تطلقت واناحامل بسبت حماتي حسبي الله ونعم الوكيل

مرحبا بنات
بختصرلكم سالفتي وعسى القى رد شافي منكم يريح قلبي
انا وزوجي نحب بعض واهو للامانه يحبني اكثر بس مشكلتي انا وياه العصبيه حاولنا نخففها ماقدرنا بس انا ارحم منه بواجد
الي صار كنت ساكنه ويا اهله بنفس البيت كثرت المشاكل وطلعنا بشقه بروحنا مع هذا ما سلمت كل يوم يبيني ازور امه وانا مدرسه وماعندي وقت سبحان الله كل مايجي من اهله يجيني متنرفز ويدور الهواش واكثر من مره اتغاضى واتفاهم معاه ويرتاح مع العلم اني وربي اعدهم حسبت اهلي وماقصر معهم باي شي وبذات امه واهي حيل تغليني لا اني اعاملها نفس امي الا حماتي لو شنو اسويلها تغار مني مع العلم انها متزوجه وزوجه مثل الخاتم بصبعها بس نمامه وتتكلم فيني عند العالم وكذا مره الناس تقولي عنها وجذبهم واقول اهي حبوبه الي صار مره جاني زوووجي معصب وتناقشنا على شي تافه يخص اخته واهله وكلم مني ومنه ورمى الطلاق علي وانا عنداهلي الحين اهو يدري ان اهله وبذات اخته راعيت سوالف لدرجه وربي سالفتنا وخبر طلاقي انتشر بالديره كلها وطلعتني جدام الخلق اني قاطعه وشايفه نفسي مع هذا مايرضى على اهله يقول مهما قالو هم الصح
وربي احترت وتعبت صارت حياتي مرتبطه باهله مستحيل انزل نفسي لهم بعد ماحشو فيني وونشروا خبر طلاقي بديره لدرجه كنهم ماصدقوا يتشمتون فيني
ابي مساعدتكم لو كنتم بمكاني شتسوووون

الله يهديكم لبعض ويصلح حالكم

قول حسبي الله ونعم الوكيل

وادعي ان الله يبعدهم عنج

واذا باقيه على ريلج تحملي وصيري عسل مع خالتج وطنشي حماتج

الله. يسخره لج يارب

لو أنا بمكانج والله ما أردله عشان أهله وإخته يطلقني والمشكلة يدري إن أهله غلطانين ويوقف معاهم
إذا جينا بالحق الله مايرضى لأن الله يبي الحق وماراح يسأله عن أهله راح يسأله عن الحق ..
وزوجج مايعرف الحق مع إحترامي لج ..
وفي بعض الرياجيل يطلق المرأة عشان يلوي إيدها حسباله المرأة ميتة عليه مالت عليه
وبخصوص زوجج إذا تحبون بعض وتبينه إذا ردج لاترديله بسهولة إكسري ظهرة لأن الطلاق موشوية لا ومن غير سبب هذه والله الحرة عسى الحرة تمر على إخته وتجرب وتمر على إللي تسبب في طلاقج
بس لو أنا منج والله ما أردله لأن كرامتي فوق كل إعتبار ..
وإدعي هالدعاء وأنا إختج
(اللهم أرني فيمن ظلمني عجائب قدرتك)
وشوفي وش يصير ..

شوفي خلني اقولش … انتي الحين شتين بكلام اهله وشماتتهم
ركزي على حياتش ويا ريلش والاسرة اللي المفروض بتتكون….
حماتش غيرانه منش تتكلم عليش خلها تولي سمعي كلام ريلش وخلش حليوة مع امه
واهله وحماتش هاي خلش رسميه معاها مهما تسوي ومهما تتكلم وتسوي طنشيها اعتبريها مريضه
واهتمي بريلش خاصه تقولين انه يحبش خلاص شوي شوي عرفي اشلون تتفاهمين معاه
وخليش دايمن قدامه تسمعين كلامه ولا تعاندين
ونتي بعدين بطريقتش تعاملي مع اهله
بس صدقيني اللي يسوي الصح بيحصل بعدين
ولا تخلين حماتش تخرب عليش حياتش

لا تزعلين من كلامي

عزيزتي ممكن كنتي تنسقين معه يومين بالاسبوع لزياره اهله والزوج ما يقبل اي عذر لزوجته بخصوص زياره اهله

المشكله بدت تافهه وصغيره وبعنادك ……وقلة ذكاءج

خسرتي …..وربحتي حماتج بشماتتها

لو انا مكانج

اتنازل كثير لاني رح اكسب كثير لما اخليه يحبني ويثق فيني بعد فتره

محتاجه فيها تكونين اككثر صبر وحكمه

المطلوب منج الاتصال به والاعتذار ……

فوفو

جزاج الله خير ياقلبي

مشكوره ياقلبي

مشكوووره

الله يجزاج خيروهذا الي انا مسويته بس كاسر قلبي الي فبطني

المشكله زوجي مطنش ولا سال لاهو ولا امه حسبي الله ونعم الوكيل بس
جزاج الله خير ياقلبي

الله يصلح حالج يارب ويهدي ريلج مالج ال الدعاء ولو صار ورجعتو لبعض لازم تحددين علاقتج مع اخته هالنسره

كلامج كله صح لااني كنت صج غبيه وعلى الفطره بس لايمكن اهين نفسي له يطلقني واكلمه
احسها صعبه اهو الغلطان على العموم مشكووووووووره ياقلبي

جزاج الله خير