|
|
السلام عليكم .. بنات عندي استفسار عن موضوع وايد شاغلني ..
وهو اني كنت اسولف مع رفيجتي اللي توها متزوجه عن مصاريف الزواج وشلون يكون توزيع المصروف بين الريال ومرته
جان تقولي انها تتشارك مع زوجها في دفع ايجار الشقه ..صراحه انا استغربت
يعني اللي اعرفه ان الزوجه عادة تشارك بالماجله مثلا .. لكن بالايجار .. ما دري اول مره اسمع
عشان جذيه ياريت البنات المتزوجات يفيدوني .. يعني في بالكويت الحين الزوجه تدفع جزء من الايجار والا لا
يعني الوضع عادي والا ما فيه جذيه …
وشكرا ………
يمكن متفقين و صج حالته الماديه تحتاج مساعده و هي معاشها راهي
الله يهنيهم
الدوله تعطي الرجال فلوس البدال الاجار مو الزوجه بعدين اهي مو مجبوره بس اكيد من نفسهاا والا في سبب
الل خلاهاا تدفع والزواج تعاون ليش ماسالتيهاا شنو السبب اللي يخليج تدفعين البدال الاجار
والوضع عادي اذا انهم متفاهمين او انه ملزم في شغلات او عليه ديون فا حبت تساعد رجلهاا
بس اللي مفروض يدفع الزوج
الريال اهوا الملزوم بكل شي و هذا الدين يقول جذي
و اللي تبي تحط في بيتها تعتبر لها صدقة
بس تهقووون ليش الاقبال علي المدرسه أكثر .. اكيد عشان معاشها وايد وبالتالي راح تساعد في مصاريف أكثر من الاعتياديه
|
المشاركة الأصلية كتبت بواسطة super_star
 الزوجة مو ملزومة تدفع دينار من قلوسها
الريال اهوا الملزوم بكل شي و هذا الدين يقول جذي و اللي تبي تحط في بيتها تعتبر لها صدقة |
صح كلامج واتفق معاج
بعدين نفسيا لما الزوجة تشاركه حتى بالايجار بتصير راس براس وموحلوة تصير حياة المرة مع زوجها راس براس
|
المشاركة الأصلية كتبت بواسطة super_star
الزوجة مو ملزومة تدفع دينار من قلوسها
الريال اهوا الملزوم بكل شي و هذا الدين يقول جذي و اللي تبي تحط في بيتها تعتبر لها صدقة |
أكيد الريال ملزوم بكل شي هذا شي معروف .. بس قصدي في بالكويت مثل هالحالات
اعرف وحده تصرف على بيتها وعيالها من معاشها وريلها شااااااااايل ايده
وانا اشوف انه جيب المره والريال واحد اذا كان عنده اهو ملزوم واذا متنتف من كل صوب اقساط وديون اساعد ,,
فالافضل من البداية هو يتحمل المسئولية
والحكومه ما تقصر تساعد ب 150 لبدل الايجار
و50لكل طفل
وحتى حق الزواج يعطونه
يعني يتزوج بس بمجهوده
يعني من ردودكم اتضح انه هالشي موجود بالكويت ان المره تشارك بالايجار .. واعتقد النسبه مو هينه