تعالو خلونا نلقى حل لهالمصيبه !!!؟

السلام عليكم
شلون الحلواات

بنات في شي غريب قاعد يصير بمجتمعنا ومنتشر حييييييييل
هالفتره اللي هو الخيانه الزوجيه
ياكثرهم والله انا ماادري هالرجاجيل شفيهم كل هذا شفاحه ولا شنو
لا واللي يحر لما تكون الزوجه كامله والكامل وجه الله
يعني تجي الزوجه شحلاتها نعومه وذربه ونظيفه وبيتها نظيف
وفجأه تصيد زوجها يخونها وله علاقه بوحده من بنات ابليس
تصورو بنات في واحد يمووووووووت على زوجته مدلعها مدللها ماشاءالله مو مخليها
تحتاج شي واهم شي عنده رضاها بس مشكلته له علاقه بوحده ثانيه
شنو مشكلته هذا !!!!!!؟
معقوله بنات في احد يحب زوجته ويموت عليها ويكلم غيرها
طيب شنو السبب ؟؟؟
ابي وحده حكييمه تقوللي السبب اللي يخليه
يكلم وحده غير مرته اقنعوني ابي افهم شصايرلهم هالايام
واذا الوحده اكتشفت خيانة زوجها شتسوي
يلا يابنات نبي تفاعل وحلول نساعد بعض فيها
وشووووووكرا للي دشو وقرو الموضوع

والله بعض الريايل صعب تفهمينهم اعتقد العيب بالريال مو بالمراه

اغلب الرياييل يخونون

حبيبتى لاتستغربين …كل السنع بحريمهم بس خلاص يشوف ربعه بالدوانيه كل واحد عنده رفيجه

ليش لا يحسبونها رجوله

بعدين الرجل الكويتي تدلل ماعنده شي يسويه كل المسؤليه على الحرمه اهو قاعد ضيف شرف
شسوي …فى بعض الرياييل يشكون من حريمهم انهم مهملات طيب مهمله تكلم معاها
ليش على طول تخون…لا وهابين من يسمعون عن ديره ركضوا الحمدلله والشكر ماخلو

مصر سوريا المغرب اوكرانيا عفيه نفس دنيه اللى تقبل الحرام كلهم يهونون ولايهون اللى يروح تايلند والا الفلبين ابو الوصخ

للاسف مافى دين

لا وهابين بالمسيار الحمدلله والشكر

حسبي الله على بنات ابليس

أكبر مصيبه الريال انه يشوف ربعه شنو يسسون واهوه يقلدهم شيء صح او غلط لازم تقليد يبا فكرر شوف هالشيء صح او غلط راح يأثر ع حياتك وأهلك ماكوو
خلاص مدام حط شيء براسه مستحييل يغيرره
الله يهديهم بس ,,

انا اقول حسبي الله ونعم الوكيل

رجاجيل يدورون مو بس وحدة كشخة ونعومة لا يبونها جريئة ترحيهم تشبعهم وجريئة حتى بالكلام وانتوا كله خجلانين فهمتي

هذي يسمونها غريزة الصياد !

يعني ان كل الرياييل (الا من رحم ربي) كل مايشوف وحدة تلقينه غصبن عليه يحاول بغريزة الصياد انه يحقق الظفر لكن كل حسب مقدار اكتفائه من الانتصار، واحد يكتفي بتبادل الابتسامات او المجاملات ، والاخر يكتفي ببعض الاستظراف والتميلح وانها تضحك على نكتة سخيفة له .. وهناك آخر لا يشعر بالانتصار الا اذا قبلت تاخذ رقمه وتكلمه وهناك والعياذ بالله اللي ما يحس انه أشبع تلك الغريزة الا على سرير الخيانة
والحل ان مالها حل <<<< عندها إحباط من الرياييل كلهم ومافيييييش فايدة

الله يعين

حياتى الريال ما ياخذها على انها خيانه ياخذها من مبدأ الصداقة !!!!

يعنى انت العزيزه الغاليه ام العيال لج الحشيمه والكرامة بس هذيل صديقه اسولف افضفض معاها

مجرد شخص اسولف واقول اللى حارنى ولا مضايقنى بدون تحفظات

وبينى وبينج الددددددددددددددددددددددددددددددددددددين قل وايد وصاروا الرياييل ما يخافون الله

صاروا يتعازمون على بنات ابليس وال………… لاحول ولا قوه الا بالله

قلة الايمان بربي وكثرت القنوات الاباحيه

نور ونار كلامك سليم جدا

انا اعتبره نقص بالرجل نفسه يعني بعضهم فيه شي مايكتمل الا بالخيانه حتى لو مو قاصره شي

احنا بزمن الفتن والبنات الله يهديهم الوحده اذا تبي تروح المجمع جنه رايحه حفله فل ميك اب وتسريحه وهدوم مرصصه ومفصخه وتبوون ماتزيد الخيانات الله يهديهم كلهم يارب بس صراحه شي يحزن

الله يعين

اللي طبعه مغازلجي صعب يقنع بوحدة بيستمر لين الله يهديه

اهم الشي السؤال قبل الزواج والتاكد من اخلاقه