|
|
السلام عليكم ورحمه الله وبركاته
أسمعوا سالفتي وفهموني وش أسوي ؟؟ أنا العام مقدمه على التدريس وتم ترشيحي لكن توقف تعييني بسبب الحمل
قالوا تقدرين تباشرين بعد الولاده بعد إجراء الفحوصات قلت أوكيه . بعد الولاده رحت أرأجعهم على أساس أسوى التحاليل وخلاص أتعيين لكن قالوا عندنا أكتفاء وإذا صار فيه نقص لك الاولويه . قلت خيره إن شاء الله
هم زين أجلس عند ولدي
وبعد المجلس كل بعد فتره أرأجع ولا فيه فايده يقولون عندنا أكتفاء .. الى ماشافتني وحده بالوزاره قالت روحي للموارد البشريه عند وحده أسمها مريم أو منى نسيت أسمها وإن شاء الله تفهمك وضعك بالضبط رحت قالت لي رفعي أستثناء وأشرحي فيه وضعك وأرفعيه للمدير وسويت مثل ماقالت وبعد أسبوع رحت للوزاره أشوف وش صار قالوا رفنا أسمك وأنتظري أتصال.. ونفس الوقت أختي قدمت
واليوم دقوا على قالوا أنتي فلانه قلت نعم قالت أسمك طلع مدرسه برياض الاطفال
أنا أول ماسمعت الخبر طرت من الفرح وبعدين تذكرت أن أختي هي قسم رياض اطفال وأنا علوم
قلت لها أخاف غلطانه أنتي قصدك أختي فلانه قالت لا أنتي مو أنتي رافعه أستثناء تعالي يوم الخميس راجعينا علشان نعطيك ورقه للمستشفى للفحص . قلت طيب الأختبار ماأختبرت قالت مكتوب عندي أنك خالصه مو باقي عليك الإ الفحص ..
اللحين سؤالي هل اللي نادوها معقوله أنا مو أختي ؟؟؟ مع أن أختي معطيتهم رقم غير رقمي ؟؟
طيب أنا وش أدرس برياض الاطفال؟؟ مو تخصصي ؟؟ والاختبار معقوله يكتفون باللي أختبروني العام ؟؟
أكيد مدام أنهم يبون يعطوني ورقه الفحص أكيد مباشرتي قريبه طيب أنا وشلون أستعد للمدرسه؟؟ يعني وش أسوي؟؟ أجلس أطالع قسم رياض الاطفال وأشوف وش يعطونهم والا وش السالفه ؟؟
طيب حنا السعوديات وشو زينا ؟ أيش نلبس ؟؟ وهل لرياض الاطفال دفتر تحضير ؟؟ والاجازه متى ؟؟
تكفون يابنات ساعدوني والله ماأدري وش السالفه ؟؟ أدري طولت عليكم بس والله ماأعرف أحد يفيديني مثلكم
جزاكم عني ألف خير …
اكيد انتي لانو تقولين قالت اسمك اولا وثانيا اختك اعطتهم رقم غير رقمك اذن هو انتي ..
حبيبتي لاتشتتين نفسك انتي لما يعطونك المباشره روحي للمدرسه اللي انتي فيها واسالي عن كل شي دفتر التحظير وطريقه تدريسهم وووو
وربي يسهل عليك حبيبتي ..
والله يوفقج يارب