تســـــــــرب جميــــع امتحانـات الثانويه العامه <<<<<لحقوا

شفتي المصخرة الي صارت العام على امتحان الاحصاء نص الكويت كان واصل لهم لووول
وانا وحدة منهم
اممم هالسنة متكتمين ع الموضوع مو نفس العام انا وحدة من الناس وصلني العربي الورقة الثانية *
و انجليزي الورقة الثآنية *
و جم سؤال من الجغرآفيآ
والحمدلله ماني نحيسة من ادري على طول اقول للي حواليني ،،
و انشآلله يسربون الفرنسي والاحصاء يفكونا من هالـ هم

انتوا اي مدرسه

والله قهر امانه مو قهر ؟؟؟

حراااااااااااااااااااااااااااااااااااااااااام الي قاعد يسير

انا بالفروانية بس الامتحانات قاعدة تتسرب من الوزارة نفسها من المطبعة السرية مو من المدرسة
المدارس مالهم شغل ،،

اي مو المشكله ان التسرب من الوزاره ….

يحسرتنا

وانتي الصاااجه انا اسمع بس بحياااتي ماطاحت بأيدي الامتحانات بس اسمع انها متسربه

وهذا ظلم الصراحه

اي شي الامتحانات متسربة ؟؟ من صجكم ؟؟ جان عطيتوني اياهم لوووول
بس صراحة من صج قهر ليش جذي

انا اشك بموضوع الامتحانات المسربة لان كليوم والثاني تييي جم بنت واتقول هالسؤال وهالسؤال بييي وبالنهاية انطل بورقة الامتحان ولا ماكو ولا سؤال من الي قالته بس يبون يشوشرون على الطالبة وحتى لو ان بعض الطلبة يسربون الامتحان بدعيلهم بكل صلاة ان ان شالله يطيحون بشر اعمالهم وياخذون بالامتحان صفرررر لاني انا الي ادرس واشد حيلي واقعد من الفير وريجي ينشف من الحفظ اتساوى او اخذ اقل من الي متكيسلة وماتدرس وياددوبها حفظت ورقت الامتحان
الله مايرضى
وبعدين وين ضميركم ؟
باجر لا اشتغلتوا افلوسكم تصير كلها حرام بـ حرام كل هذا عشان جم درجة وجم معلومة تكيسلتوا انكم تحفظونها

يمه يادلبي مو حرام عليهم يظلمون ناس و ناس …؟؟؟

انا وصلنى التسريب والله أخذه .. لان السالفه بكبرهااا خربانه خربانه

والبنات اللى يقولونلج عندهم التسريب هذولا ماعندهم ماعند جدتى الله يعينج عليهن

يممه يا دلبي ؟

احنآ شـ ذنبنا مو احنا الي مسربينه :
احنآ مجرد وصل لنا المسرب :
في أحد اتيـيـه النعمة ويرفسهآ؟
بذمتج لو يوصلج الامتحان تردينه ؟؟؟؟؟؟؟؟؟؟ لا تقولين اي لان لو بتحلفين من هني لي باجر محد راح يصدقج :

من وين اييلج فيدينا حق السنه اليايه لووووووووووووووووووووووووووووووول

اختي الله يهداج شهالكلام

شنو محد راح يصدقج

انا لو بقولج شي انتي ماراح تصدقيني

انتي يوم قلتي وصلج الامتحان المسرب انا ماصدقتج

قلت مو معقولة ناس ماعدنها ضمير تسرب الامتحان وناس ثانية ايمانها ضغيف تقبل بالمسرب

اذا البنت عارفة ان فلوسها عقب بتصير حراام شلون ترضى توكل عيالها مال حرام

لاتقولين قوية وشدعوة انا ماسربته انا بس شفته وجذي

ترى المسمى واحد وهو الغش

وقال عليه الصلاة والسلام من غشنا فليس منا

مهآوشجية والله انا ما ادوره اهمة يوصلونه لي

بدلية ،،
والله عاد هم الله مايرضا بالظلم و الظلم ظلمات يوم القيامة و الي يسوونه فينا وزارة التربية مو ظلم ؟؟؟
مناهج صعبة و فاشلة ونظام اثبت فشله وليلحين قاعدين يمشونه علينا والضايع الوحيد اهو احنا و نسبنا و مستقبلنا !!
مو ذنبنآ إن ابتلينا بـ وزارة تتخذ قراراتها بهالغباااااء
و مو ذنبي انهم مو عارفين يمسكون ربعهم وكل يوم امتحان متسرب ،،

لا
وستين ألف لا
وعاد صدقوني ما صدقوني مو مهم
المهم الي انا قاعدة اسويه
وشوفي انا بامتحان الانقليزي ياتلنا وحدة وقالت ان الامتحان مسرب وهذي قطعة الترجمة الي بتييي واكتبتها وانا قلبي مادعاني اني اطل فيها لأني ولله الحمد ليلحين ضميري صاحي ما مات