() تسلم عليكم وتبلغكم بقدوم مولودها الجديد

ممكن بعضكم يعرف سالفتي من دخلت شهري التاسع وآنا البيبي معترض ومو راضي ينزل ليما تميت لي آخر موعد 31/3
وأنا طول هالمدة لاطلق ولا ألم ولاشي
رحت حق د.بهواني قالولي ممكن تفر البيبي وشافتني وحاولت تفره بس قالتلي لا يمكن لان البيبي كبر وضايق عليه المكان فما أقدر أفره ولو يايتني عالأقل قبل اسبوع ممكن أحاول فلا يمكن تولدينه طبيعي لازم قيصرية
عالعموم كانت دكتورتي مهيأتني عالعملية من دخلت التاسع قايلتلي إذا ما لف عملية.
المهم قتلها اوكي متى أقدر أسويها؟ قالتلي سوي تخطيط عشان نشوف نبضه قتلها الحمدلله أحسه يتحرك بسويها ياجر قالتلي خلاص بعد ليش أنطر شهري وتميته
المهم كلمت دكتورتي واتفقت معاها اني باجر بسوي العملية
ورحت البيت جهزت عمري ونظفت بيتي ووديت ولدي عند أمي ينام عندها عشان بروح الصبح
بس بصراحة كان حايشني شعور غريب اني باجر بروح أولد
الحمدلله سهالة من الله رحت المستشفى عالساعة 11ونص نزلت العمليات الساعة 2وربع تقريبا ولدته الساعة 3إلا ثلث طبعا بنج كامل لأني مابي أحس بأي شي ماحسيت إلا وأنا بالإفاقة الساعة تقريا 4إلا ربع
الحمدلله على هاليوم اللي شفت فيه وليدي بصحة وعافية