ترانا نجحنا وبإمتياز بعد نبي الهديه

مبرووووك لعيالنا … ومبرووووك لأمهاتنا … والفال للثانوي تفرحون فيهم
إن شاء الله …. وعاد الحين نبي الهمه والنشاط

كل وحده أكيد بيتفرد فيها ولدها أو بنتها
بعد ما شاء الله علينا يا الكويتين على كل شي مدلعينهم فديتهم

كل وحدة فيكم تعطينا أفكارها الحلوة في مكافأة النجاح

يلاااااا نبي نقااااش بناء وهادف

نبي الهدايه تنحب وبنفس الوقت نحبها

يعني لاتصير عاد مكلفه حيل .. نبي الوسط وتناسب الكل .. ومثل ما يقولون خير الأمور الوسط
العطله طويله والورعان ما شاء الله ما يخلون كل يوم طلعه

جمعوا أفكاركم وناطرينكم يا أحلى كويتيات

تحياتي

انا شريت حق وليدي الله يحفظه ويسلمه
بلي ستيشن 3
وبنيتي الله يخليها ويستر عليها بي أس بي
وسلامتكم

والله اسم الله عليهم لي الحين ما خلصوا من الهدايا

اللي برابعه ابتدائي عمته شرت له لاب توب و خالته تبي تشركه بنادي وانا طلب مني موبايل

اللي باولى وثانيه ابتدائي خالتهم بتشركهم بنادي

وابوهم بيشتريلهم قواري كلهم

انا لي الحين محتاره شنو اشتري حق الاثنين الصغار يقولون لي على كيفج

وان شاء الله بسويلهم حفلة تفووقهم بس قاعده ادور مكان حلو

والف الحمدلله لك يارب ما خسر لنا تعب

ياعيني على المواضيع الفلة

الصراحة ولك الحمد يارب كل شي عندهم بي اس بي وبلاي ستيشن بس يحنون على القواري والصراحة انا مو مأيدة هالشي لأنه يشجعهم على الطلعة بالسكيك . والنوادي احسن شي وان شاءالله اشتراك نادي مع ان أسعارهم مو مثل قبل أقل مستوى نادي اشتراكه 50وفوق والله المستعان

عندكم الاندية الصيفية اقل صرف وتحتوي على كل شي الهوايات والطلعات

عليهم بألف عافيه
مشكورة على مشاركتج فديتج عندهم الأثنين اللي بعدووووه

يه يه يه يا عيني على الهدايا الشغل عدل مدل لاب توبات ونوادي ومبايلات
يختي على أمه فديت أمه

أنا أقولج وين تسويلهم في صاله بالأفينيوز بروي brou<<< ما ادري صح التهجئة ؟؟
المهم أنا شايفتها حلوة كان في ساحر وأرجووزات وشغلات حلوة بس كنت ماخذه
نظره سريعه … سألي هل هم يعطونج الصاله مع البرامج

وإذا لقيتي شي ثاني وافينا بالأخبار فديت المشرفه أنا

والله محد مواضيعه فله غيرج وبشهادة الجميع
أما القواري فحلاتها بالشارع خخخخخخخخ بصراحه يحس الواحد انه كبير
وعدل كلامج خطر عليهم … أشوى أنا كل ما قالوا لي قلت ما عندنا حوش
والنوادي ارداهم 50 ينوووو وإقعدوا !!!!

إذا إلهامج تغير بلغينا تحياتي يا ست الناظرة

أي صح كلامج فديتج … إذا عندج شي مجربته علمينا

أمممممممم ولا تاجرة عندها شي لعيالنا

تسلمين ام عزوز على هالموضوع اللي يهبل

ومبروك كل الامهات تفوق ونجاح عيالكم

والله عيالي اللي برابع يبي اشرطة بلي ستيشن 3 بناخذ له 2

وبنتي اللي بثاني تبي كاميرا للبي اس بي

ووليدي اللي باولى لي الحين ماقرر كل يوم سالفة

ويبون يسافرون واذا رجعنا بالسلامة ان شاء الله بدخلهم نادي سباحة وكراتيه

خل يحسون بقيمه التفوق والنجاح ربي يحفظهم من كل شر

هلا هلا باللي لفانا يا هلا به
أنتي اللي تهبلين فديتج ………… يختي عيالنا صاروا عصر التكنلوجيا وبس
الله يعينا على المخاسير خخخخخخخخخخ مردنا لها

أنا الكبير يبي أشرطه مثلج يختي لازم الأصليه وإلا تخترب السوني بعد يا حيل الله
لأجل عين تكرم ألف .. أنا ما ودي أولعهم فيها

عشان جذي قلت أطرح الموضوع على خواتي وأشوف تاجراتنا جان عندهم شي لهم

مشكورة فديتج وعسى الله يوصلكم لبلاد بالسلامه ويردكم بالسلامه

ام عزوز … بعد عمري جنج تدرين قبل شوي دقيت على بروي بسالهم عن صالتهم بس محد رد

برد ادق عليهم باجر بحيل الله

الصابره … القواري ترى حق الحووووش والا وعليه على عيالي ما يشمون ريحة السكه ههههههههه

يختج الحين الشوارع خطره وما اامن

هلا فيج يالغالية

الله يسلمج ياقلبي

اي والله عصر التكنولوجيا انا عيالي من عطلوا وهما مجابلينها لانهم انحرموا منها وقت الامتحانات

والمشكله بيلي ستيشن 3 لازم اصلي ومافي لها تقليد مثل بلس ستشن 2

الله يعينا ان شالله

ههههه حلوة الهامج

ناطرين هالطلبات كل يوم تغير ؟؟؟؟؟؟؟؟؟؟