ترى جد شي يضايق

بنات انا بكتب هالموضوع عن البنات الي تدش تكتب ادعيه او نصيحه او تحلل وتحرم وعبالها قسم التربية الاسلاميه وعبالها اهيه وصيه عالناس اتدخلهم وتطلعهم من الجنه على كيفها ! لا والي تشد حيلها وتسب وتلعن ترى عيب
السكشن هذا اغلبه عن عمليات التجميل دام موعاجبج شماله طاقه درب وشايله قشج وداشه ولا بس حق تحبط وتضيق خلق والناس تستانس تشوف كومنتتات عبالها احد بيفيدها وتدش تلاقي وحده قاطه كلمتين ومنحاشه !! انا اسفه اذا تنرفزت بكلامي شويه بس صج يعني كلنا اهني كبار وعارفين الحلال والحرام ماله داعي تسون نفسكم جنود الله في الارض !! ترى مقثه ولوعة جبد

الناس حره والي بتسوي شي غلط وتدري عنها حسابها عند الله !! اذا بتدش النار ماراح تدخلج معاها وكومنتج مال الدعوه هذا ترى ماراح يدخخلج الجنه على افا البنيه فوقفو عالكومنتات الي مالها داعي !
كلمن عقله براسه وعارف خلاصه !!

الي بتعلق من هالاشياء توفر تعليقها لها وشكرا

up up

وانه بعد جذي راي في وايد كلام يجره الصراحه انه اقراهواستغرب من جرأتهم الي عندها كلمه طيبه تقولها والي ما يمر عليها الكلام الطيب والله مو لازم اتعلق
خلي اتقدم نصيحه باسلوب جلو او انتفاد بطريقه راقيه شنو قلنا منتدا واحد وكلنا بنات ديره وحده بس مو معناته ميانه جذي سب واستهزاء وسوالف مادي اشلون قايله
والله الكلمه الحلوه نعمه من رب العالمين لج ولغيرج
لححححد يزعل مني حيايبي بس انه الاحض هالشغله حتا بالاقسام الثانيه بعد والله شي يفشل وعيييب اصلا وين راح الذوق والاتيكيت والحين احنا مجتمعنا صار يعتمد عالاتكيد وايد بكل شي خلونا نحترم بعض

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

..

( الحلال بين والحرام بين)

فـ ماله داعي النقاش كل شي واضح ..
واتوقع النقاش افالهموضوع تضيع للوقت لا اكثر ..

صح كلامج ام عيالي الي ماعندها تعليق يختص بالموضوع توفر تعليقها لها ! لمن احط موضوع عن عملية تجميل انا ناطره تعليق عن نفس الموضوع مو داشه عشان وحده تحلل وتحرم !! وبالاخير تقول الحلال والحرام بين ! دام تدرين انه بين عيل نعم حاطه كومنت

في بنات الصراحه ينرفزون

واعتذر عن البقيه

كلااامج صح حبيبتي
واللي تقووول من راى منكم منكرا فاليغيرة حبيبتي
انتي ماتدرين شنو هل انسانه وشنو تواجه في ناس وايييد تكوون حالات مرضيه وهل شي محلل لها دام علاجي
يعني احنا بمنتدى ومانعرف بعض ولا كل وحده وضروفها وشنو تواجه اكيييد في اسلووب للنصيحه وحمدالله عندها اسره كامله بأمكانها
تعطيها نصايح وتنبيهات لاتزعلوون بس جد في ناس حتى ماتقرى الموضوع بمجرد تفهم فكره تجميييل تقط له كلمتين سم وتمشي
الله يهديكم بس

صح كلامج كل واحد وكيفيه
واهو ادرى بكل شي لنفسه

اي والله صااجه ..

بالله كل من يعرف الصح من غلط ..

