تجمّع معلمات الرياضيات للابتدائي لقيت الحل لكل مشاكلنا ادعولي أرجو التثبيت

السلام عليكم ورحمة الله وبركاته

كل الابلات هالسنة يمرون بحالة تذمر عام زادت الضغوط وزادت التوجيهات وزادت الالتزامات

يمكن يكون نصابج 15 حصة وماسكة اشراف أومناوبة او مربية او اشراف تغذية او متابعة ضعاف او فائقات او او او

يمكن تكونين تدرسين مناهج متعبة في تصحيحها مثل رابع وخامس وحتى ثالث
خصوصا ان المدرس مطالب لانهاء وتطبيق كافة تمارين كتاب التلميذ في الحصة .. ومطالب بسعة صدر وطولة بال والتزام الصمت وتطبيق كافة الاوامر

مادري صرتو مثلي تاخذون دفاتر التحضير للبيت والكتب للبيت عشان التصحيح

كثير من المدرسات يفكرون بالعمل كادارية او تفكر بالنقل اعتقادا منها ان المدارس الثانية اخف اعباء او ربما بالتحويل للعلوم او الحاسوب

لكني وجدت الحل
شنو الحل اكثر جزء يزيد من اعبائنا اليومية هو التحضير

التصحيح مو مشكلة ممكن تصحيح كتاب التلميذ وانتي مغمضة لان التطبيقات يكونون ناقلينها من السبورة كراسة التمارين من كتاب محلول ومحدده فيه الاسئلة .. سوي نفسي قسمي الصف لمجموعتين وكل يوم جمعي مجموعة من كتب التمارين لانها تتطلب دقة

المشكلة الفعلية هي في:

التحضير واعداد الوسائل

ولقيتلكم الحل
بالنسبة للوسائل اخذي بطاقة من اللي موجودات بالمنتدى واسحبيه عشر نسخ او عشرين وغلفيها حق كتابة الاعداد
واشتري مجموعة بطاقات a3 وغلفيها حق الاسئلة الحياتية وكل يوم عالحصة السابعة .. اعدّي وسائل باجر ونظفي بطاقاتج كل يوم باسيتون
وما تاخذ منج اعدادها ربع ساعة.. والله يخلي مسطرة الارقام المفرغة مو الا كمبيوتر يعني
وسوو نفسي على اخر الاسبوع اسحب رؤوس الاسئلة طباعة مثل قارني ولا اوجدي الناتج ولا رتبي تصاعديا على حسب اللي عندي هالاسبوع

انا اختي هم تدرس رياضيات وتقول ان البنات متفقين بينهم كل اسبوع الوسائل على وحده من اللي يدرسون بالمرحلة بس انا اشوفها مو طريقه عمليه يمكن نكون كلنا عندنا نفس الدرس بنفس الحصة.. فاغني نفسج احسن

وبالنسبة للعلة الباطنية( التحضير اليومي لمرحلتين دراسيتين)
لقيت لكم الحل بس تكفون ادعولي وساعدوني

لو نفتك بس من التحضير لقمنا بكافة الاعمال المناطة لنا بسعة صدر

الحل شنو

الحل طال عمركم بيدينا كلنا والحين

كل وحدة تحط كل الورش اللي عندها لكل المراحل والدروس من باجر بجيب كل الورش اللي عندي ان شالله

لاتخلون درس ولا فصل ولا مرحلة ولا وحدة كل اللي تقدرين عليه حطيه بهالموضوع وخلونا بعدين

لما نحط كل اللي عندنا

نرتبهم بموضوع مستقل سبيل لكل وحدة تبي تسحب لاي مرحلة

وبحط لكم بعد مفاجأت عندي بتعجبكم
ممكن تزينين فيها دفترج التحضير

تخيلي تسحبين خمس دروس وتحطينها بدرجج كل يوم تحطين ورقة بملفج بدال التحضير اليومي

تصير قعدتج في المدرسة بس تدريس وتصحيح

ويمديج تريقين وتقهوين وتنسدحين تنامينلج حصتين على قعدتكم وتسولفين مع رفيجاتج
وتسيرين عالاقسام الثانية

وتعينين من الله خير

تدرون اني لقيته بموقع وحده تبيع تحضير صف واحد بس ب150 دينار
سي دي؟ ب150… شفتوا الجشع

الله يغنينا عنهم

يالله يابنات ربعٍ تعاونوا ما ذلوا

ايدكم بيدي

وش احسن من جذي تحاضير ورش ماعليها كلام.. اهداف معتمدة..

وانتي عاد لا سحبتي غيري كلمة منيه مناك عشان مانصير كلنا طبق الاصل

والله يكتبلنا وياكم الراحة والتوفيق
جذي الواحد بيقدر يدرس وهو مرتاح مو مخنوق ومضغوط

روعة روعه الموضوع يزاج الله خير والله العظيم اشتركت بالمنتدى بس عشان هالسالفة
صج ماكو وقت
يمه جنج تسمعين السوالف بقسمنا كلنا نبي نحول فعلا ضاقت خلوقنا
بس خنطيح هم التحضير على قولتج
ونلزق الفترة اللي بقت من الكورس الاوراق عالدفتر
ومن الكورسات الياية نبدا نسوي فايلات
وايد فكرتج حلوة

انا بحط الورش اللي عندي
واذا تبون من دروس ريادية شي انا حاضرة
واذا تبون مهارات الفترة الاولى حق اولى وثاني وثالث
والفترات الثانية والثالثة والرابعةهمن انا حاضرة
هاتي اللي عندج يُبا خلنبدا

