تحويل المسار بعدين التكميم

خواتي حبيباتي ودي تساعدوني بمشكلتي وشوروا علي ..

انا سويت عمليه تحويل مسار قبل جم سنه وبعدها تمددت المعدة وبديت امتن وقمت اسوي رجيم ومساجات ومشي ما فاد معاي اي شي
ورحت الاردن وسويت عمليه تكميم بشهر 10 اللي فات وما ضعفت ولا كيلو
وسويت شد حق منطقه البطن بس اللي صار اضعفت منطقه البطن اللي تحت وانتفخت منطقه البطن اللي فوق ، اشلون مادري ارقع شي ويخترب شي ثاني ،
اشوف اي واحد يسوي تكميم يضعف حيل مثل الفنانات ، انا ظليت مثل ما انا جسمي صار يقاوم اصعب العمليات
الحين شسوي شنو العمل ، كل شهر طاير معاشي على هالسوالف وهالخرابيط والمتن اهو المتن

مريت بحاله اكتئاب كبيره ما قمت اكشخ ولا البس ولا اطلع وتمر علي ايام ما اشوف ويهي بالمنظره من كثر كرهي حق نفسي وشكلي وصرت كله انام حتى الدوام غصب اداوم

الله يوفقكم ويسهل اموركم ويرزقكم من فضله اتمنى تساعدوني

اختي يظهر ما عندج اراده ضد الأكل

عمليات جراحة السمنه مو حل سحري … مهمة العملية ان كانت تحوير او تكميم هو تقليل كمية الأكل

اللي يدش بطوننا .. يعني اذا كنا قبل العملية نقدر ناكل صمونتين .. بعد العملية مساحة المعده ما تستوعب إلا نص صمونه

أما نوعية الأكل و الحركة البدنيه اللي تساعد بفقدان الوزن هذي مسؤليتنا احنا ماهي مسؤولية العملية

يعني ما اجي آكل آيسكريم شوكلاته بالمكسرات و اقول انه سوائل و تستوعبه المعده و انسى كمية السعرات الحراريه و الكاربوهيدرات اللي فيه

غلط اكيد .. المعده لو تستوعب 3 قفشات أكل احنا اللي نحدد وش بنملى هالثلاث قفشات .. هل هو اكل صحي و الا مثل اكلنا السابق

شوفي اختي طول ما انتي ما تملكين قوة الاراده ضد نظامج القديم قبل العمليات

اجل احسبي حسابج ان الرشاقه بالنسبه لج بتبقى حلم مو واقع للاسف

اعذري صراحتي بس حبيت احطج بالصورة و ما اطبطب عليج بكلمتين و خلاص

لا حبيبتي ، اللي يسوي تكميم ما يقدر ياكل واذا اكل يحس الام بالمعدة يعني ما اقدر اكل الحين بس هم ما قعد اضعف مادري شنو الحل اصلا اكلي كله شوربات بس

تعالي بقروب ع الواتس للرجيم

سوي رجيم