|
|
.gif "Eh S(9)")
بنات شكثر قاعدة اقرى مواضيع من بداية دخولي المنتدى
انا حطيت المكياج الفلاني لزوجي بالصالون الفلاني
وسويت تسريحة ومهتمة بروحي ونظافتي
انا سويت لزوجي الليلة القصديرية
واللي سوت الليلة الصاروخية
واللي سوت الليلة الجهنمية
واللي سوت الليلة المريخية
لوووووووووووول
واللي سوت الأكله اللي يحبها زوجها
واللي احجزت له بالفندق الفلاني
واللي اعزمته على المطعم العلاني
واللي
واللي
واللي
واللي
ويا كثر ما سووا البنات
وبعد فترة
نفس اللي سوا كل هذا
تكتب زوجي يخوني
طبعا مو الكل اكيد
وتلقون الريال خاين زوجته مع وحده احتمال تكون اقل بالجمال بس مهتمة ابأشباع رغباته عارفة تتفاهم معاه وحده دارسة شخصيته عدل وعارفة شلون تجذبه
واهي لا سوت الليلة البدوية
ولا حتى الليلة الحضرية
ولا الليلة الجوية ولا البحرية ولا البرية
للأسف كثير يعتمدون في جذب ازواجهم على ما ذكرت فوق وعلى التكلف بالتجهيزات شموع وزري وتسريحه ولوية
بعدين تقول انا ما قصرت معاه بشي ؟؟؟؟
البس له واتمكيج له واقعد مع اهله واجابل عياله واسهر ليما يدش البيت وما انام الا اذا شفته نايم
انزين
انتي فهمتي شخصيته ؟؟؟؟؟؟
عرفتي مفتاحه ؟؟؟؟؟؟؟
عرفتي من وين تمسكينه ؟؟؟؟؟؟؟؟
وشلون تجذبينه ؟؟؟؟؟؟؟
عرفتي بشنو يفكر وشنو اللي يبيه منج ؟؟
عرفتي تدخلين داخل نفسه وتفكيره ؟؟؟
ولا حركاتج مجرد ضربات حظ لما تضبط معاه وحده بالصدفة ؟؟؟؟؟ المشكلة اذا اضبطت حركة من حركاتج تضلين تعيدين وتزيدين فيها ليما تطق جبده
عرفتي تتعاملين معاه ببساطة بدون تكلف ؟؟ بدون لوية المكياج والرموش التركيب والزري اللي على الجسم اللي على ما تخلصون شغلكم الا الزري لازق ابويه وينفضح فضيحه العالمين جدام العالم اذا ضل لازق فيه لووووووول
ما ادري ليش
احس ان وايد يعتمدون على هالسوالف عشان يضل زوجها متمسك فيها
على الجنس
واستعدادات الجنس
واغراضه ولبسه
واكل الزوج …….. الخ
وايد احيانا لما اشوف الصور للبعض او التجهيزات اشوف في وايد تكلف ان الريال اهم ما عنده طريقة ممارسة الجنس وطريقة تعامل زوجته معاه في هذي اللحظات اهم واااااااااااااااااااااايد من شمعة ولا ورد منثور
للأسف احيانا تكون الزوجة حتى مو عارفة شخصيته مو قادرة تفهمه
واحيانا تتعامل معاه بتكلف لانها خايفة لا تكون البساطة تعكس عدم اهتمام فيه
بنظركم
منو السبب بهذا كله ؟؟؟
هل الزوج ما يعطي زوجته الفرصة انها تحتويه ؟؟ انها تفهمه ؟؟ وانه خايف لا تفهمه وتمسك عليه نقاط الضعف ؟؟
هل العادات خلت الزوج يكون احيانا بهذا الغموض بحيث ان زوجته تحتاج سنوات من التعامل معاه عشان تفهمه ؟؟؟
ولا العيب في الزوجات ؟؟
اللي دايما في بالهم انه زوجها بيحبها اذا بس ريحته بالجنس ووفرت له اكله وشربه وملابسه نظيفه وبيته مريح …… الخ من شغل البيت ؟؟ متجاهله اهميه انها تدخل في شخصيته وتكون توأم روحه فكر واحد وشخصية متقاربة ؟؟
