|
|
السلام عليكم ..
شلونكم بنات ؟ عساكم طيبين انشالله ..
بنات انا اليوم حييل متضايقه وودي اطلع كل الي بقلبي لكم .. لان ادري ان نصايحكم من ذهب ..
بنات اول شي بذكركم فيني .. انا عمري 20 وعندي ولد عمره 11 شهر وصارلي 10شهور مطلقة ..
وكتبت قبل جم شهر هالمواضيع اقروها
https://www.q8yat.net/showthread.php?t=179687
https://q8yat.net/showthread.php?t=184620
طبعا بنات بقولكم شنو الي صار من بعد طلاقي .. اول شي للعلم ترا ابو ولدي ولامره سال عن ولده ولا يدري عنه .. بس ابوه (عمي) مره يا بيتنا يشوف ولدي .. وقالنا ابوه ان من الطلاق واهو بره الكويت
الحين يابنات انا والله ابجي قهر .. لو تدرون بهلفترة شنو صار فيني .. بنات انا تعبانه حيل من الطلاق
صج اني بغيته .. بس ماقدرت عليه لانه صعب .. بنات والله الحين لما اتذكر كل شي اقول انا من صجي شصار فيني حزتها ليش كانت معاملتي جذي احس ان الشيطان صج صج لعب فيني .. والحين انا الي خسرت .. مع ان اهوان كان صج يحبني
والله بنات مادري من وين ابتدي وشقول بالاول
كل الي اعرفه اني متحسفه حيل حيل لاني كنت فعلا ياهل وسخيفه
بنات اناااا ابي ابو ولدي ابيه ابيه ابيه 
والله كل يوم ودي ادق عليه واحط الرقم بس اخاف من ردة فعله .. والمشكله انه مايعرف رقمي
اهلي تغيروا علي .. احس الكل تغير علي .. حتى بعض رفيجاتي قاموا مايكلموني نفس اول وتغيروا وايد ..و امي امي ..
امي كارثه بالنسبة لي .. اهي الي كانت تشيشني علييه وتشيش ابوي .. صارت متضايقه من وجودي وتعايرني بطلاقي وتقولي انتي الي سويتي كل هالمشاكل وانتي ماصبرتي عليه ولا خذيتيه بالكلام الحلو .. وانتي منو بيتزوجج وعندج ولد .. وانتي ياهل مو مال زواج مسؤولية .. وانتي وانتي وانتي انا صارت كل عيوب الدنيا فيني
والله ان قاعده اعاني ..
بنات الله يخليكم قولولي شسوي ؟
انا غلطت غلطه كبيره .. صج انه اهو بعد كانت عنده غلطات .. بس والله كله افكر واقول لو كنت ماقصر عليه ومعطيته حقوقه .. لو كنت محترمته وماصرخ عليه .. لو كنت اقوله كلام حلو واصبر عليه ..
جان ماوصلت للطلاق .. جان الحين احنا عايشين ومرتاحين ..
بنات ادري بعضكم بيقول لاتحملين نفسج مسؤولية كل شي .. اهو الي كان غلطان ..
بنات صح اهو غلط وايد .. بس انا الي وصلته حق هالمرحله .. اهو صبر علي وايد بالبدايه وكان يقول صغيره راح تتعدل بعدين .. وعلى قولة المثل الشي اذا زاد عن حده يقلب ضده .. وفيه حريم ماينعطول ويه .. كل مادلعتهم وعطيتهم ويه داسوا عليك
انا منهم
بنات قبل فتره.. فيه شخص يصيرلنا انا وطليقي .. دين وخوش ريال .. اهمه حيل قراب من بعض .. كلمني وقالي اذا تبيني اسوي دور بالصلح فانا مستعد .. انا طرت من الفرحه وقلت اكيد قاله يوصلي هالكلام لانه طليقي ماعنده رقمي ومافيه طريقة ثانيه يقدر يوصلي فقال حق هالشخص .. لان هالشخص يقدر يوصلي.. المهم انا استانست ..وقلتله انت فلان اهو الي دزك لي ولا من نفسك .. قالي ان فلان مايدري وانا من نفسي .. يعني يبي يسوي عمل خير و يردنا حق بعض ..
ونصحني وايد اني ارجع وقالي ايات واحاديث ان المره مالها غير زوجها .. وان اذا تبين ترديله قولي عادي (يعني الي فهمته ان التكبر موزين بهلموضوع واذا اي احد يبي الثاني خيقول مافيها عيب )
انا شرحت سويت
اول شي قتله انا ابي صلح اذا كان اهو يبي .. وعقب فتره رديت
عصبت وقتله ان فلان لايمكن يتغير وحتى ولده ماسال عنه و يزاك الله خير على هالمحاولات بس انا مابي صلح ..
بنات انا لما عرفت ان مو طليقي الي دازه .. خفت لااقوله اي ابي الصلح يروح يقوله انها تبيك وواهو يرد عليه يقوله انا مابيها وينقص ويهي واتفشل .. وبصراحه احس انه لقاله وحده او يمكن تزوج وشالني من باله ..
