|
|
السلام عليكم…..
بعض المفردات والجمل العادية التي تحصل من الطالبة وردة فعلها لدى المعلمة:
كل الحوارات التالية تحدث بالحصة وبين الطالبة والمعلمة
ـ استاذة مافهمت الدرس
ـ اكيد مافهمتيه..هذا من الهذرة والسوالف والسرحان و الضحك بالحصة
ـ استاذة ممكن تعيدين اللي قلتيه ماسمعته
ـ اكيد مابتسمعيني ..انتي وصديقاتك بس تسولفون ..شلون بتسمعون؟
ـ استاذة ..ممكن اروح الحمام؟
ـ يعني ماافتكرتي الروحة الا الحين…بعد الحصة روحي،انتم زي الاطفال رايحين جايين على الحمام
ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتسولفين وتتكلمين
المشهد :الابلة شغلت شريط (كاسيت) للطالبات .واحدة من الطالبات قامت وقالت:
ـ استاذة..الشريط اللي سمعتينا اياه من شوي ماكان صوته واضح
ـ لو انتم توقفون الازعاج والكلام اللي صاير بينكم في الفصل كان سمعتوا
-استاذة منهجنا صعب…خططيلنا على الكتاب-
من قبل المعلمة فيه 3 ردود لهذا الطلب:
-الردالاول:ايش؟؟؟اخططلكم؟؟اطفال انتم.؟؟
-الرد الثاني:انتي واحدة كبيرة..صرتي بصف (…) لازم تخططين بنفسك
-الرد الثالث:مافي تخطيط ..كل شيء معاكم احفظوه
ـ أستاذة..دفتري ضايع..وش أسوي؟؟
في هالحالة الابلة ترد باحدى هالثلاث ردود:
-الرد الاول:هاه..نعم؟؟! وش تسوين؟؟ايش رايك اروح بيتكم وادور عليه؟؟لا انتي دوري عليه وانا شذنبي ان كان ضايع؟؟انا اللي ضيعته؟
-الرد الثاني: لا لا,,الحمدلله..ماعندي دفاتر بمكتبي انا ارسلتها لكم يوم الاحد اللي فات..
-الرد الثالث:ترى ان مالقيتي دفترك..راح تعيدينه لي كامل
المشهد/بنت تمسح السبورة ومشتطة ..بعد ماخلصت من التسميح:
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل
ـ استاذة..الفصل حار مانقدر نستوعب
ـ شايفيني انا المصلح اللي يصلحلكم المكيف؟؟روحوا الادراة وقولولهم ..يلا لا تضيع حصتنا
ـ استاذة..فيه نملة تحت الدرج!
ـ اصلا النملة تخاف منكم..يلا بلا تضييع وقت..خلونا نكمل شرحنا..بس عشان نملة صغيرة مسويين قضية..
ـ استاذة الجو حلو..ممكن نفتح الشبابيك
-انتم ماتبغون تفتحون الشبابيك الا عشان تتفرجون على الرايح والجاي..لا ماراح نفتح ـ استاذة بس الجو فظيع..لا نضيع هالفرصة
ـ عندكم فرصتين للطلعة..بعدين..يلا نكمل الدرس
ـ استاذة..الشمس على عيوننا ممكن نسكر الستاير؟
ـ لا خلوها احسنلكم ,,الشمس مفيدة لكم
ـ استاذة..صراحة..الامتحان كان مرة صعب
ـ اسكتوا ماحد طلب رايكم
ـ(هذا في حصة الفراغ) ـ استاذة..الله يخليكي ..طلعينا برة
ـ مجنونة انا اطلعكم؟؟!عشان تسوون ازعاج وتزعجون الادارة..بعدين المديرة ماترضى
ـ استاذة..انتي دخلتي اي جامعة؟؟(البنت اللي تسأل الغرض من سؤالها الاستفادة من تجارب الآخرين)
ـ انتم ملاقيف بس تبغون تعرفون اسرارنا..ايشرايك بعد تساليني متى تزوجت؟هذا اللي ناقص!!
ـ استاذة..انا تعبانة..وديني عند المشرفة
ـ معليش ..لا تشاركين معانا..بس استمعي او تقولها:ـ حطي راسك على الدرج ونامي,
المشهد/دق الجرس وبدأت فسحة الصلاة والابلة باقي تشرح الدرس البنات يقولون :
ـاستاذة..نبغا نطلع..بنروح نصلي
(تبتسم المعلمة ابتسامة خبث وتقول:
-تصلون؟؟ولاّ تلعبون؟؟..وتدورون بالاسياب؟؟
المشهد:المعلمة تملي البنات الدرس..
ـ استاذة..ايش؟عيدي
ـ اسكتوا وبتسمعون
ـاستاذة..نذاكر من الدفتر ولاّ من الكتاب؟؟
تتحول ملامحها الى ملامح شر وتقول:
ـمن الأثنين..
