|
|
بناات انا هذا موضوعي ..
https://www.q8yat.net/showthread.php?t=688857
بناات زووجي مو طبيعي ..
شنو يحظج بزوجج بنات انا بنت بدوو
والرجال عندنا هيبه ..
والمره لي شافت الرجال تغطس وجها بالارض ..
انا خواتي 11 بنت
ولا مره سمعت وحده من خواتي تشتكي من رجلها
تدرون ليش ..؟؟ لان احنا عندنا بعايلتنا البنت غلط والرجال صح مهما كانت الاسباب
عندنا بعايلتنا المره مالها الارجلها وبيتها
لان محد راح يشيلها لا بو ولا اخو
وانا اخذت ملك العايله يعني الكل بالكل
بناات انا اليوم نزلت تحت ..
جآن يدق على البيت اخته ردت على التلفون الا زوجي
قال انتي تحت قلت اي
قال اخذي التلفون ابي اكلمج
قلت انا صاعدتك
ويوم جيته الا يبجي يقول ليش خليتيني
بناات زوجي جسمه رزه هيبه ..
تخيلو يبجي
أخته يوم ردت عليه بتلفون تخسبكت وجهها صار احمر
قالوو كلهم يوو تكلم فلاان .. الله يستر ليش داق
ويوم صعدت بنات عمي يطالعوني كنت كاسره خاطرهم تقولي خالتي ماعلي
يمج لي هاوشج هذا زوجج …وما يدرون الخافي اعظم
بناات يوم دخلت طاح جبل على رجلي يحبها ..
لاتقولون يحبج .. شنو هلحب الي يخلي رجال جذي
كلمته قلتله فلان ترى هذي مو حاله حتى اذا رضعت بنت يبجي
مايبيني ارضعها من صدري يغار .. استغفرالله ياربي
شنو انتوو تقوولون يحظج
واذا عن افلام ومكالمات انا متأكده مليوون بالميه انه ما عنده هسوالف ..
بناات وصلت مرحلة يحط النعل على جسمه .. وهو كما ولدته امه
يقوول انا مثل نعل الحمام وانتو بكرامه عندج ..
شنو يحظج … زوجي مو مريض
زوجي تربيته غلط زوجي من صغره واهم يقولون هذا رجال البيت
زوجي اذا كلم امه جبروت ..خواته يخافون منه
لا واذا احد من العايله يبي يملج من اعيال عمامي ..
لازم اهو يخلونه شاهد .. ومايدرون اهو شنو
كلمته اليوم يوم شفته اول مره اشوف بهلمنظر
ما كتبت موضوعي الا صاكه فيني الدنيا
رجال حط نعل حمام وانتو بكرامه بجسمه بين ارجوله
قلت تعوذ من الشيطان لا يلعب براسك ابليس
انت رجال وهذي قذاره
وحنا مسلمين مانا يهود .. فلان
لاتوصل فيك لهل المرحله ..
لاني انا احبك بشخصيتك
طآح على رجولي واهو يبجي وقال انا
زوجج حبيبج لاتهاوشيني امانه تكفين .. الله يخليج
ويترجا فيني
نقدت عليه وعرفت ان حالته ميؤس منها
لبست وقلتله امش خلنا ننزل قال لا مابي قلت غصبن عليك فاهم
ونزل .. سبحان الله
نزل جبروت .. وقال حق امه اذا تبون شي دقوا علي
قلت افلان عبالي زعل ..
قال خير في شي .. قلت اي تعال ابيك
قال خير امه تغمزلي عشان ما يهاوشني قال عندج شي تكلمي قلت لا خلاص
وهو يكلمني معطيني اظهره
صعدت غرفتي وجاني ونفس السالفه تنعاد
والله تعبت حيييل يابنات ..
لاتقووولون وديه طبيب نفسي
لانه شي مستحيل مستحيل لاتقولين كلمي طبيب نفسي
لان انا تلفوني النقال اهو يجيك عليه بين فتره وفتره
وتلفوني اي رقم ادقه مستحيل يمسح لان تلفوني (( ا ي نو )) اذا تعرفونه
وبيت عمي ما اقدر لان كلهم عندي .. وبيت اهلي في الف تلفون مشترك ومايخلوني خواتي بروحي
دايمن عندي .. وانا لو شنو مقدر اقول لا لخواتي ولا لامي ولا رفيجاتي ..
جيتكم انتوو بعد الله
لاتقولون احمدي ربج الرجال زين ..
