تغيير الحليب

عندي سؤال للامهات الي عندهم خبره بالرضاعه..

انا بالبدايه كنت ارضع ولدي من صدري..يعني اول يومين ثلاث

بس بعدها تعبت وما قدرت ارضعه فغيرت على الحليب الاصطناعي

ولكن الحليب ما ناسب ولدي وصار عنده قبض فهم رديت وغيرت على حليب اصطناعي لكن نوعيه ثانيه

من غيرت لنوعية الحليب الثاني طلع بويهه حبوب وصار ما ينام واذا نام يقعد بسرعه

سؤالي: عادي ارده على نوعية حليب الاولي؟ او عادي اعطيه من صدري؟؟

ولدج عنده حساسية من الصناعي.. رضعيه وبتشوفينه يرتاح ان شاء الله..
اختي الرضاعة اكيد بتتعبين فيها بالبداية بس برتاحين من فايدتها طوول العمر.. وهالتعب جزااه مو ببلاش هذي ضريبة الأموومة.. ومأجورة ان شاء الله

شكرا حبيبتي..ما قصرتي

انصحج اترضعينة طبيعي
والله يسهلج

رضعيه طبيعي حبيبتي لو تعرفين شونو الرضاعه الطبعيه زينه لج ولولدج حتا انها تقي من امراض السرطان والعياذ بالله

وانتيب بالبدايه راح تتعبين بس بعدين يصير الامر طبيعي

ماعلى الرضاعه الطبيعيه نظيفه ومعقمه ولا تحتاجين إلا جهدج … عسى ربي ياجرج ….

ومفيده لأرحامج …..

اهيا تعب بس بالأخير إنتي وولدج الربحانين ….

الصناعي مافيه إلا المرض والإمساك …

خليج على الطبيعي أفضل بوايد وأسهل ….

والحين بالمجمعات اليديده وإيكيا مكان خاص للرضاعه وتبديل الحفاظات (( وانتي بالكرامه ))

…….

مافيه احسن من الرضاعه الطبيعية تقوي المناعة عند ولدج وتخلي جسمه صحي مو متل الاطفال الي يرضعون صناعي كله يمرضون واسهالات وامساك وترجيع الله يعين معدتهم والله هذا حقه عليج ليش تحرمينه لو كان يقدر يتكلم كان قالج مو حرام قاعده تعدبينه بالتجارب وهالحبوب يعلم الله يمكن تحكه وهو ما يقدر يسوي شي يمكن ما ينام من المغص وليش تعذبينه والحل بايدج والله انعم عليج فيه وبالحليب الصحي والطبيعي والي يفيده طول عمره لانه يكون جسمه على اساس صحي والفوائد الي بحليب الام مو موجودة باي شي تاني ليش تحرميه منها
انا والله كسر خاطري رضعي ولدج وتمتعي بهاللحظات الحميمة وهو بحظنج يصير يحن عليج لما يكبر لانها تزرع فيهم الحنان سبحان الله
الله يخليه لج يارب

الحليب الصناعي عادى يسبب امساك وعليج بالماي بين الرضاعه
عادى رديه لاول حليب ولاتنسين الرضاعه الطبيعيه