تعالي دشي وقولي لنا من وين بتجهزين للدوام؟؟؟؟؟

صبااااااااااااااح الخيراااااااااااااااااااااات والمسراااااااااااااااااات

حبايبي مابقى شي على الدوام الله يلحقنا خير

شرايكم كل وحدة فينا تفيد وتستفيد وتقول لنا من وين بتجهز لبس الدوم

أما بالنسبة لي انا(((((((((تعرفون الموصة عبايات))))))))

فأنا مفكرة اروح الفروانية واشوف الموديلات الجديدة والشغل الجديد ومفكرة اخذ لي أربع

والحين دوركم ياشطااااااااااااااااااااار

وانا بعد انشاللة ناوية افصل عبي لان بصراحة احلى وارتب وعملية اكثر بس ودي بالمشاغل مو من السوق .. ومشكورة عالموضوع

طيب قولي لنا شنو المشاغل اللي تعرفينها او عناوينهم خلينا ندعي لج مع هالفجر

والله ودي بس الهوا ضدي

مالي خلق

اسوي شي

وجتني عبايه هديه من دبي

وجم ملفع

وعندي عبايتين ساده شكلي بشتري كلفه واركبها عليهم

وكان الله غفور رحيم

انا السنه اللي طافت من اولها لاخرها عبايات ولاعت جبدي صراحه ..وكله بسبب ان ما يمديني الصبح ابدل لان ولدي مدرسته بحولي فاطلع الصبح مبجر من البيت ولو بحسب حساب اللبس جان من ال 4 قاعده ..وانا فيني طبيعه بعد ما احب اجهز هدومي من الليل فراغه صراحه ..

عاد هالسنه غير ان شاء الله حطيت x على العبايه وشريت هدومي كلهم لما سافرت الخبر قمصان طويله وبناطرين .. يكفوني ان شاء الله مده طويله ..

وراح اسوي طريقه تريحني ان شاء الله .. راح اعلق كل قميص مع بنطرونه وملفعه عشان الصبح بس اتل العلاق والبس .. لا وين القميص ووين البنطرون ووين الملفع ..

ولا شرايكم ..

للحين ما سويت شي
وجاي البحث عن مشاغل حق المانتوات

خووووووش حجي

لايوقف

لايوقف

ومنكم نستفيد

قطيعه حنا عندنا ما يلبسون عبي .. يجن كاشخات الدوام من الفراغه

ودي اريح نفسي والبس عبي بس بيصير شكلي غلط بينهم وانا توني عنونه اصغرهم لازم اواكب الموضة خخخخخخخخخخخخ

انا والله من بدت التنزيلات وانا القط .. في اشياء لئئئئئئئئئئئئئئئئئطه .. شريت من سنتربوينت .. من المهلب.. من حولي بلازا .. من الافنيوز .. من جم معرض من هالمعارض اللي يسوونها بنات الديره مشالله عليهم .. والله يا بنات رخيص وكويس .. قمصان طويله ونفانيف حلللللللوة .. على 8 وعلى 10 وعلى 13 .. اليوم انا شاريه من choiseبالمهلب فستان رووووووووووووعه..كان ب 56 تقريبا اخذته ب 27 شرايكم ؟؟ فأقولكم اخذوا فره ونبشوا .. بتلاقون اشياء حلللللللللللللوه .. ذاك اليوم بعد رحت السندس .. وخمخمت من هالقمصان الطويله الحلوة الببببباااااااااااارده .. على 7 دنانير .. وما احترت بالليجنج .. الله يعافي ام عمار بالمنتدى اللي تبيع أكمام كارينا .. شريت منها كل الالوان .. وقمت البس الجموم بريلي خوووش فكره موجذي؟؟ بيني وبينكم أبرد للصيف والالوان اكثر ومحد بيعرف انه جم …عاد ياويلها اللي تقرا وتقلد وما تدعيلي لوووووووول أتغشمر وياكم.. بس حبيت أفيدكم بتجربتي الخاصه ( عشششششتوا ).. وبالنسبه للعبي فمن الفروانية المجيده ادامها الله عونا لنا .. أخذت عبايتين من بوكنان حق الازماااات ( القعده متأخر وقت الدوام) .. وعبي العام موجودين ارد واروح عليهم

بنات صج اللي يبي اى مساعده بخصوص القمصان يقولي .. حتى لو عالخاص .. اضبطكم .. ادزكم على وحده تسوي سوالف جذي حلوه وسعرها معقول .. لاني ادري انه حالكم من حالي … الجيوب حايشتها انفلونزا الطيور …. انا خوو جيبي وعليه عليه .. نزله معويه جاااااااااااااايده سمالله عليكم .. بس مع هذا .. كل شي يهوون في سبيل الجمال والانااااااااااقه

والله انا محتاره السنه اللي طافت لبسي كله عبايه
ودي دام اني ضعفانه البس بدل وانا احب البناطرين بس اخاف الماظره ما يعجبها مع اني البس قمصان طويله انا ما عمري جربت بس الاحظها انها تضايق من اللي يلبسون بناطرين وقسمي كلهم عبي ومانتوات ما يشجعون

اللي تعرف حريم يسون مالتوات وعبي كشخه تقول لنا تاخذ فينا اجر

شوفي انا البس جذي وجذي يعني مرات عبايه ومرات وقت الي يكون ما في شغل ودبحه البس بدل
وانا فصلت لي كم عبايه من سوق الدبوسالي بفحيحيل اكيد تعرفونه عبيهم زوغه وناعمه وعمليه الكل يسألني عنهم واسعارهم من 18 دينار و20 طبعا مع الملفع وانا دايما اختار خامه صالونه حلوه وسوده وبارده
اما المانتوات فافصلهم في الفروانيه واذا بتعرفين محلي انا حاضر بس المانتوات شوي اغلي واناا دايما ارسم لها الموديل وهي تطبق وشاطره حيل

أنا راح أخذ عياباتي من الخبر