تستاهلون اللي تسويه فيكم المديرة

تدور القصة حول مديرة مدرسة عزباء غابت عن المدرسة يومين
ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت.

قالن مبروك يامديرة ولكن منهو زوجك ؟.

قالت لهن بصراحة زوجي هو زوج إحداكن.

المدرسات تكفين علميننا أي وحدة منا ؟

قالت المديرة والله ما أعلمكن .

المهم لزمن عليها فقالت لهن أنا منيب متكلمة اللي تبي تعرف هل هو زوجها وإلا لا
تجيب بكرا معها خمسمية ريال وإذا جت توقع تحط الخمسمية على الطاوله
واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها
عيب علي اتزوج زوجها وآخذ بعد منها خمسمية ريال .

وافقن المدرسات على الطريقة.

ويوم جاء بكرا وكل وحدة مزهبه معها الدراهم.

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة ال 11 وبدت المديره تأفف المهم حطت الدراهم على الطاولة وقالت لها
تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية
قالت المديرة أووووووووووووه معليش أثرك أنتي جواهر والله اني آسفه غلطت
يوم تنفست المدرسة وقالت الحمد لله يعني بتاخذين الفلوس المهم اخذتها المديرة .

ودخلن بقية المدرسات حتى ال 23 والمديرة تلعب باعصاب كل وحده
وفي النهاية تاخذ الخمسمية .

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه
قالت والله اني تعبانه وماني جايه
قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات
( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالن المدرسات لازم تجين تكفين .

المهم جت تسحب رجليها بالقوة ويوم جت تدخل المدرسات كل وحده مبسوطة أنها ماهي هي
وبدن يسمن على المدرسة ال 24 عشان ما تنصدم .

دخلت المدرسة الأخيرة غرفة المديرة وحطن باقي المدرسات ايديهن على قلوبهن
وحطت المدرسة الخمسمية على الطاولة وضفتها المديرة .

يوم طلعت لقنها عايدية وماصار شي وفلوسها أخذتها المديرة .

قالن يابنات فيه وحده منكن ماخذت المديرة دراهمها ؟

قالن لا والله كلنا اخذت دراهمنا .

ودخلن المدرسات على المديرة وقالن اخذتي الفلوس من كل المدرسات
تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع
وأنا والله لا تزوجت ولا شي لين الحين عزوبية ووالله كنت مريضة هاليومين .
ولكني اطلبكن قبل شهر تدفعن على مية ريال نصلح المصلى ولا وحدة منكن دفعت
قلت والله لأدفعكن 500 ريال نصلح المصلى ونشتري مصاحف وقف للمسجد .

قالن المدرسات بالعافيه فداك الدراهم ولو تبين زود عطيناك
هو صدق بس رجالنا ماتزوجوا علينا.

ما يستفاد من القصة هي:

1- أن المرأة تدفع فلوس الدنيا كلها ولا يتزوج زوجها عليها
2- المدير الناجح هو من يفكر في عمل مفيد اجتماعياً ويستطيع فرضه بإقناع
3- عمل الخير موجود في النفس المسلمة ولكن يحتاج إلى إيقاظ في بعض الأوقات
4- من واجبات مدراء ومديرات المدارس والمدرسين الاهتمام بالمصليات
منقوول

شدعوة ما فيه عمل خير الا لما اتخرع على ريلي واي لو اني منهم لاذبحها خليني اقوووول هديني عليها ثارت اعصابي وانا ماني منهن اقووول هدوووووووووني عليها هدووووووووووووووووووني انا اوريها))))))<<<<<<<<<<<الحمدلله والشكر مدري شفيني من اسمع طاري المرة الثانية انهبل مرة تخيلت زوجي يتزوج على جان اقعد وابجي واصيح صج ماني صاحية >>>>>>>>>>>>>>>>>>>>>>>>>>>>>>>>>>>>>

لووووول طلعت مو هينة هالمديرة

لوووووول لعبت بأعصابهم لعب

يستاهلن ما عملته فيهن المديرة

هههههههههههههههههههههههه شنو هالناطرة القشرة

بس اتوقع حرام لان راح ينبني المصلى من فلووس خداااع

ومحد فيهم نوى انه تكون الفصول للمصلى !!

وشكرا عالقصة

يهب يا وجهها

ههههههههههههههههههههههههههه

ناقصها فلوس هي عشان تاخذ من معاااشاتهن

لو اني من المدرسات والله اعطيها وجع ماتشوف مني ولا فلس

انا اشهد

هلا فيج اختي شكلج تفاعلتي مع القصة
ذكرتيني بوحدة تحلمت زوجها متزوج عليها قعدت من النوم وقعدته تخانقه !! صج الحريم ناقصات عقل هههههه

اسعدني مرورج والله لايوريج المره الثانيه انشالله

هلا فيج اي والله موهينه ذكيه

اسعدني مرورج

هلا فيج

هي لعبت لعبت لقت نقطة ضعف الحريم هههههه

حياج الله

اي والله يستاهلن مايطلع منهن الفلس الا بطلعة الروح هههههههه

حياج الله

هلا فيج

لاشدعوه آخر شي رضوا وعطوها الفلوس

حياج الله

هلا فيج

ههههههههههههههه الحريم يوم صارت الدعوة زواج قطن ويوم الدعوة تبرع للخير بخلن بالعكس خليها تطلع الفلس من عينهن هههههههههههههههه

نورتيني

حياااااج الله ونورتيني