ترجيع مت من الترجيع

السلام عليكم بنات
حبيباتي ولدي عمره شهرين وذابحني بالترجيع مايمديه يشرب الحليب الا رجعه كله فهل هذا شي عادي والا فيه ضرر عليه ارجوكم ساعدوني اختكم غشيمه بهالشغلات ولأنه اول بيبي فآنا خايفه عليه
انتوا شرايكم؟؟؟؟

هلا ام طلول

والله يخليه لج يارب

اول شي وديه للطبيب مهم .

واذ بغيتي ترضعينه يفضل مو مره وحده يعني خليه يرضع شوي

ثم وقفي الرضاعه وطقيه على ظهره بالخفييييييييييييف لين يطلع الهوى اللي في بطنه ثم كملي رضاعه بجذي بيخف جدا الترجيع والف سلامه له مايشوف شر ان شاء الله

وكل ساعتين رضعه

يعني مو تغثووونه

طبعا هذا اللي اعرفه من خبرتي المتواضعه
خخخخخخ

شكرا حبيبتي والله اني لحد الحين غيرت ملابسه 4 مرات من كثر الترجيع وانا ارضعة كل ساعتين واطقة على ظهرة وانومه على بطنه وهم يرجع الله يعينني

انتي صح تطقينه على ظهره بس الظاهر ماتنطرين لين يطلع الهوى

لازم تسمعين صوت الهوى طلع

وان شااااااااااااااء الله مايرجع ابدا

و النوم عالبطن مو زين له

خاصه واهو يرجع الحين

.
لاتنومينه على بطنه

مايتحمل

وان شاء الله يفيدونج الامهات معانا ما يقصرووون

والله ام طلال انا ولد رفيجتى كان جذيه كله يرجع لا بالنفاس بعد مايمدى يشرب حليبته رجع مسكين ودته الطبيب قال لها غيرى الحليب وقالها اشلون تقعد لما اترضعه وقال لها بعد مو ترضعينه مره وحده لا مراحل وماينام على بطنه لانه هذا خطر واخيرا قال لها اى حليب المانى اخذيه لانه خفيف على البيبى وسلامتج

ام طلال انا رفيجتي جذي مع ولدها قالها الطبيب انه معده ولدج صغيره فا قامت اتقسم الرضعه الوحده اربع اقسام كل ربع ساعه تعطيه شويه و الحين اسمله عليه مافي الا العافيه بس اهو اول ما ينولدون اتكون معدتهم صغيره بعدين ايتعودون و سلالامته

الله يسلمكم حبيباتي وماتقصرون وشكرا على الرد

ترى عموما الحليب الصناعي ثقيل شوي هالبيبي يعني حاولي ترضعينه احسن (اشجع الرضاعة الطبيعية وبقوة) …
وفي يهال حتى لو يشربون حليب امهم هم يرجعون اهمه طبيعتهم جذي بس اذا وزنه طبيعي وقاعد يزيد يعني ماكو الا العافية اكيد ….
الوزن اهوه معيارج دام يزيد ماكو الا العافية واذا كان ينقص او ثابت وديه الطبيب ….
وانشالله لي صار عمره 4 شهور وفوق بينقطع الترجيع من نفسه ….

سلامات ومايشوف شر.. بالنسبه للترجيع فيه عدة أسباب ممكن أنه يكون مغثوث أو معدته صغيره أو الحليب مو راكب عليه أو أنج ما تطقينه عدل بعد الرضاعه … أنتي حاولي ترضعينه كل ساعتين وتطقين ظهره خفيف لحد ما يطلع صوت.. أو تودينه الطبيب يشوف شالسالفه وممكن الدكتور يغير حليبه…وسلامات مايشوف شر…

ان شاالله مافيه شي انا ولدي من يوم هو نفاس ليما كمل سنة وشهرين وهو بس يرجع ترجيع قوي وقالي الدكتور ان معدته صغيرة مايستحمل وانه طبيعي مادام وزنه يزيد

ببساطه العضلة اللي تمسك المعده شويه ضعيفه ولد اخوي جذي راح يتحسن انشالله بس يبتدي ياكل اشياء غير الحليب وايد يهال جذي شغلة عاديه ولد اخوي ما شاء الله على كثر ما يرجع صاير شمتنى الشغله ما تحتاج تغير حليب بس هم اتاكدي من الدكتور ( يعني حدي فاهمه)

الغالية أم طلال
ما راح أقول كلام أكثر من اللي قالوه البنات الله يعطيهم العافية
رفروفة حبيبتي ما شاء الله عليج دكتورة بالوراثة و ريفيل بعد كلامها مضبوط
المهم عندج وزن ولدج هو اللي يحدد سبب الترجيع
اذا كان يزيد بشكل غير طبيعي معنى هذا انه يا حياتي مغتث و انك تعطينه فوق حاجته
اذا كان وزنه ثابت أو ينقص لازم يشوفه دكتور لأنه يعتبر ترجيع بسبب عضوي أي مرضي
اذا كان وزنه يزيد زيادة طبيعية و الترجيع يتم بدون بذل أي مجهود من قبل الطفل فهذا يكون ارتجاع للحليب بسبب ضعف في العضلة اللي تمسك المعدة مثل ما تفضلت ريفيل .
الحل لهذه المشكلة :
ابقاء الطفل منتصبا ما أمكن على كرسي الأطفال
استخدام حليب مضاد للإرتجاع . متوفر بالجمعيات أكثر من نوع أو ماركة يعتمد شنو متعود عليه الطفل المهم يكون مكتوب عليه Ar .
و في حال فشل هذه الطرق نلجأ الى العلاج بالأدوية وهذه يحددها الطبيب المعالج
و سلامته الصغير
المهم هذه المشكلة ستنتهي بإذن الله عندما يبدأ الطفل بالجلوس و يبدأ بأكل الأطعمة الصلبة.

لا حبيبتي مافيه شيئ كاليهال جذية وبعدين تصير صحتة زينة

السلام البنات اولا ماقصروا اعتقد افادوج
بس حبيت اقولج هم ولدي كان جذيه ترجيعه قوي تقولين مدفع بقوه يرجع لدرجه سوينا سونار لمعدته والحمدالله طلع مافيه شي مجرد انه العضله توها ضعيفه والحليب ماكان يناسبه لان كان عنده حساسيه منه واذا وزنه طبيعي اعتقد عادي بس اذا موقاعد يزيد فاعتقد احد الاسباب هذي وان شاء الله ماكو الا العافيه

شكرا على الردود الحلوة