هذي مشكله بهلوقت .. كل من شايف نفسه اهو صح …

^_^

و ما عليه ..
الحيااه حلووه .. أحلا شي .. تطنيش .. .<<

مشكورين بنات عالسوبورت وانشالله تكون وصلت الرساله حق الخوات :*

حبيبتي انتي ليش معصبه؟؟
انا ماانكر ان في بنات كلامهم ينرفز ونصيحتهم مستفزه ..
بس هم في بنات يحبون لكم الخير ويمكن مو قصدها تجرح اللي جدامها صح كلامي

كل واحد واثق بنفسه … واذا انتي صج تبين اللي تسوينه خلاص لا تردين على اللي يستفزونج .. طنشي قولي جزاج الله خير وخلاص

ماله داعي تنزلين موضوع… يمكن نصيحه وحده ماتفيدج بس تفيد غيرج ولاتحرمينهم الاجر حبيبتي …

اتمنى كلامي مايزعل .. والدنيا بخير …

سبحان الله وبحمده
سبحان الله العظيم

ماكنتوشه بالضبط لاني معصبه واتنرفزت كتبت الموضوع ومو بس انا بروحي كل ما ادش موضوع اندمج فيه واشوف البنات ينصحون دايما اكو وحده داشه عرض !!
واقين الي تبي تنصح ماتكتبه جذي وبعدين ترى مو كل وحده تتقبل النصيحه على فكره فغلط ايييي واكتب حق كلمن نصيحه لازم اتقبل ردة فعل عكسيه !! لان اغلب البنات تكون نصيحتهم وايد وقاحه وتكتبهم بطريقه استفزايه
ومن حقي اكتب بالسكشن الي يتعلق بهالموضوع عن الموضوع الي موعاجبني
مشكوره عالكومنت

صح لسانج مليون مره ومؤيده لكلامج بقوووه

طيب يالغاليه.. و هالأيه قال تعالى

…(( كُنْتُمْ خَيْرَ أُمّةٍ أُخْرِجَتْ لِلنّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنْكَرِ وَتُؤْمِنُونَ بِالله )

وهالحديث ..قال الرسول صل الله علية وسلم

( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

والنصيحه لأي منكر او شي حرام .. مادام انها بالطيب والحسنى …مافيها مشكله

وبما اننا مسلمات اذن النصيحه بكل قسم من اقسام المنتدى مو بس بقسم اسلاميات ..

وبما اننا خوات بالاسلام …اكيد بنقدم النصايح ..

والله يهدينا وياكم

ليش امعصبه يا قلبي عادي
اذا انصحتج باسلوب حلو هذي ع العين و الراس
و انتي حره تتقبلين النصيحه او لا بس مو معناته
ان ما نتناصح كلش احنا خوات ترا و كلنا نبي الجنه
و نتعاون عليها اما اللي تنصحج باسلوب الله يهديها
خليها على الله و لا اتعورين راسج
بس تذكري " و ذكر فإن الذكرى تنفع المؤمنين "
انا عكسج عيل احب احد ينصحني و يذكرني و ينبهني
ع الغلط

آختي صاحبه الموضوع .. مشكورة على رآيج بالنوعيه هذي ..

صآجه آنا ضد الي تنصح بعنف وتسب من غير اهي عارفه شنو مشكله صاحبه الموضوع .. ترد من غير عقل ..

آختي آنسام جزاج خير ع هالكلام الطيب .. وفعلا هذي النصيحه الطيبه الي تآخذ بعين الاعتبار …

حلو الواحد لما ينصح بكل آدب وذوق .. و وفق معآيير شروط وآدب للنصيحه …

لكن الي تنصح مع سب وهواش .. آكيد محد بيرد على كلامهااا ..

وللاسف في بنات الي ينصحون بهواش ما يعرفون شنو مشكله البنت .. يمكن فيها تشوه او عيب خلقي .. عشان جذي تسال وتستفسر عن العمليه ..

مو تجون من اقصاكم يعني فاهمين وتنصحون وانتم مو عارفييين شنو مشكله البنت ..

آنا مع النصيحه الحسنه … وضد مع النصيحه السيئه ..

ووبس ..:/