|
|
السلام عليكم ورحمة الله وبركاته
أنا سجلت بالكلية بتخصص التربية الخاصة تفوق عقلي وابيكم تفيدوني عن مزايا وعيوب هذا التخصص يعني
وين راح يكون الدوام بعد التخرج ؟
والوقت نفس دوام المدارس العامه ؟
والمعاش نفس معاش المدرسة العامة سمعت انه ازود ؟ 
بتقولون ليش إخترتي هالتخصص مادام ما تعرفين عنه شي ؟
راح أقولكم إني سكرتيره وتوني حصلت على إجازة دراسية براتب كامل وسجلت بالكلية لازم يكون رغبة وحده بس فاخترت هذا التخصص لأني ما أبي مدارس العام تغيير يعني وعلشان الأجر بعد والموظفة مدحته لي فتوكلت على الله لأني كنت أبي تربية فنية بس وقفوه هالسنة على حظي خيره إن شاء الله
يالله بعد ما قصيت لكم قصتي ساعدوني بالإجابات لا حد يدخل وعنده معلومة ويتعيجز يرد .gif "Eh S(8)")
اولا انتي اذا تخرجتي منه راح تدرسين الصم والبكم بلمدارس الخااصه اما المعاش خخخ مادري عنه
والدواام والله مادري عنه
اسمحيلي قتلج كل الي اعرفه اتمنى اني فدتج
بس انتي متأكده من تدريس الصم والبكم زين ليش اسمه تفوق عقلي عموما حلو فيه اجر إن شاء الله
بس في تخلف عقلي حق الاحتياجات الخاصه والمعاقين عقليا
بس اناما سجلت تخلف عقلي سجلت تفوق افضل
بس اتوقع ذوي الاحتياجات الخاااصه غير عن التفوق العقلي .؟؟؟
واتمنى توضيح أكثر
نظره لو جبر خاطر
up
حبيبتي آنا تخصصي تربية خاصة
تفوق عقلي مساند تربية إسلامية سنة ثالثة
التخصص حيييل حلو والمعلومات فيه ممتعة وجديدة
والوظيفة بتكون في مدارس عادية لكن صفوف الفائقين
وتدرسينهم مادة المساند (هذي بعض المدارس النموذجية)
أما في بعض المدارس مو مار عليهم طاري التفوق ولا ريحته مثل مدارسنا قبل
فتدرسين مادة المساند حالج حال المدرسة العادية
أما التخلف اهوا للصم والبكم أو الاعاقة الذهنيه أو جسدية
تدرسين بمدارس المعاقين مادة المساند أكيد..
أما المعاش قالوا في كادر بس مومتأكدة
ومكافأة الكلية 100 د.ك مثل باجي التخصصات