|
السلام عليكم ورحمه الله وبركاته
شلونكم حبايبي حيل مشتاقه لكم
المهم بدش بالموضوع ..
قريت هالموضوع بمنتدى ثاني وبغيت نتناقش فيه ..
بقول لكم الموضوع بطريقه ثانيه بس علشان اوصل لكم المعلومه الي اقصدهاا
دش عليها ريلها ويقول لها ابيج اليوم تلبسين لي قميص نوم حده مغري
وتفلين شعرج وتسوين لي حركات وليله حلوه والمره مسكينه مستانسه وسوت الي يبيه ريلها
وثاني ليله ابيج تلبسين لي بنفسجي وتحطين لي حمره فاقعه وترقصين لي وترسمين لي بجسمج
وهذا غير طلباته بالفراش .. فاهميني طبعا ..
المره سوت الي يطلبه ريلها وتم على هالحال فتره المهم قالت له مرته بصراحه انا مستغربه من طلباتك نصها تعجيزيه ما اقدر انفذهاا وبصراحه استحي واستغربت منك شلون طلعت فيك الجرئه تطلب مني اسوي هالحركات؟
ويرد عليها ريلها وليش ماتسوين لي كاهي مرت فلان ومرت علان يسوون حق ريايلهم
المره انصدمت شنوو وانت شدراك؟
ويقول لها احنا بالدوانيه كله نسولف عنكم رفيجي يبخته بمرته كل يوم يقول لنا شنوو سوو بالفراش
وشنو لبست له مرته وشنو حطت له
وعندي واحد من ربعي كله يتشكى من مرته ماتلبس له ولا تسوي له
<<
يعني ريلها كان يتكلم عنها جدام ربعهاا والله امس لبست لي البنفسجي وحطت لي الحمره الفاقعه
شنو موقفج؟؟
يكبرهااا عند ربي شلون تييلك الجرأه تتكلم عن عرض وشرف مرتك جدام الريايل ؟؟؟؟؟
وين الغاريه وين الرجوله تخيلوو انه يسولف عنه وعن مرته بالتفصيل الملل جدام ربعه !!
وطبعا الربع يتخيلون منظر مرتك وانت تسولف عنها الله اكبر شلون ؟؟؟؟؟؟؟؟؟؟؟؟؟؟؟؟؟؟ بحاول اتخيل الوضع بس
!!
يمكن احنا الحريم نسولف عن القمصان العطور سوالف وافكار بس ماتوصل نسولف عن تفاصيل الزوج مع مرته بالفراش
حرااااااااااام وهالمره ريال يسولف حق ريال مرتي لبست لي ذاك القميص وشحلات جسمها وشكلها كانت كيكه
وسوت لي بالفراش حركات امبي والله انا حسيت بغيره شلون انت يلي يقولون عنك رياااااال بعد ييب ربعك
الغرفه وراويهم مو نفس الشي؟
ناطره تعليقاتكم عن الموضوع ..
صج الوحده لازم تتفننن حق ريلها خصوصا بهالزمن الاقشر وتترس عينه علشان مايطالع غيرها بس والله ثم والله لوو صاير لي الموقف هذاااااااا يمكن جان تشوفون صورتي علي اول صفحات الجرايد وكاتبين بالمانشيت العريضضضضضضضض
المواطنه اللي بطت راس ريلها علي فراش الزوجيه هههههههههههههههه
شر البليه مايضحك
______________________________________
تم التعديل من قبل مشرفه القسم Dancing^Queen
هذيج المره زوجي يالي يقولي في قسم السكرتاريه بدوامه كله مايحب يحتك معاهم لان شوي لج عليهم
يقول تخيلي قاعدين ولا واحد يقول رحت اشتريت الاندر وير الفلاني يقول ولا الثاني يقوله اي صج شلون طلع حلو ولا الحبيب طلع ماخذ رفيجه معاه ويختار قمصان النوم والاندر وير لزوجته استغفر الله انا بطلت عيوني قلت شنو قالي زوجي والله ان من كثر ما احتقرتهم طلعت من المكتب
وايد وايد سوالفهم جذي الله لايبلانا يارب بهالاشكال انشاءالله
ههههههههههههههههههه وينج يالغاليه والله لج وحشه تغطين وتطلعين لنا مره وحده
الحمدلله على سلامتج حبيبتي المنتدى من غيرج ظلمه والله
سوسو
صج كلامج نادر وبعد خمس سنين بيصير اندر من النادر
استبرق
من صجج @@ جان زفيتيهم عمى شنو هذول والي يغث اكثر لما تشوفين ريايل داشين محل قمصان نوم
اووف احس صرنا شخبط شخابيط !
مشكوره اختي
وانا اقلب اغراضي والا اسمع صوت ر يال وراي يقول شوفي هذا واااااااو والمره بقره يمه كيكيكيكي اتكركر جليله الحيا
جان اخزها عاد انا حواجبي ما يحتاي وعقدتهم بويوهم على قولة اختي جنج الحريري الله يرحمه
المهم
جان اسمع صوت صفير الا الريال امغيب على قميص وهذيج اتدلع عليه جان اعطيهم خزه ثانيه
عقب التفت الا قابين ولا شروا شي
اكره ما عندي الريال اللي يدش محلات الحريم قطيعه الله لا يبلانا
هالنوب يايه تقولين يتكلم عن مرته بالفراش
اسليمه اتداهيه قطيعه تقطع جذيه نمونه حيوانيه بدون غاريه
الله يهدي هالمتخلفين واي انا اعتقد ان شرف الريال جزء من احساسه وهذا عديم احساس ولا شلون غاريته ما تحركت ولا حس على دمه واي Speechless
ترا في رياييل يستعرضون …
يعني يقولون مرتي سوت جذي و جذي … و تلقينه و لا شاف ويه مرته …
و لا لابسه أحمر و حاطه أخضر و إهي لابسه بجامه من بو دينار و نص و نايمه عند عيالها ..
هذا مرض نفسي ..
مثل الي يقول آنا رحت الديره الفلانيه و صيفت بالديره العلانيه ..
و من هالسوالف ….و إهو كل اللي راحله الشاليه و لا المخيم …
الله يستر علينا ..
و ترا السالفه كما تدين تدان المره اللي تتكلم عن خصوصياتها تفضح نفسها و زوجها عند الحريم .. نفس الشي زوجها يزل لسانه مره و بعدين يتعود …
ديروبالكم و الحيا مطلوب …
للأسف شبابنا تعودو على الصاحبه و الرفيجه و الجير فرند و البوي فرند فتربى على إنه يشارك ربعه كل التفاصيل لا ويسولف معاها جدامهم … فلمن يتزوج يستمر على نفس الطريقه لازم يرضي ربعه بإنه يكشف لهم كل تفاصيل العلاقه بينه و بين زوجته …
الل يحفظ أعراضنا و سمعتنا من هالزمن