|
|
السلام عليكم
شلونكم يا بنات
ابيكم تساعدوني
انا ولدت من اسبوعين ويبت ولد والحمدلله ارضعه رضاعه طبيعيه
بس ماني عارفه ارتب رضعاته
مره يرضع بعد ساعه ونص ومرات يتأخر ياخذ له اربع او خمس ساعات يالله يرضع .. ارضعه كل ما بجى
هل هذا الوضع طبيعي في ياهل النفاس ؟؟
قال لي الطبيب لازم ارضعه كل ساعتين
بس لمى حاولت اسويها ما قام يرضع رضعات كامله وكل ساع يصيح وكل نص ساعه يبي يرضع
لا ينام ولا يخليني انام
هل الوضع طبيعي واخلي الترتيب حق بعد النفاس ؟؟ ولا طريقتي غلط؟؟
مشكورين مقدما حبايبي
في يهال ماينفع معاهم كل ساعتين
عموما هذا الياهل وهذي حاجته
اذا احتاج الحليب بيبجي
وربي يخليه لج انشاءالله
بس عادي لو يطول خمس ساعات؟؟ ما فيها شي؟؟
انا اخاف عليه اروح اقعده واقلبه ليمن يقوم
ما عليه ام عليميه اذيتكم
شوفي الرضاعه الطبيعيه لازم البيبي يرضع من كل صدر عشر دقايق وبعدها راح يحتاج الرضعه الثانيه بعد ساعتين بس اذا رضع بس خمس دقايق وينام يعني اهوه ماشبع عدل وبيقووم لج بعد شوي لأنه يوعان لأنه مارضع عدل
وعادي ينام الياهل خمس ساعات ومايرضع وهذا راح يكون بالأربعين وبعدين يتعدل
انا كل ما ارضعها اتنام ترضع شوي وتنام واحطها مكانها تقعد تبي ترضع وهذا احنا على هالحال طول الليل بس بالنهار كله نايمه وماتقعد ترضع وايد نفس بالليل وكل ياهل يختلف عن الثاني
يعني ما احاتي الوضع طبيعي !!
عسى الله يطمنج مثل ما طمنتيني
مشكوره حبيبتي
ترا صعب تتحكمين بنوم ورضاعة طفل النفاس متى مابجى أنا أعطيه مو لازم كل ساعتيــن….
هزا صقيره واازد لازم سنو وقت هو ابي ارزع سوي ارزع اوكي
مافي قول لابادين ساعه واهد او سنين لالالا لاسوي كربوطه مال بيبي
ما راح تقدرين اتعدلين رضعاته الحين انا حاولت وكانت تبجي كل ساعه لاني كنت ارضع طبيعي بس لاحظت ان حليبي ما يشبعها فدخلت الصناعي وصارت اتنام فترة اطول اشوية
تقدرين اتعدلين رضعتها بعد شهر واشوي
بس ترى اذا كان حليبج يشبعه ممكن ينام فترة اطول