تدريس العلوم والرياضيات بالإنجليزية

أهم الأخبار

تدريس العلوم والرياضيات بالإنجليزية

كتب عبدالعزيز الفضلي:
تتوجه وزارة التربية اعتباراً من العام الدراسي المقبل إلى تدريس مادتي العلوم والرياضيات باللغة الإنجليزية، وأوصى التوجيه العام لمادة الرياضيات بتطبيق هذا التوجه في الصف الأول الابتدائي كتجربة أولية، على أن يتم التجريب في مدرستين من كل منطقة تعليمية لمدة عام دراسي كامل يتم بعدها تقييم التجربة لاتخاذ قرار بتعميمها أو إلغائها.

https://www.alwatan.com.kw/ArticleDetails.aspx?Id=14823

شفتو هذا الي ناقص والله حرااااااااااام عليهم لعوزونااااااااا اقسم بالله

يبا دشو وعلقو يا امهات خليهم يلغونها من الحين لا يسون لا تجارب ولا شي

والله خوش خبر تصدقين
عشان نفتك من المدارس الخاصة

انا ايضا مؤيده لهذا القرار وبشده …لان الواحد تعب من المدارس الاجنبيه…..وبعدين اللحين صار اللي مايعرف اللغه الانجليزيه يعتبر انسان …..امي………..

مشكورين على المرور

بس مو من اول ابتدائي صراحه

وينهم وين الانغليزي يعني اولى ابتدائي قصب يكتب اسمه وكل واحد ورايه يعني

هو له سلبياته و له ايجابياته

الله يعينا كامهات باجر على التدريس

احلى واحسن خبر…………..انا استاذة بالهيئة وبصراحة نعاني من ضعف الانجليزي بهالمادتين…………وبعدين جذي اذا دخلنا عيالنا بالمدارس الانجليزية وكملنا حكومة بعدين مافي مشكلة !!!!!!!!

وهذا دافع للمدارس الخاصة بتحسين ادائها….

صاااااااااجه

بالعكس
هذا أفضل قرار اتخذته وزارة التربية

خصوصا في اولى ابتدائي

صدقونى
التعليم في الصغر مثل النقش على الحجر

خصوصا هالمادتين

لاتخافون
كتب اولى ابتدائي ….. العلوم كله صور مافيه مصطلحات وايد
و الرياضيات اولى ……كله ارقام سهله جمع و طرح كله بالأصابع

انتى اللي عليك تعلمينه الأرقام قبل لايدخل اولى ابتدائي و لو مدة شهر بس تعلمينه الأرقام علشان يتعود عليها قبل اولى ابتدائي و هو اصلا بالروضة حتى الحكومة يعطونهم الأرقام انتى بس عليك تعلمينهم الأرقام انجليزي من 1 إلى 9

خصوصا مع التوجه القادم ان يتم تدريس العربي و الانجليزي و الرياضيات من مرحلة الروضة و اعتقد هالسنة تجريبي و ابتداء من السنة القادمة راح يطبق على جميع الروضات الحكومية …… و هذا يتوافق مع هذا القرار في اولى ابتدائي ….

صدقونى
هذا أفضل حل و من صالحهم
و انا أتمنى ان لايجرب على مدرستين فقط…. بل يعمم على كل المدارس

صحيح ان راح نلقى صعوبة مع التدريس
بس احنا تعبانين تعبانين كأمهات ….. في كلا الحالتين راح ندرسهم و راح نتابعهم يوميا بغض النظر عن المدرسة و عن المنهج ….. مرحلة التأسيس تحتاج متابعة بشكل يومي
فهذا الشي يحسن من مستوى الطالب باللغة الانجليزية و تزيد معارفه بالمصطلحات العلمية

ان شاء الله القرار القادم

تغيير منهج اللغة النجليزية للمرحلة الابتدائية كلها

بعدها اتوقع كل اللي عيالهم بالخاص (خصوصا ثنائية اللغة)
راح ينقلون عيالهم حكومة خصوصا اذا حصلوا مدرسة ادارتها زينة بعد وكل شي ببلاش ….. زين على زين

