|
|
السلام عليكم خواتي
انا ترشحت لوزارة التعليم العالي
طبعا الخبر صدمني لاني ماعرف ولا شي عن الوزاره
ولاني كنت ابي الاوقاف
انا خريجة اداب انجليزي
ساعدوني تكفون وين دوامهم؟
المعاش جم لخريجين الجامعه؟
عطلتهم نفس المدارس؟
وعندهم بونصات؟
اشلون طبيعة العمل؟
تكفوووووووووون ساعدوني ترا ضايعه
من اسمها باين تفتح النفس
مكانهم بالمنطقه الحره
المكان يديد و حلو يطل عالبحر صج يفتح النفس
بس معاشاتهم مادري جم اتوقع عادي مو قوي
ودوامهم عادي مثل باقي الوزارات مو نفس المدرسه
حتى وزاره التربيه نفسها اداوم شهر 6 7 8
اللي يشتغلون بالمدرسه هم الوحيدين اللي عندهم اجازه صيفية
اما الباقي كد 
سي يو بالتوفيق ان شاءالله
انتي روحي شخسراانة ؟؟ اهما بالمنطقة الحرة تخلين الموفنبيك على يسارج و تكملين سيدا لين ايلج 4 مباني عاليسار نفس الشي جنة انتي تروحين تراجعين مبنى 3 او 4
المعاش معاش وزارة +120 + بدل شاشة 30 او 25 ما اذكر
روحي وسألي كل الاسئله اللي تبينها وشوفي المكان وسألي عن كل شي لا تنسين شي وردي البيت واستخيري وعقب فكري ترفضين
لا ترفضين بسرعه نصيحة اخت وطيعي كلام لولوة روحي شوفي
نصيحة من اختج لالالا ترفضين شي وانت مو ماخذه فكره عنه
باجر تتنقعين سنتين ولا ثلاث بالبيت مايطلع اسمج وتتحسفين هذي كلها سنين من عمرج
انا اعرف بنات راحوا داوموا هناك وتالي انتقلوا عالاقل اسمهم توظفوا وعندهم معاش
منتي خسرانه روحي يمكن يعجبج المكان
مو معقوله كل اللي هناك مو عاجبهم اكيد في ادارات زينه وشي مشجعهم يقعدون بوظايفهم
ساِلي عن المكان واستخيري
موفقة ان شاء الله
انصحج تروحي و تشوفين منتي خسرانه
والله يوفقج و يكتبلج الخير
الصراحه المكان وايد حلو بوالبنات اللي عندنا خوش بنات بس المعاش مو وايد يعني مثل اي وزاره
وانتي تعالي شوفي المكان اول بعدين قرري
لا تستعيلين
وعطيني شصار وياج واذا تبين تسألين عن اي قسم بيعينونج فيه ما يردج الا لسانج
و مافي كوادر و لا علاوات
ماقصرتوا
انا صليت استخاره وحسيت روحي كلللللش موعاجبني المكان
ومتضااايقه حيييل
وسبحان الله عقب الاستخااره طلعت عيوب المكان هناك
وبالصدفه عرفت وحده رفيجتي من سنين ولا كنت ادري انها تشتغل
بالتعليم العالي ومانصحتني تقول وايد اماكن احسن
انا الحين رفضتها والله كريم ان شالله بلاقي مكان اجسن
(( ما خاب من استخار )) وانا حطيت امري بيد الله وسبحانه مايضيع احد