تخطى إلى المحتوى
الرئيسية » تعالوا سمعوا سالفتي بالحـرم

تعالوا سمعوا سالفتي بالحـرم


السلام عليكم ورحمة الله خليجية

يا بنات انا توني راده من العمـره وشفت فقراء من جنسيات مختلفه يقطعـون القلب ما اشوفهم بمكه الا برمضان

السـنه هذه انا اخذت ملابس مستعمله شبه جديده ( دشاديش وملافع وعبي وجناط ) مغسوله ومكويه

والله يابنات شكثر تأثرت من دعواتهم يحتاجون اشياء كثيره حتى ابســط شي بطل ماي صحه فاضي وجياس بلاستيك حتى ماي زمزم يعبونه بجياس بلاستك

يابنات احنا بخير ونعمه ومعظمنا يروح عمرة رمضان فأنصحكم تساعدونهم

بقولكم اقتراحات غير الملابس والجناط :

1 – مطارات المدارس مالت العيال اكيد الكل عنده وزايدين بعد .

2 – جواتي وشحاطات تكرمون في اشياء ما البست وزايده عندكم .

3 – جناط المدارس .

4 – الجياس الخام اللي تجي مع الجناط والجواتي تكرمون .

صحيح كلنا نتصدق بفلوس في مكه بس لما توزعين بإيدج التمر والخبز والجبن والفطاير وتسمعين دعواتهم

واهم صايمين ترتاحين نفسيا اكثر والرسول صلى الله عليه وسلم وصانا بحديث بما معناه ان نجالس الفقراء

والمساكين واللي تذكرنا الحديث جزاها الله خير لاني ناسيته

واتمنى تعطوني افكار عشان اطبقها بعمرتي الجايه بإذن الله

وجزاكم الله خيـر

عليج بالعافيه الحسنات الي خذتيهم , في اعمالج ان شااء الله

جزااااج الجنه حبيبتي بميزان اعمالج

انا توني راده من العمره والحمد لله هالفئه من الناس دايم ما اقصر وياهم

ومن اشوفهم ابجي بجي على حالهم شي يعور القلب

والله العظيم منظرهم يقعد بعيوني دهر وانا كل فتره اتذكر اشكالهم

طبعا بوفيهات الفنادق اللي الزايد عنهم يقطونه بالزباله ابلغ ادارة الفندق بحطونه بعلب واوزعه عليهم

من غير الاكل والخرده اللي دايم تكون وياااج

الملابس والحجابات والنعال مكرم القاري

والبطانيات لان اغلبهم ساكن الرصيف ماله بيت او مكان

شغلات كثيره مو ذاكرتها

اي و الله هالمشاهد تقطع القلب خصوصا اللي كبار بالسن …

الله يرزقهم ان شاء الله و يغنيهم …

و جزااااااااااااااااااج الله خير على هالموضوع و الافكار الله لا يحرمج الاجر …

الله يرزقني عمره برمضان و كل من يتمنى قولوا امين …

جزاج الله خير في ميزان حسناتج
جزاك الله كل خير.
جزاآاٌج الله خيرر ..

وان شاء الله يكون الي سويتيه بميزان أعمـالج

يزاج الله خير
يا حيآتي زين تسوين ~
أنا أمي بمكه الحين فديتها خليجية
يسلمو :$
جزااااكـِ الله خير
في ميزان اعمالك ان شا الله
وعليكم السلام ورحمة الله وبركاته ,’
جزاك الله خير حبيبتي الله يجعله في ميزان حسناتك يارب ’
بميزان حسناتج
في ميـــزآأن حسسســآأنتك ,

وجــزآأك الله ألــف خيـــــــر ~

باذن الله في ميزان حسناتج يا رب

نفس طريقتج اسويها
اجمع كل الاشياء و اغسلها و احط كومفرت واكويهم و اوزعهم في اكياس بلاستك

حتي اللي يبي ياخذهم يا خذهم و هو مستانس و يحسن انج جهزتيهم له خليجية

الفكره الثانيه

مره من المرات توفر عندي اقلام و دفاتر و برايات و محايات و قصص اطفال و افلام الاوان

كلهم نضفتهم و رتبتهم باكياس بلاستك قوي و دبستهم

و زعت لكل طفل جم ( قلم و برايه و محايه ) ودفاتر و قصص

و شكلهم كان واااااااايد حلو ومرتب حتي الي عطوني اياهم

استانسوا من هالطريقه

البطانيات و الشراشف و المخاد القديمه
نفس الشئ اوزعهم وهم انظاف و مجيسسسين
و اي مكينه مطبخ او ثلاجه او تلفزيون او اثاث بدال ما نبيعهم
بخمس و عشر دنانير ارتبهم و انظفهم

اشيل اوزع او اذا شي كبير اتصل علي سياره نقل و احاسبه
و اعطيه العنوان

وسلامتج يا الغاليه
خليجية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.