الحمدلله الف مره بس الرجال تعبني معا هانا ماتربيت بيت اشوف جذي الرجال
وانطر ردودكم …
أختكم بالله .. والله العظيم اني متضايقه حيييل يابنات حيييييييييييييييل
ترى كل الرياييل خدام الاهل غير ومع حريمهم غير
وريلج حالتة نفسية قريت عنها مرة جنة او سامعتها مادري من منو اللي اهي يحب المرة تكون تعذبة
ان شاء الله المتزوجات يفيدونج
بس اختي دام انة ما يطقج ولا يجبرج حلى شي ماتحبينة حمدي ربج
في رياييل يطقون حريمهم ويشربون و و و
تحمدي ربج على كل حال
شوفي عندي فكرة يمكن تنجح صوريه بكاميرا ووريه شكله … مادري شنو بتكون ردة فعله أنتي أدرى إذا الفكرة زينة أو لا … وقولي له يغير طبعه مع أهله … هو مسكين من كثر مو حاسبين له مليون حساب يبي يعيش دور الإنسان الضعيف …هو حلو أن الريال يخدم مرته ويساعدها بس مو لي درجة أنه يحط نعل ويذل رووووحه …
وازيدج
انتي حاطه ابالج لما تزوجتي انج راح تتزوجين جبروت مو رجال طبيعي
ولما تزوجتي وشفتيه بهالشخصيه انصدمتي حييل
لان كان ضد الشخصيه المعروف فيها بالظبط
لااازم اول شي تقتنعين ان ريلج شخصيته يبيلها وقت عشان تتظبط
واوقات ما تتظبط بعد
ولازم لاااازم تقرين بالانترنت والكتب عن طرق التعامل مع هالشخصيه وتثقفين نفسج من هالناحيه وهذا شي ظروري وايد
حبيبتي اذا شفتيه يبجي ويطيح على رجولج
انتي لا تزفينه ولا تنهرينه كلش
قعدي معاه بالارض لميه حسسيه بالحنان
اقري عليه
لان الزف والصراخ يقوي هالشي عنده
جنج حاطه هوا على النار
انتي بيدج تغيرينه بس صبري عليه
لا تستجيبين حق كل اللي يبي
خليج طبيعيه لا تهملينه ولا تعطينه اللي يبي
عطيه فكره انج مستحيل تسوين اللي يبي
كتبيله رسايل باللي بقلبج
قوليله انا احبك فلان الهيييبه
فلان اللي لا دش البيت احس برجولته وقوته
ابيك انته ملك
والله مع الوقت بيطخ وبيتعدل باذن الله
وماله داعي تقولين لاحد عشان لاحد يكبر الموضوع
واي شي تبين انا حاظره
اول شي الله يعينج ويصبرج
ثاني شي هاذي مشكله نفسيه
اقترحي عليه يروح طبيب نفسي
وانتي معاه فهميه انتي شنو تبين
قوليله ما عليه تبي تخدمنا مو مشكله
بس خلني احس بهيبتك وشخصيتك
او سوي مثل ما قالت وحده من الخوات
اقري عن شخصيته كتب في علم النفس
وحاولي تغيرينه شوي شوي لحد ما
يستعدل وارد واقول الله يعينج
الله يشفيه ان شاء الله
هذا مرض نفسي
بس بشنو تبين البنات يساعدونج ..
مافي الا طبيب نفسي ..
او انج تكلمينه ..
واذا قال خروف ..
قوولي مايجوز تشبه نفسك بالحيوانات اعزكم الله ..
واذا عن الغتره .. كلميه وقولي انا متزوجه رجال موو
وانت انسان ..
او انتي كل يوم كلميه حتى لو يبجي انتي ابجي على حالته ..
قولي لا يجون اعيالنا ويشوفونك جذي .. ترضا يشوفون ابوهم جذي
والله يهديه يارب العالمين .. ويعينج على ما بلاج
|
المشاركة الأصلية كتبت بواسطة تدلل حبيبي
 حبيبتي انا رديت عليج بموضوعج هذاك يا ريت تقرينه واتوقع كان جوابي شافي وافي
وازيدج انتي حاطه ابالج لما تزوجتي انج راح تتزوجين جبروت مو رجال طبيعي لااازم اول شي تقتنعين ان ريلج شخصيته يبيلها وقت عشان تتظبط ولازم لاااازم تقرين بالانترنت والكتب عن طرق التعامل مع هالشخصيه وتثقفين نفسج من هالناحيه وهذا شي ظروري وايد حبيبتي اذا شفتيه يبجي ويطيح على رجولج لان الزف والصراخ يقوي هالشي عنده انتي بيدج تغيرينه بس صبري عليه خليج طبيعيه لا تهملينه ولا تعطينه اللي يبي كتبيله رسايل باللي بقلبج قوليله انا احبك فلان الهيييبه والله مع الوقت بيطخ وبيتعدل باذن الله وماله داعي تقولين لاحد عشان لاحد يكبر الموضوع |
نفس الراي
الحل تكلمي معاه بلحظات الحنان بينكم قولي له خفف من الجد جدام الناس بشكل مايفقدك احترامك شوف فلان وفلان وذكريله شخصيات لهم احترامهم وهيبتهم بس يتصرفون طبيعي ويتغشمرون لاتخاف انك تكون ضعيف او مرح جدام الناس هذا شي طيعي وبالعكس يقربك اكثر من الناس
ولله يشافيه لج ان شاء الله