|
|
صباح الخير
بعض السلوكيات و التصرفات نلقاها مزعجة لما نروح محلات الملابس و الملابس الداخلية و قمصان النوم
يمكن غيري يلقاها عادية و يعتبرها حرية شخصية
و انا و غيري الكثيرين نعتبر الحرية الشخصيه تتوقف عند المساس بحياء الغير أو ازعاجهم
من هذه التصرفات هو
دخول الرجل ( الزوج ) مع زوجته في محل قمصان النوم
هذا حق الزوجة ان يختار زوجها لها الملابس و لا عيب في ذلك
بس راعي يا زوجة أن هناك حريم غيرج بالمحل يبون ياخذون راحتهم في اختيار ملابسهم
و يخجلون يختارون الملابس الداخلية بوجود رجل غريب
احنا خليجيات مسلمات نخجل
حتى جدام اخواننا ما نتكلم عن قمصان النوم و الملابس الداخلية فما بالج بالغريب
و احنا نبي ناخذ راحتنا في اختيار الملابس
و في رياييل الله يهديهم عيونهم زايغة
مرة دخلت محل قمصان نوم شفت ريال مع زوجته
الزوجة تختار ملابس
و الريال طايح خز فينا
قيد حريتنا بنظراته
طلعت من المحل و ما شريت شي
مافي مانع ان زوجج يدخل معاج بس خليه يدخل بالاوقات اللي مافيها حريم بالمحل
تصرف ثاني : في حريم يلبسون الملابس الداخلية و يقيسونها
و المعروف ان السراويل مثلا مو مخصصة للقياس
فتلاقونها وسخة و فيها ريحة
و حتى لو كنا احنا نغسل الملابس قبل ما نلبسها
بس في غيرنا ما يغسلها على بو انه ياي من المصنع نظيف
تصرفات مو حلوة بعد من بعض الحريم الله يهديهم
مرة خواتي لما كانوا راحين الحج
راحوا محل قمصان نوم معروف
فالبائع يقول يمدح المتوجات جان يقول لها
هذا المنتج حق الليالي الرومانسية !!!
اشلون تسمحون حق البائع يتكلم معاكم بخصوصيات جذيه؟
هم مرات بعد ادخل محل ملابس اشوف البائع يقول حق البنات هذا حلو خصرج
و هذا يضعفج و يحط الملابس عليها !!
و يطيحون ضحك مع البائع
اشلون تسمحين له يحط ايدينه على جسمج ؟؟؟
ادري البعض راح يقولون كيفهم و حرية شخصية
و انا اقول لهم انا بعد عندي الحرية الشخصية انني انتقد تصرفات
من غير ما اجرح او اشهر بالناس
نوعية الحريم الي تدخل مع زوجها ماتستحي ولاعندها غيره لاعلى زوجها ولاعلى بنات الناس وزجها يكون على شاكلتها اهمه يسوون روحهم انهم كول ومتحضرين واحنا فري لكن مع الاسف هالشي قمة التخلف الاخلاقي ادري البعض بيقول بره عادي بس احنا اول شي مسلمين وبدوله خليجيه يعني مافي شي اسمه عادي
انا اشوف ماله داعي يدخل وادا في شي حابه يقولها واهيه تروح بروحها تشتري ماله داعي يروح معاها بالله طلعوا من المحل وشافه احد من اهله ولاربعه
بالنسبه للمحلات الي فيها الرياييل اهمه يبعيون ماله داعي ندخل ونشتري منهم والله ماكثر المحلات الي يبعون فيها الحريم لاتقولون هالمحل عنده شغلات حلوه بس احنا مضطرين نشتري منه ويكون ريال(ومن يتق الله يجعل له مخرجا)
المشكله بسعوديه الي يبعون بالمحلات كلهم رياييل المفروض يحطون حريم ويبيعون درئا للمفاسد ويكتبون عالمحل ممنوع دخول الرجال
بس تعبت قرقت وايد
تسلمين
وصح كلامج كله
بس احنا الحمدلله اللي يبيعون حريم بس بعض الدول والله مستغربه منهم شلووون ياخذون و يعطون معه الرياييل فهالامووور والله عمري لا اشتري الحيااا ثم الحياااا
يعطيج العافيييييييييييه
اذا تبونه يختار لكم طلبو من النت قمصان نوم وخلي ريلج يختارلج بس هاااا لايشوف صور الحريم انتي غطي بإيدج الاجزاء المكشوفه من الجسم وخليه يختارلج
واذا سافرتو برا عادي خل يدش معاج وينقي "دول اجنبيه"
و يدش و يحشر نفسه مع الحريم !! صج الحيا رااااااااااح ..
وعلى سالفة الحريم اللي يقيسون الملابس الداخلية ويييع شالوصاخة @@ استغفر الله ..
و اللي ياخذون ويعطون مع البايع في هالأمور نو كومنت صراحة قمة الهلاقة و المصخرة !
