تجهيزات استقبالي في دار الشفا pink_coffee

صباحكم ورد

كنت متابعة قسم ( الحمل و الولادة ) من بداية حملي و ولدت بالسلامة

بشهر 12 -2012 وراح أضيف تجهيزات استقبالي وعناوينهم بالانستغرام للإفادة

*** إستعنت بقائمة العضوة ( أم خلفان) قواها الله في تجهيزي للبيبي

*** دكتورتي كانت ( د.ليلى أشكناني ) وهذا رقم عيادتها 25715858

ولدتني قيصري مع ابرة ظهر يعني كنت معاهم أسولف مخترعة شوي بس ماشالله بسرعة

ولدت و خياطها كان نظيف جدا .. وإنسانة مريحة ومتواضعة وطيبة

*** إخترت مستشفى ( دار الشفا ) لأني سمعت أنه أفضل المستشفيات من ناحية

ستاف التمريض, دكاترة التخدير, ودكاترة الأطفال و أيضا يقدمون بوفيه للمريض و مرافقينه

شي لذيذ ماشالله (اللي يولد هناك يعزمني) .. و طلع حسابي 2000 تقريبا (شامل ليلة

بغرفة عادية + غرفة رويال 3 أيام + القيصرية + إبرة ظهر + دخول 3 مرافقين غرفة

الولادة + حساب الدكتورة )

صور من استقبالي

" كفري "

خذيته من ( دار الزين ) @daralzainkw

وأضفتله دانتيل أسود يكحله

" العصير "

من (21CARROTS) محل بالحمرا متخصص بالككاو @21carrots

والكل استانس من شكله

" الككاو والتوزيعات "

الككاو خذيته من (Rose White) محله بالعقيلة ككاوه لذيذ بمجمع يم البيرق

والتوزيعات من (مارسيلو) @marcello_kuwait من محل في بياع الورد

و أنا غلفتها بنفسي على نفس ألوان كفري وحطيتها بحامل من (دومو)

" الموالح و التقديم "

خذيت الورق عنب من أم ريان (ميني ماني) @1minimany

وهم خذيت منها صاج دجاج جدا لذيذ وحامض باللون الأحمر

و بوتيتو كرار شي يم يم و شغل ذرب

و خذيت من أم ضاري @originalkitchen

معجنات البقش كل لون بحشوة و كبب بأنواع و ثاني يوم طلبت منها أقماع

وكل اللي طلبته منها لذيذ وايد

" السكر "

خذيت سكر بطعم الزعفران والهيل والنعناع من @addoys

" صحوني "

خذيتهم من (سنتر بوينت)

و طقم الاستكانات والفنايين خذيتهم من (فياصل) بس ما صورتهم

وبس سلامتكم أختكم @pink__coffee

والله يرزق كل محرومة يارب ويسهل على كل حامل ويرزقها الذرية الصالحة