تعالوووو نساعد العرايس

الله يوفقكم ويسخر لكم قلوب رياجيلكم ويسخركم لهم ويهيديكم للي يحبه

ولاتنسوني اذا استفدتوا مني

حبيت اشارك معاكم او اساعدكم يمكن تسفيدون مني
والمشكله ان ماعندي وقت اتابع مواضيع يعني بما اني توني عروس (3شهور جديده)

اول شي بدلتي العرس اول يوم خيطتها عند برجوازي بيضه وودي ااجرها

وبدلة ثاني يوم بعد عند البرجوازي لونها تركواز وودي ااجرها

الذهب والالماس خذيته من دامااس ومن الامارات

ساعاتي رولكس من مكه و شروتي و روشاس فل دايمون الذهبي والفضي وساعاتي واجد والعاديات من فري لوك وهاسوالف

ودراريعي تصميمي ومن بعض المشاغل اللي مو معروفه حيل بس بشاهده الكل فنتق نظام بدله دراعه ثري كورتر ودراعه لف وحركات جذيه شي عرايسي لاني ما احب الشي العادي او ان احد يقلدنيي (معقده)

قمصاني خذيتهم من انور و ckاللي بالكوت و محل بمجمع الرايه حلوو نسيت اسمه ونعومي بالخبر شارع سويكت ومن الامارات وسوريا تخصص بجايم وقمصان

وقميص اول يوم خيطته نفنوف حرير طايح على الجسم وفوقه القميص شيفون وتور وفيه ورق مقصص خذيته من كتلوج بس شكله حلو حتى بعدين لو بعيد زواجي او بطلعتي من الاربعين اقدر البسه

بجايمي من اوشيو ماكس و ومن سكرت اللي بالامارات احلا واجد من اللي بالكويت يعني البضاعه تنزل هناك اول بعد فتره تنزل الكويت يعني بجايمي اللي شريتهم شهر6 نزلوا الكويت شهر 11

وسوالف البيت تنانير وبديات من لاند مارك(سنتر بوينت) و جنيفر لوبيز اللي بمجمع البحر والسالميه القديم الثري كورترات وهالسوالف لقطت من كل مكان

تنانيري العمليه خيطتهم ابيض واف وايت واسود بني وجنز وخيطت البنطرونات الواسعه اللي من فوق بنطرون وتحت شكلها تنوره

وشنو بعد ؟؟؟

عبيي وملافعي من الامارات والخبر والكويت عند عميلي بالفروانيه بالنمران يضبط لي حيل تصميماتي وبدون اسم
ومره طحت بالصدفه على معرض بعبدالله المبارك ملافعها روعه كانت جايبتهم من الامارات بس ملافع صح كانت مشاركه وضاع رقمها مني مع اني اكره المعارض لان الشغلهم مشيوف ومكرر ونارر على غير سنع

جواتيي والمداسات والشحاحيط والجناط من مكان سري يبيع الماراكات رخيصه شويه مو واجد بس ارخص من السوق بمية دينار تقريبا ومن الصالحيه و سنتر بوينت وفلا مودا و الرايه و مارينا والفروانيه خذيت منها كعب عرسي مريح مريح مريح ماحسيت اني لابسه كعب المحل بالحمرا مول فوق اسمه دانيللي او شي مقارب

الاكسسوارات من كل حدب وصوب من محل بمجمع البحر حيل حلو واذا خذيتي قطعه يعطونج القطعه الثانيه هديه ومن كشكات المهلب ترى تحفه تحفه شغلهم يزوغ ومن الفنار بس شوي غالي الحلو بهالمحل ان الرجيه كبيره حيل بس وزن الريشه ومن بيت ديفا ومن محل حلو بعد اسمه ريماس بالفروانيه ومحل تحفه تحفه بالصالحيه

مكياجي : كريم الاساس لايبرلي مع بودرته والبودرات واللمعات من شارمل والتحاديد والحمر من كل مكان هنود وماركات كل شي الفرش خذيتهم من فافافوم ميك اب فور ايفر المارينا بعد شنو ياكثر مكياجي وجنطة المكياج البكس المقسم الالمنيوم حيل حلو ويشيل

العطورات والبخور : عاد الذاكره ميح بس عطري الرئيسي سلفر رين مع اللوشن والشور جل عطوراتي واجد بس ما احفظ الاسامي طبعا انا ما اهتم قديم جديد المهم حلو والبخور من امل الكويت خيت اللي تولته ب30 تقريبا وخيت اللي نص التوله ب62 وخذيت منهم معمول المعاريس وماي ورد وخذيت اشاء واجد ومن الدر المنثور البخور البنك الاستعمال اليومي ومن اجمل معمول بصندوق كأنه خشب حلو وخذيت من الخبر شي روعه التبخير من زهور الريف روووووووووووعه وفي بالعربيد بلازا محل اسمه كمبودي سنتر عنده عطر صغير للملابس ومثله للجسم روووعه بعد لونين بنفسجي ووردي حلوووو ومن الامارات خذيت من الهنيدي والكشكات و عطوراتي واجد هذا اهمهم