ولا العيب في اهلنا ؟؟؟
اللي ما علمونا بالضبط كيفية التعامل مع الأزواج وطرق فهم الزوج ؟؟ ونشوف وايد بنات يكتبون مشاكلهم خايفين من اول ليله او عندهم مشاكل مو قادرين يصارحون فيها اهلهم لصعوبة النقاش مع الأهل بالقضايا الزوجية ؟؟؟؟
سوري بنات
اتمنى منكم انكم تفهمون الموضوع
للأسف في بالي اكثر من شغلة ووايد كتبت ومسحت
تعرفون اللي في بالي كلام مو عارفة اترجمه بالكتابة ؟؟؟؟؟؟؟؟؟؟؟
فأتمنى ان الموضوع يكون مفهموم مثل ما كنت اتمنى
وانا معاج اذا الوحده بس اهتمت انها تلبس وتبتسم وتتزين عمرها ماراح
تقرب من زوجها….لازم يكون بينهم لغة حوار وتفاهم وأخذ وعطى
عشان يقدرون يتعايشون مع بعض
والله يوفق كل مؤمن ومؤمنة
بصراحه انا لا اختب ولا اسوي ليالي بدويه او فرنسيه لووول عندي ايمان كبير ان الريال لي حب مرته حبها لنفسها وشخصيتها مو حق لياليها وقمصانها … هذا طبعا ما يمنع اني البس واتسنع واكشخ وكل شي اوكي بس ما اسوي هالشي وانا ابالي ان بسوي جذي عشان مايشوف غيري لا والله اللي يحبج بيحبج وهم يختلف الموضوع من ريال لي ريال
مشكوووره مييييي على هالموضوع الحلو وياحلوج وياحلو مواضيعج :*
بصراحة الريال شنو يبي من المرة غير لقمته وفراشه وملابس نظيفة ومكوية ، وإذا ما وفرت له زوجته
هالأشياء يحق له يروح يدور على واحدة ثانية ، أما إذا كانت موفرة له كل شي بصراحة يطلع أهو اللي
عيونه زايغة وميت عالحريم ، وانا أعرف وايد شباب بهالمستوى !!!!!!!!!
أما الليلة الحمرا والخضرا والصفرا ماراح يهمونه طالما أهو ما يحب هالسوالف ، والله لو ياخذ نومته بالقمر
ماراح يهمه لأنه يبي الحريم (هارون الرشيد ) ………
المنتدى كان معلق سوري ميي
كلامج ان احنا لازم نفهم شخصية ازواجنا ونعرف مفاتيحها وشلون ندخل منها هذا اول وسيلة تكسب المرة زوجها ويجي بعدها الامور الكمالية مثل تزيين الغرفة وتغيير اللوك هذا يحبب النفوس وفيها كسر للروتين يعني مانهمل هذا الجانب بعد..
وسلامتكم
امبي مت من الضحك
ما ضحكني الا ام يوسف كل ما اقرا تعليق
ارد اقرى
^أم يوسف^ رد:
موضوع رائع ويحتاج للنقاش
والله تكرارج الرائع يحليلج
يالله ميخالف تمونين بس صج المنتدى وايد قاعد يعلق
طير
اي والله انا شي مهم فهم شخصيات بعض بالدرجة الاولى والله يوفقج
Caty-al
حياج الله حبيبتي تصدقين انا نوعي جذي مو راعية ليالي ابد ،، بالنسبة لي اشوف ان الريال يهمه يعرف شكثر زوجته عارفتله وفاهمته ،، الجنس وحركاته تعبير عن الحب وتبادل العواطف اكثر من انها تعال امسكك لا تروح لغيري
الشهد كله
يعني تشوفين انه كفاية انج توفرين لقمته وفراشه وملابسه بالمقابل انتي للحين ما عرفتي شخصيته ؟؟ حبيبتي الوحده توصل احيانا من اندماج شخصيتها مع زوجها لدرجة انهه بمواقف معينة يقولون نفس الكلمة ويفكرون نفس الفكرة ويتصرفون نفس التصرف
فديتني
حياج الله حبيبتي
حبيبة بدر
حياج الله
أم دودي
صح لسانج