تعبانه من الوحم ولا أذوق النوم :(

شلونكم كويتيات ..

انا حامل ودوبني دخلت الشهر الثالث ,, ولاول مره يزيد علي بشكل موطبيعي اي شيء اكله أرجعه ودايم غثيان ولوعه ودوووخه بالعاده من ابلش الثالث يبدأ يخف علي الوحام
بس هالمره تعبت ححيل .. وفوق هذا طول الليل ما أنام مهما حاولت أرق غير طبيعي وبس أون طول نومي وثقل فظييع كأني بالتاسع .. ولا أدري وش صاير لي معقوله من الحمل

المشكله إجازتي خلصت ولازم اداوم ولا فيني حيل طلبتكم عطوني شيء يقويني ويخفف الوحم عني احس مرره تعبانه وقرفانه من روحي الله لا يحرمني الأجر

حبوب نافيدوكسين و اوندا و بريمبرام
شوفي اللي يناسب حالتج
و من تجربتي الدوام و الشغل يخفف من تعب النساة و يلهي و يمشي الوقت بسرعة
الله يهون عليج

حبيبتي انا حاسه فيج لاني نفس الشي بس لاحظت شغله انا لما اشغل نفسي وما افكر بالوحم مااحس فيها بس اصير فاضيه يزيد عليي حاولي تلهين عمرج جربي مو خسرانه شي

وحده من البنات قالتلي عن سوار الحمل بس للاماه ليلحين ماجربته قالتلي موجود بالصيدليه يخفف اللوعه

الله يسهل الباقي من حملي ويتمم على خير
الحبوب جربتها ما نفعت والمشكله بدوامي انه بعيد ساعتين اجلس بالسياره وغير كذا الطريق مو مستوي عشان كذا اتعب حيل

ربي يسهل عليك

حبوب اوندا من الصيدليه وحده بوحه

الطريق بعد يزيد الله يعينج

اخذي مخده تحطينها تحتج بسياره عشان ماتحسين بالمطبات

حبيبتي والله عسالله يسهل عليج
ماعليه كله اجر ان شاء الله
قولي لطبيبتج تصرف لج حبوب تريحج شوي

موفقه

اتحملي واصبري حبيبتي بس ف بدايه الحمل وبتخف ان شاء الله عالشهر الرابع
هذا شي طبيعي وفي حبوب للوحام والغثيان تاخذيهم بعد الفطور خلي الدكتورة تصرفهم لك
ربي بيكتب لنا الاجر ذكرتيني بمعاناتي والله بس بجد ي حلوها من ايااام

ااه نفس المعانااه والمشكله ماييني نووم فالليل رربي يعيين ويسهل عليننا ويثبت حملنا يارب لين تعدي الأيام

حاسة فيج ومريت بهالحاله للاسف لي التاسع هدا وضعي

ما يفيدني الا ابرة من الهادي
و بس يومين وعقب يروح مفعولها