احس ان تفكيري للحين ياهل .. وطبعي ماتغير للحين مغروره وماعندي احساس
ياربي ادري قرقت وايد بس بنات من كثر الاشياء الي بقلبي مادري شقول وفيه شغلات نسيتها
الحين بعد الي قريتوه .. ابيكم تقولولي حل حق مشكلة الطلاق شنو اسوي ؟ اكمل حياتي الي موقادره اكملها ؟ ولا شسوي ؟
وثاني شغله ابي حل حق امي ؟ شسوي معاها والله بنات اكون بحالي تيي تتحرش فيني وتسمعني كلام يعور القلب اهيه مو طايقتني ودايما تدعي علي بدون سبب
والله نار الزوج ولاجنة الاهل ..
زواجي كان وايد ارحم من حياتي الحين ..
عيشى حياتج طبيعى و سوى كل شى طبيعى ومع الوقت راح يتغير نظرهم لج
انا ادرى ان مشكله الناس بكلمه ((مطلقه)) مع الاسف الناس تظن دائما ان المطلقه انسانه سيئه او انها اهيه السبب
مايدرون بان المطلقه تتعذر اكثر من اى انسان بالدنيا
الله يصبرج .. ودعى ربج يسهل امرج ويهدى سرج ويهدى امج انشاءالله
اللهم امين
اذا تبين اصلاح.. اسعي…
بس بشرط لا تقول اني انا الي قلت وهذي امانه برقبتك انك ماتعلم اني انا
وهذي امج من كثر مو منقهره على حالج مافي ام تكره بنتها
والله يسهل امورج
شوفي يا قلبي روحي حق هالريال
الي ياج وسالج
وقوليله شنو كان بخاطرج وقوليله الي بتفكيرج وقوليله لا يقول جدامة انج تبينه
وربي ان الريل نعمه
صج انا كنت جذي بس انا غيرت من نفسي وااايد و الحين حياتي ما تسوى بدونه
عسى ربي يفرج همج وغمج يارب
كثري من الدعاء والاستغفار والله يفرجها انشاءالله
الحمدلله على كل حال
الاستغفار والصدقه والدعاء بان الله يفرج همج وكفاله اليتيم
وقيام الليل
وثاني شي انتي لما الحين احس فيج غرور.. حبيبتي اذا انتي تبينه تنازلي عن هالغرور واسعي للإصلاح لا تقولين هوليش ما سال وليش ما سوا و ليش ما عمل .. خلي نيتج صافيه واسعي للصلح.. وترى القلوب بيد مقلب القلوب خليج متوكله عليه
ومثل ماقالت أختي يوسف إن مايبلغه إنج مطرشته اذا تبين وأهوه ريال وأكيد يعرف أشلون يفتح الموضوع ويقنعه لأنه الريال وريايل يعرفون حق بعض.
الله يهديكم انشالله ويردكم على بعض
وعليج بصلاة الليل والدعاء
لان بالبدايه قالي هالريال اذا تبين اسوي دور بالصلح انا مستعد انا قتله اي انا ابي اذا اهو يبي .. بعدها بجم يوم سالته اهو دازك ولا انت من نفسك قالي لا انا من نفسي .. وقالي انا قتله اني كلمتج وسالني نفس السؤال واهو : (اهي الي بدت ولا انت) ..
فهمتو بنات ؟ يعني طليقي عرف اني قتله اني ابي .. فساله نفس سؤالي اهي الي دازتك ولا انت الي بديت ..
عشان جذي عقبها قالي الريال اذا تبون تردون حق بعض قولو بدون غرور وردة المره حق بيت زوجها تسوى الدنيا ..
وعشن جذي عقبها انا سحبت كلامي وقتله خلاص انا مابي صلح ..
لان انا الصراحه ماكان ودي تيي مني .. كان ودي انه اهو يبتدي عشان لاينقص ويهي ..
وهم حست ان حياتها تغيرت بعد الطلاق وندمت وقالت خلاص انا ابي ارجع
محد عطاها ويه وقالها مثل ما انتي تطلقتي منه رديله بروحج
عاد اهيا ترددت لان كان خلااااااااص حاط في باله وحده ثانيه بيتزوجها
بس ضغطت على روحها وقالت ميخالف عشان ولدي
واتصلت عليه وقالت له انا تغيرت وابي ابدي معاك صفحه يديده لكنا غلطنا وانا معترفه بغلطي وابيك تسامحني وتردني اذا مو عشاني عشان ولدي
ريلها ما عطاها ويه بالاول
حتى انها فكرت تكنسل الموضوع بس كملت عشان خاطر ولدها والحمدلله رجعوا على بعض
كانت تسير مشاكل بس كانوا يحاولون يكبرون عقلهم ويمشون السالفه وما تصدقين هالمره الحين عندها عيال كل واحد اشطوله
و تحياتي
دقي بعلم امج
بحجت الولد
قام يقول بابا
الولد مريض
بسجلة بحضانة ويبونك
اي شي بس لاتقوليلة ابيك ومتحسفة بردلك
او شي خاص فيج لانة الحين هو غريب مو زوجج ديري بالج
وادعيلة يحنن قلبه عليكم ويرزقج حبه وودة
لكن بطريقة فيها عزة وترفع ، واستخدمي طاقتك الإيجابية وتفكيرك بحسن الثقة بحكم القدر فيك
ربي ما يكتب شي إلا لحكمة ، ولعل هالانفصال درس قاسي لك ولغيرك ممن لا يشعر بالنعمة إلا بفقدها
في دورات وناس مختصه تعيد لك زوجك لحضنك وتجدد لك حياتك الزوجية وتصيغ لك شخصيتك ،
الله يكتب اللي فيه خير لك ، بالتوفيق.