بس و الله حرام كان الريال محترم ,, اول ماشافني دخلت طلع و وقف عند الباب و لما خلصت دش و رد قام يشتري
انزين انتوا تقولون ان عيب الريال يدش مع زوجته
عيل ليش ماتقولون عيب ,, لما تدشين محل و بيع فيه ريال ,, ولا البياع مو ريال ,,,
بعدين انا اعذر المصريين , لأن حرام ماعندهم بمصر نفس اللي عندنا و اللي عندهم مستورد غالي ,,, فالريال خاطره يشتري حق زوجته ,,
انتي اذا دخلتي و شفتي ريال حطي عينج بالارض و لا لج شغل فيه ,,,
أنا استغرب من الحريم اللي يقول الريال يخزنا
شلون عرفتي انه يخزج إلا اذا كنتي قام تخزينه ,, لو كنتي تشوفين هه ثانية جان ماعرفتي ان يخزج او لا ,,,,
الله يهدي الكل
انا عن نفسي وايد وايد تزعجني هالمناظر وما احبها ومثل ما تسوين اسوي اطلع من المحلات بكبرها عشان فيها رياييل
و اسفة ما اقدر ارد على الكل لان المنتدى حيل بطيئ و يبط الجبد
|
المشاركة الأصلية كتبت بواسطة أم ورود الحلوه
 انا مره شفت واحد بمحل قمصان النوم يشتري قميص حق زوجته ,, الظاهر هديه ,,
بس و الله حرام كان الريال محترم ,, اول ماشافني دخلت طلع و وقف عند الباب و لما خلصت دش و رد قام يشتري انزين انتوا تقولون ان عيب الريال يدش مع زوجته عيل ليش ماتقولون عيب ,, لما تدشين محل و بيع فيه ريال ,, ولا البياع مو ريال ,,, بعدين انا اعذر المصريين , لأن حرام ماعندهم بمصر نفس اللي عندنا و اللي عندهم مستورد غالي ,,, فالريال خاطره يشتري حق زوجته ,, انتي اذا دخلتي و شفتي ريال حطي عينج بالارض و لا لج شغل فيه ,,, أنا استغرب من الحريم اللي يقول الريال يخزنا شلون عرفتي انه يخزج إلا اذا كنتي قام تخزينه ,, لو كنتي تشوفين هه ثانية جان ماعرفتي ان يخزج او لا ,,,, الله يهدي الكل |
برايي مو عيب الزوج يختار لزوجته الملابس
بس عيب عندي يدخل مع زوجته و في حريم داخل المحل
الحريم ما راح ياخذون راحتهم بسبب خجلهم و حيائهم
و ماشالله في رياييل محترمين ما يرضون يدخلون هالمحلات
الا اذا كانت خالية
انا بنفسي شفت ريال زف حرمته علشان قالت له تعال اختار لي
وعن نفسي و لا مرة دخلت محل قمصان نوم يبيع فيه ريال
وتدرين اشلون عرفت ان الريال يخزني
لان اختي قالت لي انه يخزني
و كلما اتجهه لمكان القى اتجاه راسه معانا
و هذا دليل انه يخزنا
اما عن المصريين فما تكلمت عنهم لانهم حاله خاصة
و انا اعذرهم ساعات لانهم في غربة و حابين يشترون شي حق ازواجههم بالاضافة الى عاداتهم و تقاليدهم اللي تختلف عنا
و يعطيج العافية على مشاركتج
اشوف عادي الريال يدش بس المحل يكون فاضي
بس هم عذرو الريال اذا كان يبي يشتري شي حق مرته هدية او اي شي
وموضوعج حلو واتفق معاج بس الا علي شغله الريال أشوفها عادي يدش اذا كان المحل فاضي
واذا كان الريال ما يستحي ويخوزز عطيه ظهرج جنج ما تشوفينه
ومرات الريال يكون يطالع المحل ويفر راسه يمين ويسار وعبالكم يطالعكم
واحتج طايحتله خز بالريال لوووووووووووول يمكن كان يطالع واهيا فهمته غلط xD
وبعضهم تلاقيهم وحقين بكلامهم ولا بنظراتهم … يعني من يوم الوحده ماتدخل تلاقيه يطالعها من فوق لتحت ..
انا اذا نزلت مع زوجي السوق اخليه يدخل معايا هالمحلات
واحيان اذا شفت المحل كلهم بنات اقوله يستنى برا الا ما اخلص.
والله انا استحيت قطع!
بعد الوحده لما تلبس حق ريلها مره و مرتين و 3 بتعرف ذوقه و شنو النوعيه اللي يحبها و الالوان و مافي داعي يدخل و المحل كله حريم
ومين قال انو مافي محلات يبيعون فيه حريم
انا بنفسي اروح لها محلات حريم ومسكرة بعد يعيني تكشفين وجهك اذا بغيتي
اما بالنسبة للي يدخل معها زوجها انا اشوف انه عااادي ومن حقهم يختارون سوا حتى لو كان فيه حريم ثانيات كل ناس بحالهم
الا اذا صار المحل زحمممممة كذا مافي داعي يدخل