:: تعالوا كلكم وكل وحده تحب الشغل اليدوي ابيها ضروروي ::

{..اللهم صلي على محمد وعلى أله وصحبه أجمعين ..}

::

طبعا انا ابيكم كلكم وكل وحده تدخل هالقسم صراحه شفت اشياء حلوه
بس ابي منكم طلب
طلبي يا مخفوظات السلامه

شرايكم كل وحده تسوي شغل يدوي اكيد غرضها تجاري او تسليه او تعلم شغله وكل هالاشياء حلوه حيل

ليش ما ندعمها بالاجر والثواب .؟

انا اقول لكم شلون
الحين كل وحده تمسك الابره او الاغراض وكل غرز تسويها ليش ما نقول

سبحان الله وبحمده سبحان ربي العظيم

او

استغفر الله

او
لا حول ولا قوه الا بالله
او اي نوع من الذكر او الصلاه علي الرسول صلي الله عليه وسلم

شوفوي اول شي راح تحسون صعب شوي
بس لما تتعودن راح تلقون نفسكم اول ما تمسكون الاغراض بروحكم تذكرون الله

وجذي تخيلو بنفس الوقت الي تتسلون فيه تجمعون حسنات وتغرون ذنوبكم وتسون اجر عظيم حيل

وياريت الي ما تعرف فضل الاستغفار او الذكر انا مستعده اقول لها واشرح لها فضل كل كلمه

عفيه بنات لا تلهيكم الدنيا والاشغال اليدويه وخليكم تسون 2 في 1

وهالشي حيل حلو
وجربوه وانا ما ابي الا الاجر لكم والاجر لي

والدنيا فانيه وكل شي نسويه الحين ببساطه بكره يمكن يكون اهو سبب دخولنها الجنه

اتمني الي تدخل موضوعي تقعد دقيقه مع نفسها وتفكر

وتجرب ما راح تخسر شي صدقوني بتكسب والله

وبتذكر كلام عاليه

بعدين وامانه عليكم اول مره تسون جربو عشاني

مره وحده

والله بيطلع الشغل حلو حيل وبتحسون براحه نفسيه

وبتتعودن علي ذكر الله

وبس مابي منكم شي

والي يعجبني موضوعي تدعي لي بالشفاء لي ولامي

وجزاكم الله خيررر