تطعيم ضد سرطان الرحم الي جرب يفيدنا

هاي بنات

من فترة مريت عيادة الدكتورة معصومة وشفت عندها برشور تطعيم ضد سرطان الرحم اهو اعتقد اكون 3 جرعات طبعا مو مكتوب كل شي وقبل ما اطلع قالتلي الدكتورة ليش ماتاخذين التطعيم كنت مستعيلة قلتلها انشالله الشهر الياي بس ما سالتها عدل عنه ومكتوب مهم جدا حق البنات الصغار بعد يعني حتى الي مو متزوجة فاياريت الي مجربه تفيدنا شلون طريقة التطعيم ووين المكان هل هو تطعيم عادي ولا داخل عند الرحم؟ وهل في الم؟ عشان نستفيد وانا يمكن اخذ التطعيم اخر شهر 6 لان الي خوفني مكتوب ان هذا النوع من السرطان اعوذ بالله ماله اعراض يعني يكون موجود والمرة ماتحس في نهائيا!!!

اختي اليوم خذيته مثل الابرة العادية يضربونها لج بالورج سعرها 55 دك عند ماجدة اليتامى واهي وقاية من سرطان الرحم ويقولج درهم وقاية خير من قنطار علاج

انا بعد توني مخلصة آخر جرعة اخذيه وتوكلي علي الله

عاد سبحان الله تو زوجي مسولفلي عن هالشغله يقول في فرنسا كل الحريم يطعمون ويسوم سال قال ابر مضاده لمرض سرطان الرحم
عاد قال للمترجمه اقدر اشتري من هالابر لاهلي بالكويت يقول اضحكت المترجمه وقالت هذي الابر توصل عندكم في دول العرب بعد عشر سنيين
الاولويه للاجانب والاروبيين فقط
عاد توني ادري انها موجوده في الككويت
وصج قالي سن معين اللي يغزون الابر من 20 الى 50 سنه عاد مدري انتو شرايكم

جني مره شفت اوبرا تتكلم عن التطعيم ودام معصومه وماجده اليتامى اكيد ثقه ومضمون هذيلا الدكاتره اشهر من نار عالعلم