول الباقي على ربج !!
والزوج الخاين أكيد كل حالة تختلف عن الثانية بس في حريم قدروا يعدلون أزواجهم ويملون عينهم لأن فعلاً بعض الريايل تفكيرهم كله بالجنس ومو كلهم نفس الشيء .
وسوالف الليالي الرومانسية والحركات طبعاً تختلف من زوج لزوج والزوجة الذكية تشوف شنو زوجها يحب وتسوي له .
بس نقطة هامة لا يصير شغلنا الشاغل هذي الأمور كأننا ما تزوجنا إلا للجنس وبس في أمور كثيرة في أن الوحدة تهتم بنفسها وتطور ذاتها وتهتم بالجانب الأيماني يعني ما تخلي تفكيرها 24 ساعة شلون ترضي الريال .
كلامج عدل ..انا الصراحه اتضايق لما اشوف موضوع يكون فيه تعميم ، مثل ما قلتي مثلا الرياييل كلهم خونه و الرياييل كلهم جذابين !!
الصراحه تنبط جبدي لأن شكو يعممون و خصوصا اذا كان شي مو زين و شايفته بريلها … تخلي حتى اللي ريلها زين تشك فيه
و انا أأيدج بعد بأن الزوجه تسوي اللي عليها و اللي أهيا مقنعة في و تحاول توفر حق ريلها الهدوء و الراحة و تحاول تترس عينه و تسويله اللر يرضي ربها و ضميرها … و اذا عينه ما انترست و راح دور على غيرها معناته العيب فيه اهوا مو في زوجته و الوحدة ما تتحسف على ريال جذي
و هذا رايي (:
==== صج لج وحشه انتي واختج كلش مومبينين هاليومين هههههههه
وسالفة التعميم تذبحني
ويمال العافيه على الموضوع الحلووووووووووووو
بس هم في شغله ثانيه ملاحظتها وايد .. ان ساعات وحده اتيي تكتب موضوع تتشكى من زوجها و ( بعض ) العضوات بدال لا ينصحونها يقوومون يشيشونها على زوجها.. أو ان يبدون رايهم بطريقه مو مناسبه يعني يعطونها حلول ممكن تأثر سلبيا على صاحبة المشكله ..
يعني ساعات صج شي يبط الجبد .. البنية ما كتبت الا لما وصلت حدها و منقهره .. فيمكن تطبق الكلام اللي تقولونه لها بدون ما تفكر يعني من كثر الضغط .. فيا ريت كل وحده تنتبه حق الحلول اللي تحطها …