تعالوا اقولكم شنو قالي دكتور حيان عن الخياط التجميلي

اليوم رحت للدكتور حيان بالمواساة واول مره أزوره عساس بولد عنده المهم سالته عن التجميلي قالي 55 دينار زيادة من برا ومن داخل *وقلتله فيه حريم مسوينها عقب الولادة وتعذبوا من الألم بس هذيك تضييق صج مو بس خياط وسعرها كان اغلى تقريبا 300 *قالي هم هذيك اسويها ب 500 تقريبا ومع رفع الرحم وإقامة ليلة وتجميل من برا مع تغيير الشكل وكل شي ب 750 لكن لازم بعد الولادة اقل شي شهرين وما انصح فيها مع الولادة قلتله غالية يادكتور قال الخيوط اللي نحطها مو نايلون مثل غيرنا ومايحتاج نشيلها اصلا قلتله مع توريد قالي لا التوريد ليزر مو عملية وما سالته اكثر عن التوريد
*
المهم ارتحت للشرح بغض النظر عن التكلفة خصوصا انه قال ان فيه ناس تسويها وبعد جم يوم تطلع عادي بس خايفة لان العملية مدتها ساعه ونص وقالي لو فكرتي بالمستقبل تحملين لازم قيصرية قلتله مابي احمل قالي حطي لولب هرموني من السيليكون احسن من الربط يمنع الحمل 5 سنين بس خفت يوم قال سيليكون خفت يذوب*

الحين ابسالكم منو جربت نفس هالعملية خصوصا عند حيان لانه يقول واجد حريم يسوونها عنده*
ومنو جربت اللولب الهرموني ؟

طمنوني تكفون *

والله اول مره اسمع عن اللي قلتيه كله ..

وبصراحه عفيه عليج حلوه الوحده تهتم بنفسها وانا عن نفسي اذا شفت اني محتاجه

ماراح اقصر باي شي هههههههه ..

لرفع

انا توني ولاده عنده…وقالي انها مسوي لي خياط تجميلي من داخل وخارجي..وانا سويتها مع الولاده

حتى أنا اول مره اسمع عنه
ومو أكيد اسويها بس قلت أسأله اضمن احسن ما أخذ المعلومات من النت
واذا ارتحت للكلام ممكن اسويها لان خلاص من غير شر هذا اخر واحد بس ماتدرين يمكن بعد جم سنه يصير خاطري بطفل
بس ام 55 هذه بسويها إنشاء الله

حياج

الله يرفع قدرج

انتي طالبه منه ؟ دافعه فلوس زياده ؟
لان الدكتور يسوي تجميلي عادي غير اللي تطلبينه منه واللي تكون نتيجته افضل
غير عن العملية التجميلية اللي فيها قص ورفع وشد واللي تردج بنت

حياج

بنات معقولا محد جرب عنده

انا خالتي حملت على اللولب صراحه ما ادري شنو نوعه بس اكيد اقوى شي لان تييب عيالها اغلبهم معاقين وحملت عليه ويابت طفل معاق بعد

لاتسوين شي قبل ماتستخيرين وتستشيرين عدل ودوري بالمواقع الاجنبيه عن هالاشياء مو بس هني وسالي اذا في سلبيات احس هالاشياء تخرع مادري يمكن انا غلطانه بس انا خوافه وايد

يعني اللي مسوية تضييج من قبل حتى لو مو بالولادة ماراح تولد طبيعي لالالالالالالازم قيصري ؟

واااااي بصراحه انا وحده خوافه من اقل شي بعد اسوي تجميلي وقص وحاله وااااي يماااااه
من بعد اذن صاحبة الموضوع انا عندي سؤااال
عفيه بنات منو تقولي شنو نوع خياطي اذا تعرفون
بصراحه حدي احترت
الدكتور مخيطني من داخل وبره وشاد شنو هذا عادي ولا تجميلي ؟؟؟؟!
بلييييز اللي تعرف تقوووليييي

والله مادري
بس معروف دكتور حيان فاهم وشاطر

ما ادري سمعت عن الدكتور بس ماجربته

خاج على الخياط التجميلي ونفاس عدل احسن لج
لان العمليه التجميليه اذا لج خاطر بالحمال انسي تولدين طبيعي

الله يرفع عن خالتج ويرزقها الذرية السليمة
بس ما اعتقد ان له علاقة باللولب لأنج تقولين عيالها اغلبهم معاقين ومااعتقد انه اللولب اللي اقصده ساليها عن نوعه لان اللولب العادي شكثر يحملون عليه لانه خرطي بس اللي اقصده يفرز مادة لمدة 5 سنين تمنع الحمل

وان شاء الله أخذ اسمه بالانجليزي واتاكد اكثر

مشكورة*

مادري حسب نوع التضييق بس اللي اعرفه انها ما تولد طبيعي عشان ماتخترب العملية لان صعب تعيدينها
ومعروف ان هالعملية ماتسوينها الا اذا بتوقفين حمال

والمفروض دكتورج منبهج قبل لايسويها لج
ردي ساليه اضمن لان العمليات انواع

حياج