نعم لمصلحة الطالب ….. نعم لتحسين مستوى الطالب العلمي

ضد القرار توهم امغيرين المناهج بسم الله مسرع ردو غيروا بعدين اعيالنا مو ناقصين عقد يكفي منهج الرياضيات صاير صعب فيه جمع 3 ارقام واعادة تسمية بالجمع والطرح لكثر من رقم غير المسائل الحياتية وهندسه للصف الثاني منو قال انه سهل والله صعب بالعربي ومو ملحقين مسرع خذوا مهارة نطوا علي الي وراها وتكون مالها علاقة بالمهارة السابقه والياهل ما مداه يستوعب تري في فرق بين المدارس الخاصة والحكومية من ناحية الأمكانيات الموفره للطالب من مختبرات وقاعات مجهزه بالسبورة الذكيه ( الحكومة من سنتين وانا اسمع بالسبورة الذكية ) وما شفناها
خل يعدلون مدارسهم بالأول ويعطون مدرساتهم دورات بطرق تدريس المناهج الجديد والله ضايعين خاصة مادة العلوم والرياضيات يوم غيروا المناهج الأبلات محتاسه توهم بدوا يستوعبونها ويفهمونها

مشكورين بنات على المرور بس والله

شي مايدش العقل صراحه والله بلعربي ومحنا ملحقين شي مو طبيعيييييي انا بنتي بثانيه ابتدائي من صف اولى من هلمنهج الخايس

بلعربي الاملاء كله صفر وللحين عيزت اعلم فيها وماكو فايده يبا راضيه لو اتيب لي واحد ابي اشوف الواحد ماكو تخيلو كله صفر فمابالكم انغليزي
والله وزيره التربيه لعوزتنا تلعوز مادري اشفيها حاقده على الامهات اضاهر والله مادري عنها

والله خووووووووووووووووش قرار ان شاء الله يتطبق

احنا نتكلم عن الفكرة كمبدأ …. الفكرة جدا ممتازة

أكيد الموضوع يبيله استعدادات
أولها
تهيئة المدرسات و اعطائهم دورات
و هذا مذكور اليوم بالجريدة
ان الموضوع ماراح يكون بخطوة وحدة ….خذوه فغلوه …..لا… راح يكون بعد التعميم على تدريس مرحلة الروضة
+ سوف تتم دراسته و تجربته على مدرستين فقط مدة سنة كاملة مع تهيئة المعلمين قبلها طبعا

ألحين أغلب الأمهات يودون عيالهم مدارس ثنائية و هذي طريقتها ان العلوم و الرياضيات بالنجليزي و قاعد يدفعون عليه فلوس علشان عيالهم يتقوون بالانجليزي

ولاتفكرين بالأم
احنا تعبانين تعبانين بالحالتين لازم متابعة من الام بغض النظر عن اي شي
و الموضوع مايبيله سبورة ذكية و غيرها
كاهي المدارس الخاصة بعضها مبانيها قديمة و تضيق الخلق و كأآبه هذا ماله علاقة

احنا نتكلم عن المنهج
و كل شي في بدايته راح يواجهون صعوبات يتلافونها في السنة الثانية و هذا طبيعي لأي قرار تحت التجريب على فئة كبيرة
في البداية عدلوا منهج العلوم و الرياضيات
بعدها قرروا تدريس المواد الأساسية بالروضة (الثلاث مواد)
و ألحين التوجه للتدريس باللغة الانجليزية لمادتين
و ان شاء الله بالمستقبل تعديل مناهج اللغة الانجليزية لانها صارت اساسية بصراحة بزمنا هذا
و اللي تحس انها ضعيفة خليها تتعلم مع ولدها المصطلحات ….
لان هذا تعليم لها و لولدها …..

الزمن تغير و صارت اللغة الانجليزية ضرورية اكثر من قبل

ضد القرار أيضا ,, إلا في حاله وحده: إنهم يبدون بتدريس منهج دراسي تأسيسي بالروضه
الحكومه مشتطه غصب بيعدلون وبيسوون مثل الخاص : طيب احنا نبي ونشجع على هالشي بس رجاءا على أصوله مو تخبط ..
الخاص يأسسون الأطفال من صف قبل الروضه ويعيدون بأولى روضه مع توسع ثم يبدي منهج صجي بصف ثانيه روضه .. يعني الطقل يوصل أولى ابتدائي ماخذ الأساس كله ويبدون يعطونه العلم بالتالي يتشرب المعلومات ويكون راهي بالفهم.
لي متى تجارب .. ؟؟؟؟ والله عذروني أول مره أنفعل قبل أن أتفاعل ,, بس عن تجربة لبنت أختي سنة الدمج , أولى وثانيه بسنه وحده ؟؟ وين التأسيس ؟؟
هذا الحين نفس الشي .. علوم وارياضيات بالانجليزي من أولى ابتدائي ؟؟ وين التأسيس ؟؟

انا بصراحه مااتوقع لانه توهم مسوين مناهج جديده وخاسرين عليها ملايين من صجهم وبعدين انا سالت الموجهة مالتنا -انا مدرسة علوم متوسط -فقالت لي مستحيل اهما توهم بالمناهج الجديده ودافعين دم قلبهم عليها -يعني هي بعد نفس وجهة نظري