المشهد/المعلمة داخلة الفصل..والبنات بتأفف يسالونها
ـ أستاذة,,اليوم بتعطينا درس؟؟
ـ اجل ليش جايتكم؟؟
ـ استاذة..ماجبت الدفتر
في هالحالة المعلمة تختار احد هذه الردود:
(1) ليش؟؟ايش قاعد يسوي في البيت؟؟نايم؟؟
(2) اجل ليش جاية المدرسة؟؟؟
(3) شلون نسيتي الدفتر؟؟انحبكت من كل المواد مانسيتي الا دفتر مادتي؟؟
(4) ليه نسيتي الدفتر انتي ناسية الفسحة مثلا؟؟
ـ استاذة..ماأستلمت كتاب
ـ ليه؟؟؟ كنتي نايمة لما وزعوا عليكم الكتب؟؟
او تقول:
ـ انا ايش ذنبي؟؟روحي المكتبة
او تقولها:
ـ صوريلك كتاب من اي بنت (رغم امتلاء المكتبة المدرسية بمثل هذه الكتب)
ـ أستاذة..لا تمتحنينا بالدرس السابق..كان علينا اليوم امتحان وماامدانا نذاكر الدرس السابق
ـ اصلاً الدرس هذا سهل مرررة وبسيط…ومايبغاله شيء…لو انكم امس منتبهين معاي كان عرفتوا تحلون الاسئلة حتى لو ماذاكرتوا
ـ استاذة..ممكن نتفتح الباب؟
ـ لا..عشان تتفرجون على صديقاتكم..خليه مقفل..عشان تنتبهون للدرس
المشهد/بنت تتعنى وتطلع من فصلها ،وتروح لفصل صديقتها عشان تاخذ منها شيء..تدق الباب :
ـ استاذة..ممكن اكلم (فلانة)
ـ لأ..بعد الحصة
ـ استاذة..بعطيها شيء وأروح
ـ لأ..أطلعي بره..قلتلك بعد الحصة
المشهد/الأبلة تفتش على الواجب..بنت توقف وتقول
ـ استاذة..انا كنت غايبة..ماحليت الواجب
الغياب عندي ماينفع عذر..ليش ماكلمتي واحدة من صديقاتك ولا ماعندكم تلفون؟؟؟_
ـ استاذة..ماكنت اقدر اكلمهم..لاني كنت مرة تعبانة
ـ مرة تعبانة؟؟(تقولها باستخفاف)عيل ليش جيتي المدرسة اليوم ..كان قعدتي في البيت
وتحياتي لجميع الطالبات والله يوفقكم..
الموضوع منقول بس انا الي طالعت العنووان >>>>>>> لا تعبتي نفسج……
من قبل المعلمة فيه 3 ردود لهذا الطلب:
-الردالاول:ايش؟؟؟اخططلكم؟؟اطفال انتم.؟؟
-الرد الثاني:انتي واحدة كبيرة..صرتي بصف (…) لازم تخططين بنفسك
-الرد الثالث:مافي تخطيط ..كل شيء معاكم احفظوه )..
هههههههههههههههههههههههههه شكثر صارت معانا….
ـ استاذة..ممكن أغسل يدي(البت اللي تسأل كانت تمسح السبورة)
ـ انا اعرفكم يابنات ..اذا تبغون تطلعون تسمحون السبورة..لا ياحبيبتي مافي طلعة..خذيلك منديل
loooooooooooooooooooooooooool
وانا 3-4 المواقف صارت لي……
الله ذكرتيني بمدرستي وابلاتي وزميلاتي
مشكوووووووووورة
العفوووو….
مشكوره على المرور….
خنقتني العبره ابي أرجع الثنوي وناسه أهئ أهئ أهئ
يازينها من أيااااااااام
والله وناااااااااااااااااااااااااسه
مادري شفينا كنا متضايقين منها
مشكورة رونه ذكرتينا بالماضي
ـ يعني ماافتكرتي الروحة الا الحين…بعد الحصة روحي،انتم زي الاطفال رايحين جايين على الحمام
ـ استاذة ..ممكن اشرب موية
ـ يعني ماصرتي عطشانة الا الحين..احسن خلك عطشانة عشان ماتسولفين وتتكلمين
*************************
هذا انا 
حتى انا ابي ارد الثانوي ……
مغسي عالمرووور……..
هللااااااااااالمديره…….
شكلج ملقوفه قبل 
مشكوره بنوته على المرور…….
كلنا نحب التفرفر لازم قبل كل ساعه اخذ دوره بالمدرسه بعدين اروح الساعه……..
مشكوره على المرور….
وبصراحه كلشي صووب وكلة ولا نفس صووب عقدتني وانا صغيره مو متخيله نفسي ما اتنفس
انا ازف الابله اذا قالت ولا نفس يعني شنو نموت……..
العفوووووو…..
وتسلمين على المرور……..