|
|
السلااام عليكم جميعااً
موضوعي اليوم عن الخيانه الزوجيه
الموضوع يعور القلب وجرح كبييير من الزوج لحبيبته ام عياله والامر من هذا كله اذا كشفتي الخيانه. يقول انتي الكل بالكل وانتي الحبيبه الغاليه وانتي فيج وفيج
ويبدا الرومنسيات اللي محرومه منها سنين
انا عن تجربه قبل الخيانه اقسم بالله لاكلام حب ولا رومنسيات ولامكالمات حب
كل شي رسمي ليماا تأقلمت علي هالوضع واقنعت نفسي انه مايحب هالسوالف واستسلمت
وبالاخير تنصدمين من مكالمات الحب والغزل لغيرج ومسجات الحب واحساس مرهف ماكنتي تتوقعينه من هالانسااان هذا
وبعد مانكشف كل شي صار قمه الرومنسيه معاي وكلام حب وكل ساعتين مكالمه
اتااااااااااااااااااااااااااه بس عقب شنو
الخيانه جرح
وابي الحين اسألكم سؤال؟؟؟
1) تغير اسلوب الزوج بعد الخيانه ………
بسبب احساسه بتأنيب الضمير
ولا
عشان تغيرين نظرتج فيه واذا ضمن انج صرتي اوكي يرجع وان رجع
ترا راح يرجع بقووووه
انطر ردوودكم
لاحبيبتي
اغلب الاحيان يصيرر حليوو وعسل وهوو يكون متززووج بقفااج
بس عشان ماتلاحظين بزيد جرعه البنج. عشان ماتشكين!!
اوو يكون حزتهاا يخوون ومستاانس
ويقص عليج بكلمتين عشان ماتلاحظين
وغشان تنسين وتسكتين!!
بالعكس لي شفتي اهتمامه فيج زااد
وصاار مجنون ليلي ترااه يلعب بذيله
وهذي حركات مكشووفه قديمه
ومووووووصحيح يترك الخيانه ويصير عاشق وولهان لج
لامستحيييل
الله يسخره لج
والله ياحبيبتي ماكو قاعده شامله
حمدي ربج اكو ناس ماتستحي تصير عينه قويه
فياحلات هالنوع يقدر
اغلب الرجاجيل تمشي بدمهم الخيانه
واذا زاد الجرعه معناته في الموضوع إن لان هذا مواسلوبه
وحتا ترالما يكلم بالتلفون بنات الشيطان حسبي الله ونعم الوكيل فيهم يكون قصده انه يلعب عليهم فلا يغرج كلامه المعسول معاهم
ويارب كل بنت تخرب علا الزوجه زوجها يعلها ماتتهنا بحياتها ويبليها ربها بمصيبه تلهيها عنه
لانه شخصيه عن شخصيه بتختلف ، ممكن عشان يغطي غلطته يلجأ لهالاسلوب
وفي رجال ما بهتمو وبالعكس بقولو مدام عرفت خلص بكمل ع المكشووف
وممكن بالفعل يكون تاب وحس بتأنيب الضمير
فــ انتي رح تقرأي ردود كتيره ممكن تجرحك وممكن تدايقك بس ماتحطي ببالك لانه ماحد عايش وشايف التغيير الا انتي ، وممكن يكون تغير عن توبه
الله يهدي البال ويصلح الحال يارب العالمين
بعد اكتشاف الخيانة
اعتذر وتغير؟
كل شي جايز
او انتي تغيرتي
سواءا عصبتي عليه
او زدتي الحنان معاه
المهم
انتي استمتعي باللحظات الرومانسية
وبنفس الوقت خليج منتبهة
لا يكون مستمر
وبالنهاية خلي ف بالج
ان خيانته ذنوبها عليه مو عليج
ومهما قلنا انت شنو تحسين شنو شايفة
ترى كل وحدة تجاوب ع اساس ثقافتها بيئتها وتجاربها وعقدها او حالتها النفسية
انت اخبر
حسب معرفتج فيه وعشرتج معاه
احسني الظن
اقرب شي حسيته من واقعي هو كلام الاخت كلي دلع
لان انصدمت اليوم انه رد علي سوالفه
المصيبه متزوجه وحقيره وكبيرة بالسن
الله يعيني ادعولي يااخواتي والله لايحطكم بالموقف البايخ
ياقلبي انتي والله حاسه فيج
ولاتصدقين لي زاد جرعه الرومنسيه يعني تاب
لايالغاليه هذا دليل ع انه يتعمق اكثر
القرار لج
واجهيه ويييبي عاليه سافله السكوت ماينفع
خرعيه لاتتهاونين
ترا والله والله
مايظيعكم الاتهاونكم وتغاظيكم
ش الفايده اتغااظاا واتغافل والريال مهييص
ويعيش مراهقته ع اكتااافي
وقفي وقفه جااده
لاتسكتين
والله يفرجهاا عليج
ويسخرره غصصصصبن عليه لج
ويبعد عنه بنات الحرام
حسبي الله عليهم
كلي دلع شلون اوجهه المره الثانيه انا مفتشه بتلفونه وعرفت وونغزت عليه واحتريت
والمصيبه حس ان في خلل شلون ادري واليوم غير الرقم السري مال الايفون تحطمت حدي
لو بواجهه بينكر مافي دليل عليه الا مراقباتي
انا بحيره ان سكت تمااادى وان غثيته بالكلام انحاش وخلاني