تسلط أزواج الموظفات

السلام عليكم يا حلوين …….
بعض الأزواج يتسلطون على حريمهم في بعض الأشياء ودي أطرح عليكم بعض التسلطات أبي رايكم الشخصي مع وضع الحلول منها …..

( 1 ) ما يصرف عليها بحجة أنها موظفة و لها معاش والوقت اللي تقضيه في الوظيفه من حقه وحق عياله …….

( 2 ) بعد الولاده يضغط عليها علشان تأخذ إجازة أمومه أو إجازه بدون مرتب …………

( 3 )رفض أي إمتيازات وظيفيه ( ترقي ، دوره ، حضور مؤتمر ………..ز

مع قبول فائق تحياتي وترقبوا تسلطات أخرى …….

بالنسبة لرقم 1 ،3 للأسف أشوفها منتشرة عند بعض الريايل للأسف
لكن المرأة لازم تثبت نفسها وتسوي اللي براسها!!!

بالنسبة للنقطة الاولى منتشرة صح لكن لها مبرراتها يعني شبتسوي عيل اهي بمعاشها بتيمعة ليما تموت ؟ تشتري ملابسها اي شي يخصها
اما بالنسبة للنقطة الثانية ماله حق يمكن اهي محتاجة هالمعاش حق شغلات تخصها لكن اذا ما بغى لازم يصرف عليها بهالاجازة بدون راتب على المستوى الي اهي تبيه لان هو الي جابرها اما اذا اهي الي تبي لا تحاول تكييف نفسها على امكانياتة
اما النقطة الثالثة صح موجود مع ان الفروض ماله شغل بهالشي وهذا مستقبلها وترسمة على كيفها

وبالاخير الشكوى لله

السلام علبكم يا أخت ورد وردي برد على رايج في النقطه الأولى صحيح إهي شتبتسوي بالمعاش لكن الزوجه تحب أن ريلها يصرف عليها معاشها يكون حق الشغلات الكماليه لكن اللي أنا أقصده بالنقطه أنه مايصرف عليها وعلى البيت بحجة أنه عندها معاش وما خذه من وقت بيتها وأعيالها بخروجها للوظيفه

الله يكون بعون هاازوجات اللي عندها وظيفة و معاش يبيها تصرف على البيت وهم مو عاجبه ويقول هل من مزيد والمسكينة اللي ما تشتغل يعايرها كل يوم ويقول لو ماخذلي موظفة عندها معاش كان حالي موهالحال لا ويا ويها يبي بعد مدرسة واللي تشتغل ومعاشها ضعيف هم يعايرها ويبيها تصرف معاشها على البيت والعيال لا وعليه وهيا اذا شرت شي حق عمرها قال لها يالمبذرة
لا عاد حدث ولا حرج اذا دورة خارجية يطلع لها اسباب واسباب عشان ترفضها ليمة يخلي مسؤلينه ما يرشحونها مرة ثانية رياييل العازة

الله يعين الحريم كل شيء عليهم اصلا من واجه انه يصرف عليها وهي موظفه بس فعلا بعضهم مايستحون ياخذون من حريمهم المصرف