|
|
السلام عليكم …..
.gif "Eh S(10)")
وعشان هم بعد يتربون على قولتهم مع بعض ويكبرون مع بعض انا اعرف ناس ماشاءالله عليهم ييبون 5 او6 فوق بعض في بدايه اعمارهم يقولون عشان يبيون يفتكون ويتفرغون حق انفسهم وازواجهم وعشان من بعد 30 مايبون حمال وتعب تبي كل وحده تهتم بنفسها وترتاح وش رايكم منو مرت
بهالتجربه بس أكثـر لااا من رايي
يعنـي أعرف وحده تبارك الرحمن تزوجت و حملت ورا بعض كل سنة حامل ما شاءالله
و كاهي متوهقة ولا مستانسة بالعكس راح شبابها يعني عمرها 26 و عندها ما شاءالله 5
آنـا أقول لو الوحده تييب 2 و بالعشرينات أحسن و آخر العشرينات اول الثلاثينات تحمل واحد كافي
واذا تبي زيادة اثنين
زمنا تغيـر و زمن صعب يبيله الأم تراااقب ولدها عددددددل و تربيه عدددل
لان قمنا نشوف حتى عيال الحمايل يغلطون و اللي نشوفها ملتزمة بنتها من وراها تخربط مو الكل طبعا
بس زمن يخرع
شلون زمن عيالنـا ؟؟
آنـا عن نفسي أفكـر أييب اثنين بسسسس و اذا صار عمري بالثلاثينات أشوف اذا اقدر أو لا ..
زمنـا يخرررع ولازم نعرف شنو نربي ..
بس آنـا عن نفسي ما أييـد يكونون ورا بعد على الاقل سنتين بين الاول والثاني
و 6سنين بين الثاني و الثالث
يعني تخيلي 5 صغار من سنة لي 5 سنين
شلون بتربين واحد واحد هذا اذا مو الخدامة قامت تسوي شغلهم
فرق اذا واحد والا اثنين تربينهم عدل
شوفي اللي عندها 5 او 6 صغار وايد واللي عندها 1 او اثنين تلقينهم فاهمين اكثر من غيرهم
عيالي الي بينهم فرق ثلاث او اربع كلش مو متوافقين وعيالي الصغار الي ورا بعض يلعبون مع بعض ومتفاهمين اكثر من الكبار
والحين عمري ٣٠ وان شالله اخر حماله وبتفرغ لنفسي
بالعكس الحماله ورا بعض تخلي الطفل اكثر اجتماعيه وماراح تقصرين باي حق فيهم لا تروحين لذاك الراي بالعكس احلا شي سويته يوم جبت عيالي الثلاث الصغار ورا بعض
لا تقولين ماراح تتفرغين لتربيتهم بالعكس تربيتهم وحده ويقلدون بعض يعني علمتي واحد جنج علمتي الباجي وسبحان الله بينهم تجانس وتوافق طبيعي من الله عكس عيالي الكبار الي بينهم فرق ما بينهم توافق او تجانس
انا بين عيالي 3 سنين
يعني علما اييب الثاني الا اللي قبله دش الروضه او كان بالحضانه اصلا
كل طفل يحتاج وقت وعنايه
وغير التدريس لي اكبرو علما تدرسين لكبير الا تعلم يدرس بروحه وتتفرغين حق اللي قبله
هالزمن غير
وشدعوة اذا يبتيهم ورا بعض بتفتكين
كا احنا حريم اشكبرنا ولي يومج امنا تحاتينا وتحاتي اخواننا الصبيان
اللي بتييب ورا بعض اذا مو ربة بيت ما انصحها ابدا
والا حرام ماراح تعطيهم حقهم من الرعاية والعناية والتدريس والحنان وووو
وبدال الخادمة ثلاث
اما اذا في فرق
الاخوان الكبار يعينونج برعاية الصغار وتعلمينهم المسئولية ويكبرون معاج
ولا تفكرين بالحمل والانجاب ان هم وبنخلص منه
هذي نعمة انتي محسودة عليها
اما اللي تقول ان وراب بعض احسن للجسم
طبعا غلط
جسم المراة يرد عافيته ويستعد للي بعده بشكل افضل وكا الحمدلله ولاداتنا سهالات وكلما كان الطفل الثالث والرابع اسهلت الولادة لا تحاتين
اما اذا كنتي متزوجة ع كبر
اي ممكن نقول ييبيهم ورا بعض بسبب فرق العمر وتاثيره عالجسم اما غيره لا
وفي امووور ثانية تحكم الوضوع وهي اذا الام ربة بيت يساعدها هذا
حبيبتي فكري في عيالج كل ياهل له حق عليج وجسمج له حق عليج
وريلج له حق عليج
شلون بتوفقين بينهم كلهم
الحياه صعبه الحين الوحده يالله يالله تلحق على هالطلبات اللي ماتخلص
فكرري عدل والله يوفقج
بس بتكون اخر مره لانه تعبت تعب مو طبيعي وصرت جني عيوز وانا توني ٢١
والثاني والثالث ثلاث سنين وكذا راح تترتاحين
خالتي جابت اول ولدين وقالت تبي ترتاح جم سنه وعقبها تحمل وصارلزوجها حادث بسيط انه طاح علي ظهره بس هالحادثه ادت الي عقمه
وجم وحده معاي في الدوام صار معاهم مشاكل بالرحم ( اما تكيس المبايض ووحده اسم الله علينا فيها ورمه فجاه اطلعت لها) ادت الي توقف حملهم اسم الله علي الي يقرون
فمسكينه الي تضمن ان الزمن مو غدار
هذي وجهة نظري حبيت اقولها
وبالاول والاخير القرار لج