تغذية الطفل الرضيع

السلام عليكم حبيت انقل لكم هذا الموضوع وانشالله تستفيدون منه و يعجبكم

تغذية الرضع

* الأطفال الرضع:
– هذه قائمة بأنواع المواد الغذائية التى يمكن أن يتناولها الطفل الرضيع بداية من ثلاثة أشهر حتى الشهر الثانى عشر، مع الأخذ فى الاعتبار بعدم إعطائه اللبن الحليب إلا بعد السنة الأولى وليس قبل ذلك.

– الشهر الثالث:
الزبادى بدون وجه (دسم).

– الشهر الرابع:
1- عصائر:
برتقال – طماطم – (1/2 كوب فقط).
2- حبوب:
أرز مسلوق – مهلبيه – بسكويت – شاى – سيريلاك.
3- فاكهة:
تفاح – كمثرى (مسلوق ومهروس ولا تضيف سكر).

– الشهر الخامس:
– أرز – عدس أصفر مسلوق.
– حساء خضراوات (جزر – بطاطس – كوسة/علي ماء).
– موز مهروس.
– جبن نستو (مطبوخ).

– الشهر السادس:
– صفار البيض المسلوق.
– بطاطس مسلوقة ومهروسه.
– حساء خضار علي مرقة.
– أرز باللبن.

– الشهر السابع:
– صدر دجاجة (تضرب في الخلاط مع حساء الخضار أو هرسه جيدآ معها).
– كبد الدجاج.
– الفول المدمس مهروس.
– قمح ( بليلة) باللبن مضروبة في الخلاط.

– الشهر الثامن:
– بطاطس محمرة.
– موز مهروس باللبن.
– لبن بقرى صافى 1/2 أو شاى + لبن (1/2 – 2/3).
– سمك (قطعة حجم البيضة فقط).
– أرز مطبوخ عادى.

– الشهر التاسع:
– البيضه كاملة.
– خبز أبيض (فينو).
– جبن أبيض ملح خفيف.

– الشهر العاشر:
– لحم أحمر مسلوق ثم يفرى أو مقطع إلى قطع صغيرة بالسكين.
– البيض مقلى (زيت ذرة).

– الشهر الحادى عشر:
– اللحم المفروم يشكل أصابع يحمر مثل الكفته في زيت ذرة.

– الشهر الثانى عشر:
– أكل الأسرة (أرز، خضراوات مطبوخة).

* ملحوظة:
– اللبن الحليب بعد أول سنة وليس قبل ذلك كما سبق وأن أشرنا.

منقول

مشكوره لازوردي انا الحين بنتي شهرين ونص وماني عارفه شنو اعطيها خل تكمل ال 3 شهور ابي اعطيها روب

الله يعطيج العافية ، ولدي عمره 4 شهور

مشكورين يابنات على الردود الطيبه

عشق انا ولدي كمل 3 شهور و امس بديت اعطيه قفشة عصير برتقال و خففته بماي و بعطيه بعد اليوم انشالله روب انا بعد عندي ورقة فيها طريقة تغذية الطفل خذيتها من الدكتوره عفاف الرومي و فيها بعد اني اعطيه من بداية الشهر الثالث عصير برتقال بس انا ما عطيته الا امس المفروض اكون ماعطيته من اول مايدخل الشهر الثالث ….

السلام عليكم
ممكن انعرف طريقة تغذية الطفل من الدكتورة عفاف الرومي

يعطيج العافيه لازوردي موضوع مفيد

بس بنات حبيت أقولكم مو تعطون عيالكم الأكل وتعتمدون عليه وتنسون
الحليب لان اهو المكمل الصحي له ويساعد على نموه العقلي والجسماني
اكثر من الاكل

سلام عليكم
رحت الطبيب عشان بنتي تعبانه شوي المهم سألت عن تغذية الطفل قالى ما في اكل الا بعد الشهر السادس وذلك لتفادي امراض الحساسية وخصوصا الحساسية مرض منتشر وااايد بالكويت يعني بس حليب اطفال مع العلم سألته انه اهوه يبتدى الأكل من الشهر الرابه قالى صح بس الحين من الشهر السادس

