تغليف صندوق بالخطوات .

هلا فيكم حياكم الله بموضوعي

اليوم بعلمكم طريقة تغليف سريعة و حلوه

أنا كنت مغلفة صندوق فيه كاكاو للصديقتي

و إن شاء الله تستفيدون منها
و ما حطيت الموضوع إلا للفايدة ……

و إذا عجبكم الموضوع بنزلكم شغلي….

– شريطة ستان عريضة (لون ذهبي و أسود ).

-شريطة ستان ضعيفة (لون أسود ) .

– شريطة دانتيل عريضة .

– صندوق .

– ورود (لون بيج و أسود للتغليف) .

– تور للتغليف .

– ورق مقطع لون بيج و أسود ( الورق إلي نحطه داخل الصندوق ).

– مقص .

– صمغ الحراري

– فلين عريضة.

أولا صمغي الشريطة الذهبية في الصندوق من الداخل بنفس الشكل و و فوقها الشريطة الدانتيل

على الجهتين من الداخل و جهى اليمين بعد ما تخلصين من الشريطة لصقي الورد و خليه يثبت الصندوق لا يسكر

و حاولي تحثبتين الورود بشكل حلو بعدها نسقي الورق الورده و أشياء حلوه وتحبين تضيفينها

كنت أبي أصور الخطوات بدقة لكن الله لا يوريكم في وحده جننتني ما خلتني أشتغل على راحتي ههههه

أنا أخترت نوعين من الكاكاو كاكاو بالبندق و بسكوت

الكاكاو الذهبي ربطته بشريطة الضعيفة على شكل هدية << فصار شكلها على شكل هدية

أما الكاكاو البني ما كان عندي وقت كنت أبي ألفة بشريطة عريضة لونها أسود وبعدها عليها شريطة ضعيفة
ذهبية بس مافي وقت

رفعت الكاكاو بفلين و بعدها الورق المقطع و رتيب الكاكاو الذهبي على الأطراف و بنص الكاكاو البني

طبعا ألحين أبي أغلفها

غلفتها بتور بيج و ربطتها بشريطة سودة أول شي خلتها طويلة

و بعدها الشريطة ذهبية أقصر من السودة

و بعدها شريطة دانتيل أقصر طبعا من الثنتين

و لصقت الورد الأسود و البيج

و خلصت الهدية

و وديتها رفيجتي إن شاء الله تعجبها

ألحين أبي ردود سنعة و طبعا رايكم بشغلي

إذا شفت تفاعل حلو بالموضوع بنزلكم أفكار ثانية غير الكاكاو

أفكار قاعده أسويها في غرفتي و بالخطوات