|
|
أبى أقولكم سالفتى
انا طول عمرى ماأيمع فلوس أحب أشترى وأهدى وأساعد المحتاج وأصرف على بيتى وعيالى بس من خمس سنوات حسيت انه هذا حرام لأنى ألعب وايد عشان جذى قررت أيمع فلوس والحمد الله كونت مبلغ مش بطال وديعه ورصيد حلو وكله من معاشى
طيب تسألون ألحين وين المشكله 
زوجى تغير وايد حاسه انه محتر منى مع انه الحمد الله عنده خير من الله وفلوسى ولا شى عندفلوسه الله يباركله وانا طبيعتى لاأسأل ولا أدور جم عنده إهو يقولى بعت كذا وشريت هذا
والحمد الله مو طماعه آخذ مصروف البيت وعيالى وماأطلب أكثر واذا نقصنى شى آخذمن فلوسى
بس من درا انه عندى فلوس وهو متغير عصبى ومزاجه كله متعكر وخصوصا انى قلت له انى بشترى بورش كاييين كاش
من دره وهو ميت من الحره بس مايقولها بصراحه
انا فى حيره أسأل نفسى هل إهى غيره ؟ أ, حسد ؟ الحمد الله اهو عنده BMيعنى مو ناقصه شى ——- شسوى شنو السبب برايكم صديقتى تقولى انى المفروض ماأقوله عن فلوسى حلاته مايدرى عنهم بس انا مو جذى صريحه وعلى نياتى وكل شى أقوله بس ألحين أفكر أفتح حساب سرى وأحط فيه وهو مايدرى إشرايكم —-ردو على بسرعه ترى النصائح تنفع ودمتو لى خواتى
أنا بفتتح الردود و أتمنى ردي يعجبج
كان من المفترض إنج ما تقويلن له عن حياتج المالية ( يمعت – عندي وديعة ) فهي المفروض تكون سر كبير لكن قدر الله و ماشاء فعل
وفكرتج الحين تفتحين حساب يديد بدون لا يدري هذي عين العقل
وبصراحة بدام الله مرهي عليه ماله حق كلش إنه يحتر أو يتضايق
خلج ذكية و لا تفتحين معاه سالفة انك متغير و شفيك و أنا حسيت إنك من دريت ان عندي فلوس و انت مضايق لأن هالموضوع إذا انفتح راح يكون شراره كبيرة بعلاقتكم اسم الله عليكم.
وحاولي أنج تحسنين الظن فيه علشان ما يلعب الشيطان فيج راح تقولين شلون؟
انتي الحين شعورج انه محتر منج او حاسدج اذا فكرتي فيه وااااااااايد راح يهدم اشياء داخلج و بتتأكد الفكرة داخلج
فدايم قولي حق نفسج كلمات إيجابية تبعد عنج أي شي سلبي
و أدعي ربج إن يهديه و ما يجعل المادة تسوي شي بينكم
و سلامتج اتمنى أكون افدتج
بس بسإلج سؤال داش عرض شلون يمعتي فلوس؟ أو بالأحرى شنو الطريقة اللي اتبعتيها( لأني أعاني من هالسالفة)
و سلامتج
أسأل الله القادر االقوي المتين أن يصلح أمورج