و الله انا مس كنت عند الدكتوره عفاف و سألتها عن الأكل و قالت لي من الشهر الثالث اعطي البيبي عصير برتقال او افندي مقدار قفشه و اخففها شوي مع الماي و باليوم مره و اليوم الثاني اعطي البيبي عصير تفاح هم نفس المقدار و اخففه بماي

و سألتها عن الفارليز و السيريلاك قالت لي لا تعطين الحين ولدج الأشياء لأنه معاه اكزيما بس اعطيه العصير اللي قلت لكم اياه و من يكمل الشعر الرابع ابتدي غدا و يكون الغدا 3 ايام جزر مسلوق بعدهم 3 ايام بطاطا مسلوقه و 3 ايام قرع مسلوق و 3 ايام بطاطا حلوه مسلوقه و 3 ايام عيش ….. و طبعا كلهم يكونون مهروسين مو على عدالهم و تقول مثلا بديتي بالجزر اول يوم شوفي البيبي اذا ماصار معاه حساسيه كملي عادي و اذا صار معاه سجلي على ورقه اللي صار معاه و وقفي لا تعطينه الجزر وكملي اليوم اللي وراه عطيه مثلا بطاط وشوفي هم شيصير مع البيبي اذا ماصار شي كملي لحد مايصير 3 ايام و سوي له نوع ثاني مثلا العيش و جذي مثل ما قلت لكم بس غدا الريوق و العشا و طول اليوم حليب و عطوهم اعلصير المخفف …. وانا امس عطيت ولدي عصير برتقال مخفف و اليوم عطيته عصير تفاح هم مخفف و باجر راح اعطيه انشالله عصير افندي مخفف و اللي وراه راح اعطيه عصير تفاح ….

و ترا احسن نعود البيبي على الأكل شوي شوي

ياقلبي على بنيتي

قربت تكمل اربع شهور وهي ماخليها تاكل غير حليبتها

شنو ممكن اعطيها اذا كملت اربع شهور ضبط وبدت تمشي بالخامس؟

شوفي حبيبتي الدكتوره قالت من يكمل البيبي شهرين عطيه عصير برتقال او تفاح قفشه وحده مخففه بالماي و مره وحده باليوم يعني يوم برتقال و يوم تفاح ….. و من يكمل الأربع شهور ابتدي عطيه وجبة غدا 3 ايام جزر مغلي و مهروس اول ماتبدين تعطينه شوفي التغييرات اللي تصير معاه يعني اذا عطيتي البيبي اليوم جزر شوفي راقبي شنو يصير معاه حساسيه و اذا ماكو شي كملي بعد يومين اما اذا تحسس من الجزر بأول يوم خلاص وقفي الجزر و لاتعطينه الا بعد مايكمل 6 شهور و كملي من اليوم الثاني بطاطا ممفيوحه و مهروسه هم عطيه لمدة 3 ايام وشوفي التغييرات و جذي كل شي تعطينه حق البيبي راقبي التغييرات اللي تصير معاه واذا ماكو شي كملي واذا تحسس وقفي وردي عطيه بعد ما يكمل 6 شهور الشي اللي تحسس منه

و وجبه وحده باليوم و اهي الغدا وطبعا الكميه خليها شويه مو وايد

و انا راح احط اليوم انشالله جدول مال الدكتوره عفاف مال التطعيمات والوجبات …

اي دكتور هذا

والله ابتلشنا كل واحد يقول شي

يا بعد عمري يا لازوردي فدتيني وايد بهالموضوع لان انا على وشك ولاده ومحاتيه مادري شوكل البيبي بعدين خاصه اني مااعرف اطبخ لووووول

دكتور وائل بسمستشفى الهادي

بنات بسالكم سؤال صج الياهل عادي من الشهر الاول انه اتحطينله بسكوته اصغيره ( فارليز ) واتذوبينها بالحليب انا خالتي ام ريلي كانت اتسوي جذي حق بنتي وما ضرها بالعكس متنها بس كنت وايد خايفه حزتها والحين انا حامل ودي اسوي حق الياهل الثاني بس هم خايفه ؟ اخاف انه معدة بنتي الاولى غير عن البيبي الثاني اشرايكم احد جرب ؟

بنات ترا البيض ممنوع اهو ويا الحسل قبل ما يكمل الياهل سنه , عشان امراض الحساسيه.