|
|
باحكيكم عن غيرتي اللي في داخلي وما حد يدري عنها الا رب العالمين 000 غيرتي هاذي انا حاسها انا مسوية خلل في عبادتي لرب العالمين 000
وانا باروي لكم بعضها 000 طبعا انا متزوجة واحد عنده حرمه غيري وغيرتي منها 00
اولا : تصدقون ان زوجي كل ما دخل قعدت اتفحصة ايش فيه من اثار من بقايا الأمس 00 وهو مو داري وانا ميته قهر يعني احياننا يجيني باثار منها في ملابسه او في جسمه وكل مره يجيني ابدا بفحصه وانا اتنافض واذا ما شفت شي عليه ارتاح واذا شفت شي تعالوا شوفو وش يصيرلي يروح يومي علي لأنه يتحول الى نكد
ثانيا: احاول قبل ما يروح اخذ منه (……) علشان ما يطالع فيها وحتى لو طالع يصير بدون نفس لأنه يسوي كذا معي اذا جاني وهو خالص منها00 تصدقون ان حرب الحريم اللي عند رجال واحد كلها تدور حول الجنس ( معليش لو تجرأت ) لأني ابغى افضفض عن نفسي شوي 00 نعم كل وحده تحاول انها تفوز فيه بليلتها علشان يجي لثانيه وهو شبعان 00
اكيد كلكم بتقولون كذب والله انها حقيقة 00 تدرون ليش لأن كل حرمة فيكم اذا تخيلت ان زوجها ممكن يتزوج عليها اول ما تتخيل تتخيله وهو معها في السرير
يعني انا ما يهمني لا مصرف ولا اكل ولاشي زي ذيك الشغلة
اذا جيت انام وهوعندها قعدت اتخيل وهو ذلحين قاعدين مبسوطين على السرير وانا ميته من القهر
ثالثا: تدرون ان الأفراح تصبح اتراح اذا صار ذيك الليلة عندها يعني اذا كان ليلة عرس ولا عيد وهو يومها اموت من القهر واقعد احاتي واقول ذلحين يشوفها متكشخة ومتزينة وش راح يسوي معها وانا محد شاف زيني
اما الأحزان تصبح افراح عندي 000 يعني اذا مات احد اقول الحمدلله اليوم بيصير ضايق خلقه وما راح يسوي معها شي 00
شفتو وش تسوي الغيره الله يبعدكم عنها
المفروض اهي اللي تحتر مو انتي
ولا تتفحصينه عشان لاتلقين شي يحرج
وترا اهي حلاله وانتي تدرين
مو من وراج قاعد يسوي هالشي
ومثل ما يسوي معاج المفروض يسوي معاها
وعيشي يومج ولا تفكرين فيها
ترا بتتعبين وتعبينه معاج
مادري اهي بايقته منج والا انتي بايقته منها !!
اتوقع المفروظ مو انتي اللي تحترين وتتظايقين وتغارين
لان اهي الاساس .. واهي القديمه الغاليه ماتيين انتي وتحاولين تاخذين مكانها غصب ..
تتمنين الشر حق غيرج والله عشان ينام معاج وتبرد حرتج!
والله الصراحه شي غريب !
بس تدرين شنو ؟
غمظي عينج الحين وتخيلي انه داش عليج وبيده مرته اليديده ..
حزتها بتعرفين ان حراتج وغيرتج الحين ماتساوي نقطه من حرت مرته المسكينه!
اي ونسيت اقولج حبيبتي حطي ابالج شغله .. اذا ريلج باع عشرت مرته بلحظه لاتتوقعين بتصيرين اغلى منها ومايحط فوقج عشر
اذا كاان ريلج من النوع اللي يتزوج واايد
ادري شي يحرق القلب مو بس لج حتى لها اهي
الله يعينكم صرااحه
ترا بتتعبين وتعبينه معاج
[/quote][/color]
بس لي متى بتمين تفكرين جذي وتمر احلى سنين عمرج وانتي تحرقين بنفسج
لازم تتأقلمين مع وضعج ودايما فكري انج تكونين سعيده وتنسين ان عنده مره ثانية
وصدقيني الثقة بالنفس والمره لما تكون مصدر الفرح لريلها ودايما مفرفشة وسعيده هذي الاشيا اللي تخليه ولهان عالقعده معاها ويتمنى الوقت ما يمر واهو معاج
الدنيا اكبر من همج هذا بواااايد..
الله يعينج مااعتب عليج الغيره فطره لكن ما اسجن نفسي فيها
وشلون ما يأثر بعبادتج اتوقع خشووووع مافي لان الهم اللي بالقلب يطلع بكل شي نسويه خلي همج ربج…
الله يوفقج..
والله ما ألومج بس انتي شكلج يديدة ، مصيرج بتتعودين وبتوقف خيالاتج
ادعي ان الله يصبرج ودربالج غيرتج تزيد و توصل لحد المضرة
سامحيني على اللي بقوله لج… اولا الضره مره
ومادري شنو الظروف اللي خلتج تاخذين واحد متزوج ؟ ما ادري انتي الاولي او الثانيه اذا الاولى معذوره مابيدج شي وهذا حظج بس اذا كنت انتي الثانيه (انتي اللي جبتيه لنفسج) والله يخفف عليج الغيره وانشالله بيبرد قلبج من هالناحيه مع الايام ويصير عادي وتقتنعين انه امر واقع ..ز ريحي راسج اشوي من الغيره رحمي تفسج شنو راح تستفيدين هونيها
ملاحظه
صلحي النك نيم الخاص فيج (ربي ارضى عني) انتي كاتبه ربي اضى عني!!
وطمنينا عليج
تحياتي
عيل شحال هالمسكينه زوجته الاولى