تحليل السكر 5 ومو عارفه الله يجزاكم خير

السلام عليكم بنات انا قبل 3 سنوات كان معاي نسبة سكر وعقب راح الحمدلله الحين صرت احس بتعب دايم ودوخه مستمره معاي وكل احس بجسمي تعبان وكسلان وواشرب ماي بكثير واروح الحمام كثير الله يعزكم
رحت بسوي تحليل سكر بالهادي قالوا لزوجي في تحليل السكر السريع وفي تحليل السكر اللى قبل الاكل وبعد الاكل زوجي ماعرف وطلب التحليل السريع ورحت صوب الطوارئ واخذو عينة دم من اصبعي طلع نسبة السكر 5
الحين يابنات هل بجذي معناته نسبة السكر 5 وانا صايمه زينه ولا اعيد تحليل السكر واسوي التحليل اللي يكون قبل الاكل وبعد الاكل
لا ذابحتني الدوخه

حبيبتي تحليلج ممتاز الحمدالله وقمة الطبيعي
لان نسبة السكر الطبيعيه بين4,4 و6,6مل.مول

طمني بالج ياقلبي
الدوخه شوفي خضابج يمكن نازل او نقص حديد اوضغطج هابط

شسالفه بنات محد يرد اهني
اب
اب

مشكوره حبيبتي ورد وريحان
طمنتيني الله يطمن قلبج ويشافيج يارب ياكريم

لا تحاتين وراجعي طبيب حكومي بعد وانشالله مافيج الا العافيه

مثل ما قالت لج الأخت ورد وريحان
الأربعة والخمسة وبداية الستة طبيعي لا تحاتين

السكر من 7 وفوق

حبيبتى ما تشوفين شر ان شاء الله
والحمدلله مثل ما قالولج البنات تحليل السكر عندج ممتاز