|
|
امس نسولف عن فصلات الحريم على ريايلهم والا تسولف رفيجتي تقول اختي تنطر ريلها ومزهبه العشا من الساعه 11 بالليل وتأخر ريلها لي الساعه 3 الفجر تقول لمن جا زوجها وسوت نفسها زعلااانه وقعد يراضيها وكلش ماده البووز شبرين
وقالها شنو يرضيج قالت تطلعني اتعشا براا قال الحيين خليه بكره قالت الحين قال اوكي
وتقول طلعنا الشوارع فاااضيه وشارع الخليج فاضي وقلت اخذ سندويشات ونسفط عند البحر ونتعشا مادري عشا او ريوق لوول
وتقول سفطنا عند البحر وكان فاااضي مافي الا احنا وقعد ريلي يوكلني واوكله ومالفينا راسنا الا سيارة الشرطه واقفه عندنا وبدا التحقيييق 
شنو تسوون قال ريلها قاعدين عالبحر وقال هذي منو قال زوجتي قال شنو يثبتلي وزوجها عصب .gif "Eh S(13)")
اقولك زوجتي تقولي شنو يثبتلي وتقول اخذ الشرطي رقم السياره ورقم تلفون زوجي وقال روح عطني عقد الزواج او البطاقه المدنيه اللي تثبت انها زوجتك وراح عطاهم 
وراحوا الساعه 3 وردوا الساعه 8 وقال لزوجته مره ثانيه طلعه ماكو والا اذا حبيتي تطلعين زهبي عقد الزواج لووووووووووووول
وقعدت تضحك تقول اختي تقول والله مايسوى علي هالطلعه بتالي الليل
يالله بنات قولولنا موااقفكم سارت مواقف معاكم
على قولة المثل بقيناها طرب سارت نشب 
واي مساكين ماتسوا عليهم
ولامره صادفنا شرطه جذي
يعيشون و ياكلون غيرها
انا من ملجت مزهبه عقد الزواج بالسياره
ياربي نتخشخش انا وزوجي نبي احد يكلمنا ماكو
تحسين لعانه لما عقد الزواج مو عندج يطلبونه
مرة بالكويت اهلنا كانوا ساكنين بفندق
واحنا صاعدين لهم
تخيلي المصري الحقير وقفني والا يقول منو هذا
صدمني
قلت ريلي شتبي انت قال شنو يثبت
خزيته هذيج الخزه اللي كره نفسه منها بس مصري خبيث لول
طلعت عقد الزواج قلت هاك اشبع فيه وصور عليه 199 نسخه فوقه
مالت على الباميه بس
حرني لووووووووووووووووول
عاد انا استانس على الطلعات بتالي الليل مادري احس هدوء ووناسه شكلي على قولتج باخذ عقد الزواج ههههه
والله تسير مواقف بنت خالتي تقول بروح الجمعيه بعد مانومت اعيالها وهي عندها سياره وقال زوجها بنروح على سيارتج لان سيارتي خربانه يالله وصلتني البيت وهي شكت قالت اكيد خاش شي بالسياره الا نروح على سيارتك قال تعطل علينا بنص الطريق قالت انا مشتهيه اروح بسيارتك قال كيفج ولمن راحو خربت عليهم السياره بنص الطريق مادري حرارة السياره ارتفعت وتقول كل ماندق على احد الجهاز مغلق او مايردون وردوا البيت بتاكسي لوووووول كلهذا من العناد
سرنا نفس الجهال اذا قلنا لاتسوي جذي عاند زياده ههههههه
والله ماتسوى عليها هالزعله
تسلمين حبيبتي
عيل ثانيه مره صوروا كذا نسخه وحده حطوها بالسياره ووحده بالبووك والثانيه بالشنطه
ذكرتني بموقف بنت خالتي
كانت توها توها مالجه و طالعه مع ريلها وقفهم شرطي و ريلها هم ولد عمها قاله والله العظيم زوجتي و تونا مالجين شلون اثبتلك
بس بعدين طوفهم لان مبين من اشكالهم غتره و عقال و اهيا مكياج حفلات
بس مثل ما قلتي بقيناها طرب صارت نشب *
والله تخيلت اشكالهم واقفين نص الطريج وقعدت اضحك
شـوقــه
وييييييييييييه ذكروني بايام الملجه لوووووووول