مدرسات الرياضيات بسألكم ادري اني داشة عرض بس ما عليه تحملوني

الحين الاختبار القصير للصف الرابع ابتدائي جم صفحة تحطونه؟؟ وبعدين تحطولهم اسئلة من التفكير النقدي؟؟

انا مسويه تجمع وما احد يكرم علينا بورش غيري ومحد يتعاون معاااي وللحين انزل لكم

وماتكاسلت تعاوني معااااي

ياليت تحطينه في تجمعنا الاولي من زمان حاطته
https://www.q8yat.net/showthread.php?t=467864

[ قوة يابعد عيني منور بنت الطنايا مالنا ابد عنج غناة
اكبر شرف لي مرورج على موضوعي وهذا اكيد رح يثريه و انتي خير ممثل للرياضيات بهالقسم صراحة ولا يهون الباقي
بس ياقلبي الرابط الاول راح كله سوالف ومحد حط ورش غيرج اتعب في الصفحات وانا ادور الله يهداهم ضيعوا الموضوع بالطلبات والسوالف حتى هذا بعد رح يجون ناس ويدشون عرض فيه بمواضيع مالها صله وراح نرتبهم كلهم بموضوع ثالث بعدين لما نحط بس التحاضير من ورش والمهارات واوراق عمل وبور بوينت وخطط علاجية مثل ماتفضلت اختي غرشة عطر مشكورة
يعني خنحاول نحط الزبدة هنيه
واكيد مالنا غناة عن خدماتج اسمحيلي انا قاعدة اجمعها كلها هنيه خدماتج مع اللي عندي بعد
واذا عندج جديد ضيفيه ..
هم اللي عندي شغلات متحركة بتفيدنا بالتحضير مثل صور الكسور والتمثيلات البيانية والساعات اقدر اصيغها على اي سؤال

ورح اجمع كل شي بعدين مفيد ليما نطلع بزبدة نهائية من الموضوعين موضوعج الاول
وموضوعي هذا
هذا اكيد بعد اذنج
ولج من كل مدرسات الرياضيات بالكويت الف الف شكر يابعد حيي
اختي البيداء كنا نبي الموضوع للتحاضير بس ما نقدر نرد اولياء الامور
طال عمرج بالكثير اربعة اسئلة صفحة وحده مباشرة .. من عشر درجات.. اكيد رح يكون سؤال بالتمثيل البياني اي نوع او الازواج المرتبة
وسؤال بالمدى والوسيط والمنوال
وسؤال بكتابة رموز الاعداد والقيم المكانية حتى مئات الملايين او مقارنتهم او تقريبهم او ترتيبهم
وسؤال بالوقت
بس اتمنى لو انج طرحتي سؤالج بمكان ثاني ومارح نردج بس نبي الالتزام بالموضوع المحدد
عشان مايضيع طلبنا بين الاسئلة والمواضيع الثانية اسمحولي ياحلوين اجمع لكم الحين اللي عندي
وايدي بيدج يابنت شمر لاتقصرين مانسوى شي بدونج .. مع الشكر لغرشة عطر وكل المعلمات وبانتظار مالديهن جعله الله في ميزان اعمالكم

لالالا انا اعترض ماهوو عذر يا اختي

انه في ناس دشو سوولفو في موضوع منور انكم تبخسون حق منور

انا ما ابخس حق منور الطنايا صاحبه اول تجمع مايصير تفتحون تجمع اخر وماتعترفون بخدماتهااااااااااا

تعالو رتبو خدماتكم بموضوعهاا اهني هي الوحديه اللي تنزل ورش سيديات دروووس وهي اللي تساعد كل وحده اهني بالقسم

شوفو كل موضوع عنوان تعالو ساعدوني شوفو منور شنو ردهاااااااااااااااا قمه بالتعاون كريمه مع المعلمات الجدد خاصه

اولا لازم ما يكون حصه كامله يعني وقت التمهيد في الحصة العادية يعني بو 7-10 دقايق بس
طبعا صفحة واحده ويكون من اسئلة الكتاب مو الكراسة ولا يكون من دروس الاستكشاف مايصير من تفكير نقدي أو سؤال تقدير مو تقريب احنا سوينا الامتحان جزئين كل واحد من 5 علشان نسهل عالبنات

يعلم الله اني ماجيت انافس او افرد عضلاتي
انا جايه افيد واستفيد وكان الله بالسر عليم

وكنت ابي نرتب كل اللي عندنا.. يعني اللي عندها شي تحطه واللي ماعندها لاتضيف شي..

بس دام الموضوع انفهم انه بخس حق واني غلطت على بنت اكن لها كل تقدير.. مع اني كل مرة اشيد بفضلها وما انكره
لاوالله لابوه موضوع اللي يجرح اي اخت ويزعلها مني بدون قصد…واتمنى ان يحسن الظن بي

عيل خلاص يابنات قفلوا الموضوع هنيه وخلونا نكمل برابط الاخت منور
وهذا رابط الاخت منور للتذكير ونتمنى تثبيته….
https://www.q8yat.net/showthread.php?t=467864
اللي دخل هنيه يدور شي
روحي هناك ترانا رح نفعل التحاضير هناك ونتمنى الكل يشارك.

واتمنى من البنات اي شي تقراه في هالمنتدى يخص رياضيات الابتدائي تنسخه مع نسبه لصاحبة الفضل و تحطه بموضوع منور وتوفر علينا العنوة

لاعادي يالغلا انا مو زعلانه والعمل بالنيات ونيتج طيبه واضح ماشاء الله عليج و حورية اخت غالية ويمكن تحسبني زعلت

يارب لك الحمد اني لقيت وحده مثلج متعاونه