وخذيت صندوق شكله حلو من البلوكات مثل اللي عند التراث الهندي بس ارخص بالبلوكات ورا محل صناديق حطيت فيه كل قمصاني وفيه قفل عشان مايشوفهم ابو الشباب احس فشله ان يعرف نوع لبسي بالقمصان وحطيت فوقه مفرش مخمل اطرافه هدب طبعا خياط مو جاهز
وخذيت ستاند للتراجي من كليرز النوعين التراجي الدائريه والعاديه وخذيت صندوقين خواتم يشيل ميه خاتم وصبغته بنفسجي وحطيت عليه زري طبعا شغل ايدي واحد حطيته للخواتم وواحد حطيته للتراجي لان اكسسواراتي واجد
وللاساور خذيت ستاند الاساور المخمل وصبغته وحطيت على اطرافه كرستال وللسلاسل والعقود خذيت علاليق من تروفاليو السلفر ولزقت عليهم وراق ورد اللي من سنتر بوينت وعلقتهم بالكبت من داخل شكلهم حلو طبعا الواني وردي وبنفسجي وللتسريحه شريت تو بنفسجي 9 امتار يتعفس على التسريحه وحطيت فوقه شموع لان مو حلو ستايل العطورات على التسريحه وخذيت مبخر من اجمل روعه ذهبي وفيه كرستال بنفسجي وخذيت فازه اللي تكون كأنها حوض حطيت داخلها صخر وردي وبنفجي 3 احجام وفوقه ماي والورد اللي يطفح ورده كبيره وثلاث وردات صغار وحطيته فوق الشفونيره ولفيته بتور بنفسجي والورد اللي يطفح وردي وكراتين الجواتي غلفتهم بجلاد مخمل وردي وحطيت عليه فيونكه بنفسجيه لان احسن شي لحفظ الجواتي كراتينهم طبعا حطيت تحتهم زوليه من ايكيا صوف بيج وحطيتهم كانهم هرم وشريت علب وغلفتهم نفس كراتين الجواتي بس حطيت من داخل خامه ولزقت اطرافها من داخل يعني يسير شكلها كانها مبطنه مايبين اني ملزقته وخذيت علاليق من سوق الباشا خيطان المبطنين لونهم بنفسجي وهم فيهم كرستال روعه جايين على شغلي رايت وفي الوان حلوه

العنايه : جلسويد الاحمر وزيت اللوز كنت اتدهن فيه واذا قمت اتسبح وسنفرة المشمش روعه للجسم واستخدمت كريم الكافيار من لايبرلي والحمامات المغربيه ورحت سويت جلسه ترطيب وتبيض للعروس عند الدكتوره دلال التركيت وقبل عرسي بيوم سويت جلسة نظاره عند حنان دشتي

مكياجي : عند مدام ايلا الانتر اول يوم وثاني يوم منت جايبه صوري بالعروس يعني عشان اوريها شنو اللي حلو اللي مو حلو علي وكنت متابعتها اسبوعين قبل عرسي وسألتها اي لون عدسات احلا والاشياء وطلع مكياجي حلووو وناعم والكريم روعه مو تلطخ
الشعر . مدام قولدا اول يوم وثاني يوم اول يوم كنت جايبه صوره لتسريحه وثاني يوم على مزاجها بس حلووو

استقبال عرض الذهب : ستاند كبير فيه رفوف تفتر وليتات وخليتهم يحطون عليه ورد واغصان نفس الوان صالتنا والسكاين كانت رسم تايقر و الفطاير والحلويات تقديمهم كان بكوشيات النيرات من هدى البرجس مع المطاطير وفناتق واجد اذاقدرت راح اعرض الصور

اهم شي يابنات غسول للمنطقه الحميمه وغسول للفم كلنكسات المعطره اذا رحتوا مطعم وعلج وحبه اللي تغطي ريحه الثوم والبصل وعطر للحمام لوقت الشده
وكثري كثري كثري من الماي لانه ينعش البشره والسلطات والعصاير
وحطي عند راسج دولكه فيها ماي دافي وحطي فيها ماي رود من امل الكويت بس شويه مو واجد واشربي منه يورد الوجه ولاتنسين حبوب الفولك اسد مهمه جدا جدا لج وللجاهل اذا حملتي كل الدكاتره يوصون فيها وحبوب الخميره اكليها لين عرسج وعقب وقفيها لانها موزينه مع الحمل والله العالم يمكن تحملين من ليلتج والله يوفق الكل