|
|
السلام عليكم
خواتي انا اختي
تخرجت من الثانوية بنسبة عالية ما شاء الله
وتبي تدخل التطبيقي
وهي علمي
شنو التخصص المطلوب اكثر يعني من تتخرج تتوظف غير التمريض لانها ما تحب الدم والجروح
وهي ممتازة بالكمبيوتر ماشاء الله
اهيا ميولها علمية وكمبيوتر
وابدا ما تفكر بالتدريس
شرايكم بهندسة الكمبيةتر
او السجلات الطبية
الصيدلة
السكرتاريا الطبية
المهم انه التخصص يكون مطلوب وتتوظف على طول
ومشكووووورين
مبروك على نجاح اختج والله يوفقها ان شاء الله
ومدام اهيا تحب الكمبيوتر خل اتخصص كمبيوتر
وايد مطلوب وكل مكان يبونها
اذا تبي اتصالات وملاحه في تشغيل حاسب الي وصيانه حاسب الي ومادري بعد شنو فيه
ان شاء الله البنات يفيدوج بتخصصات الكمبيوتر بالتطبيقي
ومشكووورة على ردج بقولها
اختي قطوة
ما شاء الله تبارك الرحمن حلوة نسبتها
ب
باواخر الثمانينات
ما شاء الله لا اله الا الله
نسبتها حلوه ليش تبي التطبيقي؟!
ليش ماتدش هندسه وتتخصص كمبيوتر
يمكن تبي تدرس سنتين مو اربع
تقدر تعادل موادها اذا تبي تدش الجامعة
مشكورين بنات
شلونج يالغالية…
ألف مبروك لإختج..
أحسلها جامعة لانها معاشها بيصير أقوى يعني الدرجة الرابعة معاشها بيكون 860 بينما التطبيقي بشكل عام الدرجة الخامسة معاشها أقل بوايد..
كيفها بس هذي نصيحتي لها خل تدش هندسة..
الدنيا كل مالها وتغلى
خل تروح الجامعه احسن لها
حلو لمن الواحد يكون واسطة نفسه وتكمل ماستر ودكتوراه
وآنا مدرسة وهذي نصيحتي..
ع الأقل تتعب ألحين ولا تتعب باجر يالغلا..
|
المشاركة الأصلية كتبت بواسطة كويتية فاهمة
 حبيتي ..
شلونج يالغالية… ألف مبروك لإختج.. |
يبارك بعمرج يارب
ادري بوصلها كلامج والله يكتب اللي فيه الخير
وكويتية فاهمة مشكورين عالاهتمام
شكرا غالردود
يعني ادرس من يد ويديد .. فقلت اكمل جامعة خاصه احسن لي .. وانشالله بكمل
وترا صج اكو بعثات داخليه اذا ماتبي جامعة الكويت
كلية التربية الاساسية واااااااايد عندهم تخصصات علمية
مادامها تحب الكمبيوتر عندج
تخصص تربية حاسب آلي
1- بكالريوس ومعاش قوي (الدرجة الرابعه)
2- بسرعه تتوظف ومرغوب
3- هالتخصص موموجود في الجامعه بس في التطبيقي في كلية التربية الاساسية اهوا وتخصص تربية خاصه
4- راح تشغل مدرسة الحاسوب وشغلهم اخف من باجي التخصصات واحلى
5- دراستها سهله اغلبها بالعربي
في اقتراح ثاني في تخخصات علمية في كلية التربية مثل
تربية رياضيات ومساند علوم
تربية علوم مساند رياضيات
وفي تخصص تربية خاصه في منه انواع
تربية خاصه حاسوب
تربية خاصة علوم
تربية خاصه رياضيات
وكل تخصص يندرج تحته وااايد انواع من الاعاقات مع متفوقين
وترى تخصص التربية الخاصه تخصص نادر ومرغوب
مثل ماقتلج موموجود الا في التطبيقي في كلية التربية الاساسيه
وما قصرتوا
سجلت كمبيوتر وعلوم وصيدلة
ومشكووورة على ردوكم اللي فادتنا وايد