تعالوا خواتي أهمس لكم ترى بعض الثقل ميزه

الانسان القوي والواثق من قدراته يعيش أفضل من الانسان الضعيف ،، ولا تعصره الهموم وتهد كيانه
يمشي على هون ، يتكلم بذرابه ، أما الضعيف فعلى طول عجل في قراراته في تفكيره في هروبــــــــه
وأغلب النساء للأسف يبالغون في مشاعر الضعف ضن منهم أنها هذه قمة الأنوثــه وأنها لا تستميل رجلها
الا ان وجد فيها هذه الصفه ان كانت حقيقية أم مصطنعه ….!!

أنتبهــــــــــي عزيزتــــــــي المتزوجـــــــــــــــة

قد يكون الضعف سلاحا للحفاظ على بيتك وقد يكون هذا السلاح موجها ضدكــــ ..سأشرح لك التفاصيل
في هذا المشهـــــد لا أريد منكــ الا أن تتخيلي نفسك في هذا الموقف ثم بعده تحكمي بنفسكـــــــ …..
قبل فتح الستار لنقلب الأوراق وتأخذ المرأة دور الرجل والرجل يأخذ دور المرأة ثمـ….

تكون المرأة مسؤولة عن مصروف البيت والزوج والأبناء تشقى ليل نهار من أجلهم ثم تأتي الى البيت متعبه
يركض الزوج ويفتح الباب وابتسامه عريضه،، هلا هلا بالغاليه أم عيالي اليوم سويت لك عشا من أبدع ما يكون
الزوجه تنظر له بطرف عين وتمشي بكبرياء وما لها خلق له ، تدخل الغرفه لتبديل ملابسها تجده أمامها يسولف
مره عن شقاوة الأبناء ، مره عن مضايقات الجيران ،، والزوجه تتأفف ثم تقول لا تحط العشا شبعت من الكلام
والزوج الضعيف يقول لها لا عاد أنا تعبت وأنا أطبخ ذوقي شوي بس والزوجه ملت منه ومن غثاثتـــــــــــــه
تستلقي على الفراش تبي بعد هالجهد ترتاح ، ينط الزوج تكفين خلينا نطلع باجر المنتزه نونس العيال ترى من
زمان ما طلعت ،، والزوجه ترد عليه :: ما كو طلعه أقعد جابل العيال ودرسهم ما عندنا رياييل يطلعون << وناسه
الزوج يطلع من الغرفه ضايق خلقه ويقول ليش حظي أنا جذي زوجتي أكيد ما تحبني يا كثر ما دللتها وتصدنـــي

خلص المشهــــــــد ،،،، شنو تعليقكمـــ ،، ما تحسون أن الزوج غثيث ويعتبر أن هذا دلال وما يدري
أن هذا ضعف بالشخصيه ،،، المرأة اذا كانت واثقه من نفسها وتبي ترفع قدرها عند زوجها ما تبين له ضعفها
وأن هو السي السيد والراي رايه ،، صحيح تحبه وتطلب رضاه بس مو على حساب كرامتها ، ان شافت الزوج
جاي البيت تعبان ما تركض له وتسولف وهو صاد عنها ،، تنتظره هو اللي يبدأ بالكلام ،، هو اللي يطلب العشا

صدقوني خواتي الانسان هــــــو اللي يرفع قدر نفسه أو يهينها ….!!!